Сабақ жоспары :
Пән аты : Информатика
Сынып : 10
Сабақтың тақырыбы: Білім беру ақпараттық ресурстары
Cабақтың мақсаты:
Білімділігі : Оқушылар Білім беру ақпараттық ресурстарымен танысады. Білім порталдары және каталогтары туралы түсінік алады.
Дамытушылығы : Оқушылардың ойлау қабілетін, логикасын, мәдениеттілігін дамыту.
Тәрбиелігі : Оқушыларды ұқыптылыққа, жүйелілікке тәрбиелеу.
Сабақтың түрі: аралас сабақ
Сабақтың әдісі: түсіндіру, сұрақ-жауап
Сабақта қолданылатын көрнекті құралдар: компьютер, оқулық,
Сабақтың барысы
І Ұйымдастыру кезеңі
Оқушылармен сәлемдесу, түгелдеу. Назарын сабаққа аудару.
ІІ Үй тапсырмасын тексеру
«Ақпарат» термині туралы жаңадан не білдіңдер?
Ақпаратты қанша деңгейде қарастыруға болады?
Ақпараттану деген не?
Ақпараттанудың негізгі нысаны не?
Ақпараттық жүйелер деген ұғымды түсіндіріңдер
III Жаңа тақырыпты түсіндіру
Ақпараттық ресурс әлеуметтік басқару үдерісіндегі қызметтің ерекше түрі болып табылатын ақпараттық қамтамасыз етудің негізін құрайды.
Білім берудің ақпараттық ресурстары – ақпараттың кез келген түрі немесе оқу үдерісінде қолдану үшін арнайы жасалған программалық өнімдер.
Оның ішіндегі білім берудің электрондық ресурстарына тоқталайық.
Білім берудің электрондық ресурстары:
Оқу материалдары (электрондық оқулықтар, оқу құралдары, рефераттар, дипломдар).
Оқу-әдістемелік материалдар (электрондық оқу бағдарламалары, әдістемелер).
Ғылыми-әдістемелік материалдар (диссертациялар).
Қосымша мәтіндік және суретті материалдар (дәрістер, зертханалық жұмыстар).
Тестілеу жүйесі (білімді электронды тексеру тестілері).
Электрондық кітапханалар.
Білім саласының электрондық мерзімді басылымдары.
Білім саласының мерзімді басылымдарының электрондық мазмұны және мақала андатпалары.
Электрондық мұрағаттар шығару.
Білім беру ресурстарын белгілі сайт адресі бойынша немесе әртүрлі тақырыптық сілтемелер арқылы пайдалануға болады. Мысал ретінде төмендегі сайттар кітапханасын айтуға болады.
Білім ресурстары. Білім порталдары және каталогтары
Қазақстан Республикасының Білім және ғылым министрлігі – htth://www.edu.gov.kz
«Білім беру сапасын бағалаудың ұлттық жүйесі» бөлімінде «Тест тапсырмаларының үлгілері» берілген.
Білім және ғылым саласындағы бақылау комитеті – http://www.educontrol.kz
Ғылым порталы – http://www.nauka.kz
Қазақстан Республикасы Президентінің жанындағы мемлекеттік басқару академиясы – http://www.pa-academy.kz
Халықаралық бағдарламалар орталығы – http://www.bolashak.gov.kz
Негізгі қызметі – халықаралық бағдарламаларға кадрларды таңдау, іс-шараларды ұйымдастыру, сонымен қатар «Болашақ» бағдарламасы да кіреді. Шетелдің ЖОО және ұйымдарымен білім бағдарламасын жүзеге асыру мақсатында байланыс орнату.
Шетелде білім алу жөніндегі кеңес орталығы – http://eac.bilim.kz
Қазақстанның орта білім жөніндегі ақпарат ресурсы – http://www.schools.kz
Қазақстандағы қазіргі заманғы білім – http://www.obrazovanie.kz
Ресейдің жалпы білім беру порталы – http://school.edu.ru
Ресей білімі – http://www.edu.ru
Білім мен ғылымға арналған ауқымды Ресей порталы. Бірлескен ғаламтор-каталогынан және іздеу механизімінен тұрады. Сайттың негізгі мақсаттарының бірі – аналитикалық мақалаларды жазу және жариялау, қызықты сайттарды шолу, сонымен қатар білім және ғылым жобаларына ақпараттық және жарнамалық қолдау көрсету.
Білім ресурстарының бірлескен жиынтығы – http://school-collection.edu.ru
Жиынтыққа әртүрлі сандық білімдік ресурстар, әдістемелік материалдар, тақырып жиынтықтары, оқу қызметін (бағдарламалық құралдар) және оқу үдерісін қолдау құралдары кіреді.
«Учеба» білім порталы – http://www.uroki.ru
Портал бірінші кезекте білім саласымен кәсіби айналысатындарға арналған және Ресей ғаламторының коммерциялық емес ақпараттық ресурсы болып табылады. Бұл сайттан оқушылар және ата-аналар өздеріне қажетті ақпаратты таба алады.
Информатика – http://www.informika.ru
Білім жөніндегі ауқымды ақпараттық сайт. Білім саласындағы стандарттар мен нормативтер және оқу құралы, конференция мен семинарлар жөнінде ақпараттар және білім ресурсы жөніндегі жолсілтемелер берілген.
Redline – http://www.redline.ru
Ресейлік білім телекоммуникациялық желі. Желінің негізгі қызметі – білім саласында ақпарат жинау, талдау және ақпаратты өңдеу, сонымен қатар ақпарат қорын өңдеу.
Білім ресурстарының бірлескен терезесі – http://window.edu.ru/window
Ақпараттық портал орыс тіліндегі білім ресурстарына арналған. Әртүрлі деңгейдегі мектепке дейінгі, жалпы білім, кәсіби, қосымша білімге және әртүрлі аудиторияға арналған толық мәтіндік іздеу жүйесі бар.
«Менің мектебім» жобасы – http://www.mektep-rk.kz
Программа оқу-тәрбие үдерісіне интерактивті технологияны қолданып, оқу үдерісіне жаңа автоматтандырылған басқару жүйесін орнату арқылы, толық құжаттар жинау жүйесін, статистикалық есеп жүргізу, ішкі мектеп байланысын құру, ғаламтор жүйесінде оқушылардың ата-аналарымен байланыс жасау, оқытушылармен, әкімшілікпен және мекемелермен нақты уақыт барысында ақпарат алмасуды жүзеге асыру.
«Әріптестер» - педагогикалық журналы. Қазақстан оқытушыларының шығармашылық клуы – http://www.collegy.ucoz.ru
Ұлттық білімді ақпараттандыру орталығы – http://www.nci.kz1
IV Сабақты бекіту
Ақпараттық ресурстардың рөлі қандай?
Білім берудің ақпараттық ресурстары деген не?
Білім берудің электрондық ресурстарының қандай ерекшелігі бар? Олардың түрлерін атаңдар.
Білім берудің электрондық ресурстарын қалай табуға болады?
Өздерің осындай ресурс түрін пайдаланасыңдар ма?
V Үйге тапсырма Білім беру ақпараттық ресурстары
VIБағалау Оқушыларды білімдеріне қарай бағалаймын
Оставьте свой комментарий
Авторизуйтесь, чтобы задавать вопросы.