Сабақтың тақырыбы: Жануарлар әлемінде

Павлодар қаласындағы

дарынды балаларға арналған

№8 лицей- мектебінің

қазақ тілі мен әдебиет мұғалімі

Жакиенова Оркен Абылкасымовна

Сабақтың тақырыбы: Жануарлар әлемінде

Сабақтың мақсаты: 1. Білімділік: Модуль бойынша алған білімдерін сараптап, тәжіребе жүзінде пайдалана білу дәрежесін қалыптастыру.

         2. Дамытушылық: Сөйлем құрауға дағдыландыру, сөйлем арқылы мәтін құрастыруға, қысқаша мазмұндауға үйрету.

         3. Тәрбиелік: Жануарларды қорғауға баулу, табиғатты сүюге тәрбиелеу.

Сабақтың түрі: білімді бекіту сабағы.

Сабақты өткізу әдісі: Интерактивтік, сөздік әдіс, ой жүйелеу,ізденісті,әңгімелеу.

Сабақтың формалары: ұжымдық, топтық, жекелей

Сабақта қолданылатын құралдар мен көрнекіліктер: Интерактивтік тақта

Пәнаралық байланыс: Жаратылыстану, информатика

Сабақ барысы:

І. Ұйымдастыру кезеңі. (Уақыты:2 минут)

М: Сәлеметсіздер ме, балалар!

Оқушылардың жауабы күтіледі.

М: -Бүгін кім кезекші?

Кезекші окушы тұрып берілген сұрақтарға жауап береді.

-         Бүгін аптаның қай күні?

-         Қазір нешінші сабақ?

-         Сыныпта кім жоқ?

-         Үйге қандай тапсырма берілді?

ІІ. Үй тапсырмасын тексеру. (Уақыты 10 минут)

Үйге берілген тапсырма: Жануарлар тақырыбын қайталау және сөздерді қайталап шығу.

Үй тапсырмасы  сабақ барысында тексеріледі.

Интерактивті тақтаны қосып сабақтың тақырыбын ашамыз. Ең алдымен музыка қосылады. Музыка қосылып тұрып,  бұл музыка қалай аталады екенін сұраймын. Балалардың жауабы күтіледі.

Оқушылардың жауабы: «В мире животных»

Флипчарт ашылады, жан- жануарлардың суреттері беріледі. Жан-жануарлар бірнеше түрлерге бөлінеді. Олар үй жануарлары, жабайы аңдар, жыртқыш аңдар. Бүгін қайталау сабақта осы тақырып бойынша  не үйренгенімізді не білетінімізді қорытынды жасаймыз.

ІІІ. Сабақтың мақсатын ашамыз: (Уақыты 1 минут) ( «В мире животных» - әуені орындалып тұрады)

Оқушылардан күтілетін нәтиже: үй тапсырмасы бойынша білім- білік дағдыларын іске асыра білулері, өз беттерімен іздене отырып жұмыс істеуге қабілеттерін дамыту.

 (Интерактивті тақтада флипчарт тәсілімен үй жұмысының 1 тапсырмасы тексеріледі)

1.Сөздердің аудармасын жаз, сөйлем құрастыру.

Млекопитающий-                           жираф-

Самый крупный-                             волк-

Животные-                                       лиса-

Растение-                                         верблюд-

На суше-                                          страус-

Хищник-                                         лев-

Сильный-                                        слон-

Жук  -                                              терпеливый-

Тақтаға шығып қазақшасын жазады.

Оқушылардан қүтілетін нәтиже: лексикалық тақырыпқа байланысты сөздерді, сөйлемдерді дұрыс қолдана білу, сауатты жаза білу.

(Интерактивті тақтада флипчарт тәсілімен дайындалған тапсырмаларды орындау)

2.Интерактивті тақтада жануарлардың суреттері бейнеленген, солардың атауларын қойып шығу   ( Уақыты 2минут)

( керік, жолбарыс, піл, түйеқұс, кит, маймыл, тасбақа аю, арыстан, гепарт)

Төмендегі жазылған атауларын тиісті суреттің орнына қою.

Дыбыстарды тыңдатып қай жануардын дыбысталуы екенін айту.

3. Жұмбақтарды шешеміз

4. Грамматика саласына тапсырма. Көп нүктенің орнына тиісті сұраулық шылауларды жазыңдар. (Уақыты 2 минут)

Маймыл ... , көбелек..., түлкі... , балық..., жеміс.., жолбарыс..., барамыз..., көрдің..., гепард..., адам..., ұсақ..., үлкен... .

5. Ой қозғауғу берілген тапсырма. Интерактив тақтаға назар аударамыз.

 (Уақыты 4 минут)

Сұраққа жауап беріңдер.

Түйе жыртқыш аң ба?

Оқушылардан күтілетін жауап: Түйе жыртқыш аң емес, түйе үй жануары.

Жолбарыс ең ауыр салмақты жануар ма?

Жауап: Жолбарыс ең ауыр салмақты жануар емес, жолбарыс өте күшті жыртқыш аң.

Керік ең кішкентай құс па?

Жауап: Керік ең кішкентай құс емес, керік ең биік жануар.

Колибр әлемдегі ең үлкен құс па?

Жауап: Колибр ең үлкен құс емес, колибр ең кішкентай құс,оның салмағы-1,5 гр

Ең ірі маймыл шипонзе ме?

Жауап: Ең ірі маймыл шипонзе емес, ең ірі маймыл горилла

Піл ең ауыр саламақты жануар ма?

Жауап : Иә, піл ең ауыр салмақты жануар

Сергіту сәті: Оқушылар орнынан тұрып тақпақты айтып жаттығу жасайды.

Түйе, түйе, түйемін,                                  Жан-жағыма қараймын,

Жануармын киелі.                                     Күн мен түнді санаймын.

Кім таласар бойыма,                                 Мен өзімді даланың

Жыл басына иемін.                                   Кербезіне балаймын.

6. Шығармашылық жұмыс. ( Уақыты 10 минут)

1 топ :Жануарлар туралы ертегі құрастыру

Тірек сөздер таратылады: хайуанаттар бағында-в зоопарке, мақтанды-хвастовались, барлығы-все, тату өмір сүрді-жили дружно, аң патшасы- король зверей

2 топ: Барлық жануарларды қатыстырып диалог құрастыру, жануарларға мінездеме беру және сипаттау.

Тірек сөздер: момын-тихий, ку-хитрый, озбыр-суровый, шыдамды-терпеливый, батыр аң-смелый зверь, сұлу құс-красивая птица, қорқақ аң-трусливый зверь

Оқушылардан күтілетін нәтиже: Ойларын толық жеткізе алуы,сөзерді сөйлеу тілінде дұрыс қолдана білуі.

7. «Ғажайып алаң» ойыны.  Түрлі түсті парақта сұрақтар берілген, барабан тоқталған соң,  берілген сұраққа жауап беру. Осы сұрақтар бойынша сабақты бекіту. Жалпы 13 сұрақ қойылады.

Сабақтың тәрбиелік мәнін бекіту.( Интерактив тақтада назар аударамыз) (Уақыты 1минут

Табиғатты қорғау: Ағашты кеспе, құстарды атпа, жәндіктерді өлтірме,құстардың ұясын бұзба, жануарды теппе, табиғат аясында демал, бірақ табиғатқа зарар берме.

Оқушыларды бағалау: Сабаққа белсенді қатысқан оқушыларды бағалау.

Үй тапсырмасын түсіндіріп өту: жануарлар тақырыбына сөзжұмбақ немесе ребус құрастырып келу.