Сауат ашу. Ю дыбысы мен әрпі. 1 сынып.

Пәннің аты:Сауат ашу	Уақыты:25.11.2015 9.30-10.05	Кабинет:14	Мұғалім:Абишева М.Б.
Сабақтың атауы	Ю дыбысы мен әрпі
Мақсаты	Білімділік мақсаты: «Ю» дыбысы мен әрпін таныту, ол арқылы берілген сөздерді оқу мен жазуды үйрету. Мәтін мен өлеңді оқыта отырып, негізгі ойды, идеяны ұғындыру. Ю ю дыбысының орыс алфавитінен енген қосарлы дауысты дыбыс екендігін меңгерту,өлең жолдарын шапшаң оқи білуге үйрету  Дамытушылығы:Ю ю дыбысына қатысты жаңа сөз ойлату,сөйлемдер құрау. Танымдық іс-әрекеттер арқылы ой-өрістерін,тілін дамыту.  Тәрбиелілігі:   Қазақтың ұлттық салт-дәстүрін сақтауға тәрбиелеу
Күтілетін нәтиже	Балалар ю дыбысымен танысып, жазуды үйренеді. Ю дыбысы дауысты дыбыс екенін буынға бөлу арқылы ажыратады.
Сабақтың түрі:	Жаңа сабақты меңгерту.
Сабақтың әдісі:	Топпен, жұппен жұмыс, диалог
Дереккөздер:	1-сыныпқа арналған әліппе оқулығы Авторлары : Ш.Әуелбаев,Ә.Наурызбаева.                        Р.Ізғұттынова, А.Құлжанова Мұғалімге әдістемелік  нұсқаулықтар
Көрнекіліктер	Интерактивті тақта, слайдтар, Ю ю әрпінің баспа және  жазба түрінің жазылу үлгісі,  бейне сабақ, бағдаршам түстеріне сәйкес карточкалар.
Ұйымдастыру кезеңі.	Балалар, бүгін ерекше күн. Себебі, сабағымызға көп қонақтар келіп отыр. Олай болса, қонақтарымызбен сәлемдесейік. а) Топқа бөлу (Түске байланысты топқа бөлу) б) Бағалауды таныстыру.    (Топ басшысы жауап берген оқушының парақшасына смайликтер жапсырып отырады)			1- топ:    Қызыл 2- топ:     Жасыл 3- топ:       Сары 4- топ:        Көк
Психологиялық ахуал	1,2,3 Сынып іші тып-тыныш Жалқаулықты тастаймыз, Сабақты біз бастаймыз.				Оқушылар  мұғаліммен бірге бүгінгі сабаққа сәттілік   тілейді.
Ынтымақтастық атмосферасы	Бұл сабағымыздың ережесі бар, сол ережелерді есімізге ұстап орындауымыз қажет. Ережелер : 1.Тыныштық сақтаймыз. 2. Сұрақтарды талқылауда белсенділік көрсетеміз. 3. Бір-бірімізді тыңдаймыз. 4. Өз білгенімізді ортаға саламыз. 5. Жауап толық болмаған жағдайда топ мүшелері толықтыру керек. 6.Орында отырып жауап бермеу Әр топтың топ басшысы сайланады. Сабағымызды « Ынтымақсыз іс бітпес » деген ұранмен бастай отырып, сіздерді ұйымшылдыққа, ынтымақтаса жұмыстануға шақырамын.
Өткен сабақтан алған білімін тексеру. Топпен жұмыс Қызығушылықты ояту	а)Сұрақ-жауап: -Дыбыс дегеніміз не? -Ауызбен айтамыз,құлақпен естиміз. -Дыбыс нешеге бөлінеді? -Дыбыс 2 бөлінеді. -Дыбыс түрлерін ата? -Дауысты,дауыссыз. -Дауысты дыбыс қалай айтылады? Қандай текшемен белгілейміз?   -Дауысты дыбыс созылып айтылады,өлең айтуға келеді.Қызыл текшемен белгілейміз. -Дауыссыз дыбыс қалай айтылады? Қандай текшемен белгілейміз? — Дауыссыз дыбыс қысқа айтылады,өлең айтуға келмейді.Көк текшемен белгілейміз. -Дыбысты немен таңбалаймыз? -Дыбысты әріппен таңбалаймыз. -Дыбыстан не құралады? -Буын  құралады.   -Буыннан не құралады? -Сөз   құралады.   -Сөйлем  неден құралады? -Сөйлем сөздерден құралады.  . -Сөйлемнің бірінші сөзі қалай жазылады? -Сөйлемнің бірінші сөзі бас әріптен басталып жазылады. ә)Топпен жұмыс. Дыбыстық талдау. б) I топ: - Я дыбысы қандай дыбыс? Я Өз алдына буын құрай алады Созылып айтылады Дауысты Сөз ортасында, сөз соңында Й + А Сөз басында II топ: Оқулықпен жұмыс Сөздерді оқу III топ: Сұр қоян өлеңін жатқа айту.  