«Саңырауқұлақ алаңқайы» /ұжымдық жұмыс/

Ортаңғы  «Көгершін» топқа арналған ұйымдастырылған оқу іс әрекеті бойынша технологиялық картасы

Тәрбиеші: Маханбетжанова М.М

Күні: 7.04.2014 ж

Білім саласы:   Шығармашылық                         

Бөлігі:      Мүсіндеу

Тақырыбы: «Саңырауқұлақ алаңқайы» /ұжымдық жұмыс/

Мақсаты: Саңырауқұлақтарды құрастыру әдісімен мүсіндеуді үйрету. Ұжымдық жұмысты жасауды үйрету. Жасаған жұмысқа қанағаттану сезімін,өз жолдастарына көмек беруге ықыласты болуға тәрбиелеу

Билингвальдық компонент:

Саңырауқұлақтар-грибы

Жаңбыр-дождик

Ақ-белый

Қызыл-красный

Көктем-весна

Іс -әрекет кезеңі	Тәрбиешінің іс - әрекеті	Балалардың іс  - әрекеті
І кезең- мотивациялық- қозғаушы	Балалар шеңберде отырып, сұрақ-жауап әдісін жүргізу -Балалар қазір жылдың қай мезгілі? -Көктемде қандай табиғат құбылыстары бар?	Балалар шеңберге отырады Қазір жыл мезгілі –көктем Көктемде құстар жылы жақтан ұшып келеді, жаңбыр жауады. Адамдар жеңіл киінеді
ІІ кезең-ұйымдастырушылық- ізденушілік	-Сендер жаңбыр жауғанда не істейсіңдер? Ал жаңбыр қатты жауғанда не болады? Ал мен жаңбырдан жасырынғысы келмейтін бір нәрсені білемін. Керісінше, ол жаңбырдың жауғанын күтеді, жаңбыр қатты жауған сайын ол үлкейе түседі. Ол міне саңырауқұлақ, саңырауқұлақта қараңдаршы не бар? Дұрыс, сол себепте жаңбыр оған қорқынышты емес. Құдды қолшатыр секілді.Саңырауқұлақтар үлкен отбасында бірігіп өседі: үлкен және кіші саңырауқұлақтар бірігіп, тұтас алаңқайды құрайды. -Балалар саңырауқұлақ қайда өседі? Ал сендер білесіңдер ма, саңырауқұлақтың жеуге жарамды және жарамсыз түрлері бар.Біз жеуге жарамды саңырауқұлақтарды жейміз. Ал орманда саңырауқұлақты кім тереді? Осы кірпі жеуге жарамсыз улы саңырауқұлақты жеп қойып, ауырып қалыпты. Ендеше біз кірпіге көмектесеміз бе? Біз саңырауқұлақтар алаңқайын жасап, кірпіге көмектесейік. Ендеше орнымызға отырамыз. Орындау тәсілі: -ақ түсті ермексазды жұмсартамыз, ілгері-кейінгі қозғалыспен саңыруқұлақ алаңқайда мығым тұру үшін, жуандатып жасаймыз; -қызыл түсті ермексазды алып, алақан арасына салып шарды домалата илейміз, екі алақанның арасына салып аздап жаныштаймыз. Осылайша барлық мүсіндеу әдістері бекітіледі. Жасалған жұмысты кірпіге апарып көрсетеміз. Кірпінің рахметі (сергіту сәті)	Балалар жауабы: қолшатыр ұстаймыз, тығыламыз Балалар таңқалады Саңырауқұлақта аяғы және қалпағы бар. Саңырауқұлақтар орманда өседі. Балалар тыңдап, сұрақтарға жауап береді. -Кірпі Балалар мұқият тапсырманы тыңдап, орындауға кіріседі Балалар көмектесуге даяр екендерін айтады. Орындықтарын алып  (жұмыс орнына) отырады Балалар тапсырманы тыңдап отырып, жұмысты орындайды. (әуенді сергіту сәтін орындайды)
ІІІ кезең- рефлексивті- түзеуші	Саңырауқұлақ қандай бөліктерден тұрады? Қалпағының түсі қандай?Аяғының түсі қандай? Саңырауқұлақтар қандай түрлері болады екен?Кірпіге көмектестік пе?	Балалар жауабы -қызыл -ақ Жеуге жарамды және жарамсыз саңырауқұлақтар

Күтілетін нәтежие:

Ұғынады: Саңырауқұлақтарды құрастыру әдісімен

Түсінеді: Заманауи дамыған технологияларды пайдалану арқылы баалалардың қызығушылығын арттырып, саңырауқұлақтың жеуге жарамды және жарасыз екенін түсінеді

Қолданады: тақтайша, сүрткіш, стека, ермексаз т.б