Сабақтың тақырыбы: Визуалды программалаудың ортасы.

Сабақ жоспары :

Пән аты : Информатика

Сынып : 10

Сабақтың тақырыбы: Визуалды программалаудың ортасы.

Cабақтың мақсаты:

Білімділігі : Визуалды программалаудың ортасын қолдана білу, Visual Basic программасы мүмкіндіктерімен таныстыру;

Дамытушылығы : Оқушының әрбір сабаққа ынтасы мен қаблетін біріктіріп, пәнге деген қызығушылығын арттыру.;

Тәрбиелігі : Әр оқушыны іскерлікке, нақтылыққа, ынтымақтылыққа тәрбиелеу. Сабақтың түрі: аралас сабақ

Сабақтың әдісі: түсіндіру, сұрақ-жауап

Сабақта қолданылатын көрнекті құралдар: компьютер, оқулық,

Сабақтың барысы

І Ұйымдастыру кезеңі

Оқушылармен сәлемдесу, түгелдеу. Назарын сабаққа аудару.

ІІ Үй тапсырмасын тексеру

1. Құрылымдық программалау деген не?

2. Құрылымдық программалау қашан пайда болды?

3. Модульдік программалау деген не?

4. Нысанға бағытталған программалау тілі қандай қызмет атқарады?

III Жаңа тақырыпты түсіндіру

Визуалды программалау көрнекі құралдар арқылы қолданбалы программалар жазылатын программалау саласы. Мұндай жағдайда программалаушы программа мәтінін жазбайды, тек нәтижесінде не шығу керектігін көрсетеді. Программа мәтіні визуалды прототип көмегімен автоматты түрде құрастырылады. Визуалды программалау нысанға бағытталған программалауға негізделеді.

Windows амалдық жүйесіндегі программалар пайдаланушыға өздерінің графикалық интерфейстерімен таныс. 1991 жылы Стивен Гибсонның (компьютерлік технологияның және компьютерлік қауіпсіздіктің бас маманы, программаларды ойлап табушы) программа жазуы бойынша Visual Basic тілі пайда болды. Visual Basic тілінің визуалды интерфейсі қолданбаларды тез және жеңіл құруға мүмкіндік беретін еді. Visual Basic тілі – қандай тіл? деген сұраққа жауап іздейтін болсақ:

• Visual Basic Microsoft корпорациясы ұсынған жылдам, тез программалау ортасы.

• Visual Basic тілі визуалды графикалық интерфейс жасау құралы. Визуалды құралдар арқылы пайдаланушы программа жазғанда уақытты үнемдейді.

• Visual Basic тілі бірнеше операторлардан, функциялардан, түйінді сөздерден тұрады. Осылардың көмегімен тілді алғаш үйренушілер керегінше программалық қолтанба құра алады, ал тілді толығымен меңгерген пайдаланушылар Windows-тың (Visual C++, Delphi) нысанға бағытталған программалары жұмыс жасай алады.

• Жаңа компьютерлік технологияларда Visual Basic тілі арқылы бизнес қолданбалар , мультимедиалар, мәліеттер базасын құруға болады. Мұндағы тапсырмалар күрделі және қарапайым болатындықтан, құрылатын қолданбалар да күрделі және қарапайым болады.

• Visual Basic тілі қарапайымдылығы мен қуаттылығының арқасында Microsoft Office пакетінің стандартты программасы болуға мүмкіндік берді.

• Visual Basic тілі қазіргі кезде оқу құралы болып саналады. Себебі ол көрнекті, логикалық, қарапайым, жеңілдігімен ерекшеленеді.

• Visual Basic тілі динамикалық тұрғыдан дамып отыратын тіл. қазіргі уақытта тілдің «7 шығарылымы» бар. Әрбір шыққан шығарылымдар алдыңғы шығарылымдарға қарағанда мүмкіндіктерін кеңейте түседі.

• Қазіргі уақытта ақпараттық технологиялар нысанға бағытталған программаларға негізделгендіктен бір программадан келесі программаға көшу қиынға соқпайды.

• Программалар жүйесінде Visual Basic тілі «жоба» құру ортасы деп атайды. Тапсырмаларды орындау кезінде жобалар құрылады. Мұнда «программа» сөзінің «жоба» сөзіне ауыстыру мәні: пайдаланушылар программа ғана құрып қоймай, жоба жасап та үйрену керек. Осыдан барып Windows ортасында нағыз программалық қолданба пайда болды. Программа қолданба құрудың бір бөлігі болып саналады. Қолданбада программа жазудан басқа бөлім, келешек қолданбаның терезесін құру. Терезеде нысандар орналасады. Нысандар: батырмалар, мәтіндік және графикалық өрістер, айналдыру жолақтары, т.б. Программа осы нысандарды басқару үшін де жазылады.

Визуалды программа технологиясы нысанға бағытталған программа ортасында жұмыс істеуден басталады.

Мысалы, визуалды программада пішінге қасиеттер беру арқылы пішінді құрады. Пішінге нысандарды орналастырып, оларға қасиеттер беріп нысандарды визуалдаймыз.

Нысандардың стандарттық жиынтығы:

Forms – қолданыстағы бірнеше пішіннің жіктелуі.

Controls – нысандар ішіндегі барлық элементтер.

Нысан мынадай түсініктермен сипатталады:

Күйі – нысан үнемі белгілі бір күйде болады.

Қасиеті – нысанның жеке қасиеті.

Оқиға – нысан күйінің өзгеруі.

Операторлар – бір немесе бірнеше операцияларды орындайтын программа тілінің құрылымы. Кез келген оператордың жазылу ережесі бар, мысалы; «=» меншіктеу операторы болып саналады.

IV Сабақты бекіту

1. Visual Basic тілін кім құрды және ол қандай программа?

2. Visual Basic тілінің технологиялық ерекшелігі қандай?

3. Нысан неден тұрады?

4. Нысанға бағытталған программалау тілі қандай қызмет атқарады?

5. Нысандардың стандартты жиынтығын атаңдар.

V Үйге тапсырма Визуалды программалаудың ортасы.

VI Бағалау Оқушыларды білімдеріне қарай бағалаймын