IY-топ:  Қоян  (сипаттау) Қыли  Сұр   Қорқақ    Жылдам  Секіреді    Ақ    Ү. Сергіту сәті            «  Маша мен аю» сергіту сәті  ҮI. Жаңа сабақ — Балалар, біз жаңа қандай мультфильм көрдік? — Осы мультфильмнің кейіпкерлерін атаңдар. — Маша мен аю. — Аю сөзінде бізге таныс емес қандай дыбыс естіліп тұр? — Ю. — Ендеше біз бүгін Ю дыбысымен танысамыз. (Оқушылармен Ю дыбысын хормен айтып, дыбыстық мінездеме жасаймыз). Дауысты дыбысты айтқанда өкпедегі ауа ауыз қуысында еш кедергіге ұшырамай шығады, яғни Ю – дауысты дыбыс. Ю дыбысын айтқанда Я дыбысы сияқты Й+У дыбыстары қосарланып айтылады.  Баспа, жазба түрлерімен таныстыру. Баспа түрін қайдан оқимыз? Біз қай түрімен жазып үйренеміз? Әріп элементімен танысамыз. Мен тақтада жазамын, сендер ауада жазасыңдар. Юю Ю дыбысы созылып айтылады, өз алдына буын құрай алады. Мысалы, а-ю, о-ю, қо-ю. Ю дыбысы сирек кездесетін дыбыс. Орыс тілінен енген сөздерде кездеседі.				Оқушылар сұрақтарға ауызша жауап беріп отырады. Әр топ өз тобының түсіне дыбыстық талдау жасайды,әр топтан бір оқушы жауап береді. 1-топ жауап береді 2-топ оқиды 3-топ жатқа айтады 4-топ сипаттайды Оқушылар қимылдарды бірге қайталайды.      Жаңа сабаққа деген қызығушылықтары оянып,ерекше ынтамен кіріседі. Бейне сабақ көрсету
Мағынаны тану Ой толғаныс	Оқулықпен жұмыс А) суретпен жұмыс (слайд көрсету)    Енді «ою» сөзін естігенде ойларыңа не келеді, соның бәрін айта беріңдер.  Әже, ине, жіп, қайшы, оймақ, қамзол, шапан, тақия, кілем, палас. «Әже» сөзі неліктен ойларыңа келді? Себебі, оюды әжем ояды. «Қайшы» сөзі ше? Оюды қайшымен қияды т.с.с         Балалар сырмақтың ортасынан, шетінен не көріп тұрсыңдар? (Ою) Ою не үшін қажет? Оюды тағы қайдан көрдіңдер? (Тудан, кеседен, киімнен, кілемнен т.б.) Еліміздің туынан көрдік. Қазақстан Туымен тұғырлы, Елтаңбасымен еңселі, Әнұранымен айбатты. Еліміздің болашағы сендерсіңдер. Ою деген сөз бен өрнек деген сөздің мағынасы бірдей, бір нәрсені ойып, кесіп алып жасау. Сондықтан ою-өрнек деп қосарланып айтыла береді. Ә) сөздер тізбегін оқу,түсіндіру. (Оқушылар түсінбеген сөздеріне түсінік беруді сұрайды) Б) «Ою» мәтінін оқу, мазмұнын түсіндіру. (Слайдтан сырмақты көрсету) В) «Жақсы көрем» өлеңін оқып,түсіндіру. Неліктен аталарыңды, әжелеріңді жақсы көресіңдер?- деген сұраққа жауап аламын.
Сергіту сәті	Ормандағы аюдың  Құлпынайы бар екен . Теріп-теріп алайық, Қалтамызға салайық.						Ой сергітеді, шаршағандары басылады
	Дәптермен жұмыс. Балалар, енді «Ю» әрпінің неше элементтен тұратынын санайық. «Ю»әрпін тақтаға жазып көрсету. Ауада жазып, қолдарын жаттықтыру. Енді асықпай, әдемілеп дәптерге жазайық. Ол үшін алдымен дәптерді сәл көлбеу қойып алыңдар, шынтақтарың партаның үстінде тұрсын. Жазу үлгісінде берілген «Ю» әрпінің таңбаларын жаздыру.						Оқушылар дәптерге жазады.
Топпен жұмыс	1-топ:   Аю, ою,қою, құю сөздеріне дыбыстық талдау жасау. 2-топ: Буынға бөлінген сөздерді оқу. 3-топ: «Ою» мәтінін оқу. 4-топ:  «Жақсы көрем» өлеңін оқу.						Тақтада орындайды. Іштей оқиды,сосын дауыстап кезекпен оқиды.
Рефлекция	Бүгінгі сабақтан не үйрендіңдер?  Қай тапсырма қиын болды? Қай тапсырма оңай болды? Сабақ сендерге ұнады ма? Сабақ несімен ұнады? Сабақта нені орындауға үлгермедің?           Әр бір оқушыда бағдаршам түстеріне сәйкес карточкалар таратылған.  Олардың сабақты меңгергендеріне байланысты карточкаларды көтеруін сұраймын. •          Жасыл карточка көтерген оқушылар – барлығын түсінді. - Не түсіндіңіз? •          Сары және қызыл карточка көтергендер: - Сіздерге не түсініксіз? Бұл жүйе арқылы тақырыпты пысықтауға немесе әлі де жетілдіру керектігін білуге болады.						Текше аркылы корсету
Үйге тапсырма	97 бетті оқу, «Жақсы көрем» өлеңін жаттау					Күнделіктеріне  жазу
Бағалау	Мадақтау					Топ басшысы бағалау парақшасын толтырады.