Сабир Ахтямов (3-4 класс)

Кукмара туфрагында туып үскән,укыган һәм яшәгән

кешеләр арасында дүрт кеше СОВЕТЛАР СОЮЗЫ ГЕРОЕ

дигән иң югары мактаулы исем йөртә. Герой исеме бирелгәндә, Югары Өскебаш авылы егете Әхтәмов Сабир Әхтәм улына 18 яшь була.

  Ахтямов Сабир Әхтәмович 1926 нчы елның 15 июнен­дә Югары Өскебаш авылында крестьян семьясында туа. Бик яшьләй әтисе белән тимерче алачыгына барып йөри, әлеге һөнәр серләрен яхшылап үзләштерә.Кәркәвечтә җидееллык мәктәпне тәмамлагач, кайберәү­ләр кебек:  -Эшкә кая барыйм икән? - дип аптырап тормый. Кулына тимерче чүкечен ала. Үзенең намуслы, фидакарь хезмәте бе­лән әтиләре төзешкән колхозның көннән -көн   ныгуына,үсүенә   ярдәм итә.

Бөек Ватан сугышы башлангач,Әхтәм­җан абый Сабирны гаиләдә һәм тимерче алачыгында төп хуҗа итеп калдырып,фронт­ка китеп бара.

     -“Тыныч бул,әти!Барысыдасин дигәнчәбулыр”,-диСабир. Әтисенә биргән вәгъдә­сендә нык тора Сабир.1941 елның августын­нан 1943 нче елның ноябренә кадәр колхозда өлкән тимерче булып эшләве чорында үзен бары тик яхшы яктан гына таныта кол­хозда да,йортта да төп таяныч була...Көтмәгәндә,фронттан авыр хәбәр алына. «Кызылармеец Әхтәмҗан Сәлимҗанов фашист –илбасар-ларга каршы барган изге көрәштә Смоленск янында батырларча һәлак булды...» Дошманнан үч алу тойгысы яшь егетнең йөрәген көйдерә. 1943 елның ноябрендә Сабир үзе теләп,фронтка китә. Тимерче чүкечен танкка ата торган мылтыкка алыштыра ул. Зиһенле,үткен күзле егет әлеге корал белән эш итәргә бик тиз өйрәнә.Тора-бара ул 2нче гвардияче танк корпусының 4 нче гвардияче мотоукчылар бригадасында иң оста бронебойщикларның берсе булып әверелә. 3 Белорусия фронтына караган әлеге бригада составында Сабир Ахтямов Смоленскидан Кенигсбергка кадәр данлы сугышчан юл үтә. Белоруссияне Балтик буе республикаларын азат иткәндә һәм Көн­чыгыш Пруссия өчен барган сугышларда зур кыюлык үрнәкләре күрсәтә.Белоруссиядә «Багратион» операциясе вакытында ул тиз атып, дошманның бер танкын һәм самоходкасын сафтан чыгара. Шуның өчен Кызыл Йолдыз ордены белән бүләк­ләнә. Көнчыгыш Пруссиядәге фашистлар группировкасын тар-мар иткәндә Сабир Әхтәмович үзенең исемен мәңгелек данга күмә.

        Сабир Әхтәмович 1945 елның 24 ию­нендә Мәскәүдә үткәрелгән Җиңү пара­дында катнаша. Парадта катнашучыларның Кремельдәге кабул итү мәҗлесендә дә була ул. Сугыштан соң Сабир Әхтәмович кичке урта мәктәпне тәмамлый. Ленинградта офицерлар хәзерләү курсында укый, хәрби частьларда подразделение командирының политик эш­ләр буенча урынбасары вазыйфасын башкара. Аннары Мәсәүдә хәрби институт тәмам­лагач, эчке эшләр министрлыгы хәрби часть­ларында хезмәт итә,полковник дәрәҗәсенә кадәр күтәрелә.

        Запастагы өлкән офицер Сабир Әхтәмов бүгенге көндә Казан шәһәрендә яши. Бер үк вакытта яшьләрне хәрби -патриотик рухта тәрбияләү буенча зур эш алып бара. Якташыбыз туып -үскән төбәген дә оныт­мый. Туган авылына кайтып авылдашлары, мәктәп укучылары белән очрашуларда катнаша.