Тақырыбы: Салт-дәстүрім – асыл қазынам
Мақсаты: Оқушылар қазақ халқының салт-дәстүрімен,
әдет-ғұрпымен, тыйым сөздерімен танысады;
Өз елін, жерін сүйе
білуге, халық мұрасын қастерлеуге, салт-дәстүрді құрметтей білуге тәрбиелеу;
1.Ұйымдастыру
бөлімі
Кіріспе
сөз
Мұғалім: Бала тәрбиесіне, жалпы адам тәрбиесіне терең мән
беріп, оның сәтті болуына көмек болған - өзіміздің қазақ халқы. Біздің
халқымыздың тәрбие тәсілдері мен тәжірибелері өте көп. Халқымыздың ғасырлар
бойы жасаған зор еңбектері салт-дәстүр, әдет-ғұрып үлгілері мен өнегелері –
соның айғағы.
Әр ұлттың өзіндік ерекшеліктері, салт-дәстүрі, тілі болатыны белгілі.
Біздің тәрбиеміз де ананың ақ сүтінен, ана әлдиінен, атаның қасиетті сөздерінен
бастау алады. Халқымыздың әдет-ғұрпы мен дәстүрін, тарихын біліп, оны
қастерлеп, бүгініміз бен келешегіміздің нәрлі қайнарына айналдыру -
әрқайсымыздың азаматтық борышымыз. Осы мақсатта «Салт-дәстүрім – асыл қазынам»
атты тәрбие сағатымызға қош келдіңіздер. Оқушылар 3 топқа бөлінеді.
І топ «Абай ауылы»
ІІ топ «Мұхтар ауылы»
ІІІ топ «Шәкәрім ауылы»
Бүгінгі жас егеменді еліміздің болашағын қалыптастыру үшін халқымыздың
қаһармандық тарихын, ғасырдан ғасырға жалғасып жинақталған ұлттық мұрасын, мәдениетін,
ұлттық салт-дәәстүрі, әдет-ғұрпын білуіміз керек.
«Абай ауылы» Бұл ауыл қазақтың дәстүрі бойынша ізденген
жұмыстарын айтады.
1-оқушы: Сүйінші. Қуанышты хабар жеткізуші адам «Сүйінші,
сүйінші» деп келеді. Мұндайда қуанған үй иесі «Қалағаныңды ал» дейді, немесе
оған риза болатындай сыйлық ұсынады. Бұл – шын қуанудың, ризашылықтың белгісі.
2-оқушы: Шашу.
Қуаныш айғағы ретінде жасалатын салтанатты дәстүр. Бала дүниеге келгенде, келін
түскенде, құда келгенде, осындай қуанышты күндерде тәттілермен, күміс
тиындармен шашу шашады.
3-оқушы: Сыбаға. Құрметті қонаққа немесе өздерінің жақын-жуығына арнап
сақтаған кәделі ет мүшелері сыбаға деп аталады. Үлкен ақсақалдарға,
құдаларға, жолы үлкен адамдарға сыбаға әдейі сақталады.
4-оқушы: Ерулік. Басқа жерден
көшіп келген көршілерге сол жерде тұратындар ерулік береді, яғни қонаққа
шақырады.
5-оқушы: Тоқымқағар. Жас жігіт алғаш жолға шыққанда жасалатын
дәстүрлі бас қосу. Мұндайда арнаулы мал сойып немесе сыйлы мүшелер салынып, ет
асылып, кең дастархан жасалады. Ойын-сауық құрып, өлең, жыр айтылады.
Ал, енді «Шәкәрім ауылына» сөз кезегін берейік. Бұл ауыл бізге
балаға байланысты салт-дәстүр туралы айтпақшы.
1-оқушы: Шілдехана.
Бала дүниеге келген күні кешке ауыл жастары шілдеханаға жиналады, өнерлі жастар
жаңа туған баланы, оның анасын ардақтап, ән салып, күй тартады.Әр түрлі ойындар
ұйымдастырады.
2-оқушы: Бесік той. Кіндігі түскен баланы бес күннен кейін бесікке
салады. Бұл тойға жиналған көрші-қолаң шашуларын ала келеді. Баланы бесікке салардан
бұрын ауылдың жасы үлкені, беделді әйелі бесік жабдығын орын-орындарына қояды.
Содан кейін бесікті адыраспанмен аластап шығады.
3-оқушы: Қырқынан шығару. Қырық
күн толған соң нәрестенің сүт тырнағы мен қарын шашын алып, теңгелер салған
ыдысқа қырық қасық су құйып шомылдырады.
4-оқушы: Тұсау кесу.
Бала қаз тұрып жүре бастағанда жасалатын салт-дәстүр. Бұл дәстүр бала құламай,
аяғын тез басып жүріп кетсін деген оймен жасалады, тілек айтылады.
Қаз-қаз балам, қаз
балам,
Қадам бассаң мәз
болам.
Күрмеуіңді шешейін,
Тұсауыңды кесейін, -
деп ала жіппен кеседі.
5-оқушы: Сүндет той. Сүндетке
отырғызылған баланың құрметіне жасалады. Сүндеттеу VІІ-VІІІ ғасырларда араб
елдерінен шығып, бүкіл мұсылман жұртына тараған. Сүндетке отырғызу мұсылмандықтың
белгісі болып саналған. Ер баланы сүндетке бес, жеті немесе тоғыз жасында
отырғызған.
6-оқушы: Тілашар. Бүлдіршіннің
тілі жеке-жеке сөздері айтуға икемделе бастаған кезде тілі тез шығуы үшін
дәстүрлі тілашар тойы ырымын жасайды.
-
Міне, балалар, «Шәкәрім
ауылы» балаға байланысты жасалатын салт-дәстүрді айтып, бізге шашуын шашты.
(Әрбір дәстүр жазылған кәмпит үлгісін тақтаға іліп отырады.)
-
Балалар, халқымызбен бірге
ежелден жасап келе жатқан, санамызға жазылып қалған тыйым заңдары да бар. Бұл
халқымыздың әдебі мен салт-
дәстүріінің бір бөлігі болып саналады. Ендігі кезекте осыы тыйым
сөздер жайлы таныстырып өту үшін «Мұхтар ауылына» сөз берейік.
1-оқушы: Босағада тұруға,
табалдырықты басуға, есікті керуге болмайды.
2-оқушы: Айға қолыңды шошайтпа.
3-оқушы: Екі бүйіріңді таянба.
4-оқушы: Қол жуған соң қолыңды
сілкіме.
5-оқушы: ошаққа су құйма.
6-оқушы: кеш батарда ұйықтама.
Енді біздерге «Баланы бесікке салу» дәстүрімен
Аршынның әжесі Рая әжеміз таныстырады.
Көрініс: «Бесікке салу»
Хормен:
Өзге ұлттай біздің де,
Бар дәстүрмен салтымыз.
Хор:
«Қазақ дастарханы»
Қорытынды
- Балалар, өздерің көріп отырғандай бүгінгі сабағымызда біз қазақтың
салт-дәстүрімен, әдеп-ғұрпымен, тыйым сөздерімен танысып өттік. Бұлардың
барлығы – қазақ халқының байлығы. Сондықтан оны ұмытпай ескеріп жүру –
сендердің міндеттерің.
Оставьте свой комментарий
Авторизуйтесь, чтобы задавать вопросы.