Сценарии утренника "Аюмен бірге күзгі орманға саяхат"

 Аюмен бірге күзгі орманға саяхат

Мақсаты: Балалардың қоршаған ортаға деген көзқарастарын қалыптастырып, табиғатты сүюге, қамқор болуға үйрету, таным белсенділіктерін арттыру. Күз мезгілінің атауларын, олардың ерекшеліктерін ұғындыру. Балалардың ой-өрісін, тілін, сөйлеу мәнерін дамыту. Табиғатты аялауға, әсемдікті көре білуге, сезінуге тәрбиелеу.

Мерекеге қатысатын кейіпкерлер: Аю, Тиін, Тышқан, Мыстан.

Ойындар: «Саңырауқұлақ жинау», «Егін жина», саусақ ойыны «Жаңбыр»

Орындалатын әндер: «Күз жомарт», «Алтын күз»

Орындалатын билер: «Бағбан биі», «Жаңбырлар биі»

Музыка залы мерекеге сай безендірілген.   Балалар музыка әуеніме залға кіреді.     

Жүргізуші:  Келді міне алтын күз,

                       Сары шашты жарқын жүз.

                       Мол өнімді ісімен,

                       Таңдандырып халқын күз.

Армысыздар ағайын! Сәлеметсіздер ме, қадірлі қонақтар! Бүгінгі берекелі де ырысты алтын күз құрметіне арналған ертеңгілігімізді бастаймыз.

Тақпақтар:

Ақерке  
               Берекесін сыйлауға,
               Өлкемізге күз келді.
               Жемістерін жинауға,
               Шақырады біздерді.    

Айзере 
              Берекелі, мерекелі,
              Келді жомарт алтын күз,
              Қалада да, далада да,              
              Жанның бәрі жарқын күз.    
Бекарыс
              Сау-сау етіп жапырақ
              Сабағынан үзілді.
              Қоңыр тартып атырып
              Көкке құстар тізілді.
З.Ерасыл
              Жемісі мол теретін
              Күз дос екен бізбенен
              Бәрін тауып беретін
              Жомарт екен күз деген. 

Дария

            Көк майсалы көрікті,

            Алқаптағы көп егін.

            Бұл күндері киіпті,

            Сары жібек көйлегін

Камила

            Ағаштардан жамырап,

            Ұшты кенет жапырақ.

            Ой, алақай, тамаша,

            Шашу шашты жапырақ!

Әсел

           Тоңазып атырап,

           Көп жеміс піседі.

           Сарғайып жапырақ

           Саудырап түседі.

Бексұлтан

          Аспанды сұрғылт бұлт,

          Жан-жақтан жабады.

          Күн бірте суытып,

          Жауын көп жауады.

Бекжан

          Көбейді құт- береке,

          Астық толы қоймамыз.

          Құтты болсын мереке,

          Алтын күзді тойлаймыз.

Ән «Күз жомарт»

Залға аю кіреді.

Аю: Мына жер қандай көңілді! Сәлеметсіңдер ме, балақайлар! Аюды күтпеген боларсындар?

Жүргізуші: Сәлеметсің бе, Аю, қандай тосын сәт? Кел, бізбен бірге күз мерекесінде көңіл көтер.

Аю: Рақмет. Бірақ, мен сендерді күзгі орманға серуендеп баруға шақырамын.

Жүргізуші: Балалар күзгі орманға барамыз ба?

Балалар: Ия!

Аю: Олай болса, кәне кеттік:

Аяқты қатты соғамыз, (тарсылдатады)
Судан, тастан өтеміз
Секіреміз, жүреміз (алға жылжи отырып секіру)
Шаршамаймыз, күлеміз. (жай жүру)
Шаршамасақ егерде,
Жүгірейік бірлесе! (бір - бірінің артынан жүгіру)
Жүргізуші: Міне, біз орманға келдік, Қараңдар, мында қаншама жапырақтар! 

Тақпақтар:

Нұрай

Күн шуаққа маужырап,

Жатыр еді атырап.

Ағаштардан жамырап,

Ұшты кенет жапырақ.

Жәния

Күздің қазан айында,

Алма, алмұрт піседі.

Жапырақтар сарғайып,

Сыбдыр, сыбдыр түседі.

Әмірхан

Алтын күз келді,

Сары күз келді,

Жауыпты жапырақпен іздерді.

Айсана

Жомарт көңіл, жарқын күз,

Сары алтынға малынған.

Жетті міне алтын күз.

Көптен күтіп сағынған.

Айым

Келістіріп бар сәнін,

Берген өзің табиғат.

Алтын күзді ал кәне,

Қарсы алайық жамағат!

Айгуль

Жемісі мол теретін,

Күз дос екен бізбенен.

Бәрін тауып беретін,

Жомарт екен күз деген.

Арай

Күз айы тамаша,

Ән айттық жаңаша.

Би билеп бәріміз,

Қуанайық балаша.

Ұлдар би і «Бағбан биі»

Аю: Қандай керемет би! Бұл кім өзі тентек болып тұрған?

Залға Тиін келеді.

Тиін: Мен тиінмін, тиінмін,

           Қысқа жылы киіндім.

           Қоймам толы жаңғаққа,

           Іші толы үйімнің.

Сендер не істеп тұрсындар?

Аю: Біз күз мерекесін тойлап жатырмыз. Сенде кел, ойын ойнаймыз.

Тиін: Ойын ойнауға қол тимейді. Қысқа дайындық, саңырауқұлақ жинау керек.

Аю: Қараңдар, балалар, қаншама саңырауқұлақ біздің алаңда! Тиінге көмек береміз бе? Олай болса біз «Саңырауқұлақ  жинау» ойының ойнайық.

Ойынның шарты: 4-5 бала музыка ойналып тұрғанда  саңырауқұлақ жинайды, ал музыка тоқталғанда барып орындыққа отырып қалады.

Тиін:  Рахмет сендерге балалар.

Залға кірпі келеді.

Кірпі: Мен ашулы кірпімін
            Көрінгенге түрпімін
            Үстім толы ине
            Есің болса тиме
            Келсе егер түлкі
            Түйреп алам түрпі.

Сәлем, балалар! Менде сендермен ойын ойнайыншы?

«Егін жина» ойыны.

Ойынның шарты: 4 бала ойынға қатысады. Қолдарына себет беріледі. 1бала сәбіз жинайды, 2бала картоп жинайды, 3бала қызанақ жинайды, 4бала қияр жинайды.Кім тез жинайды сол бала жеңіске жетеді.

-Жарайсындар, балалар. Енді бәріміз тұрып  «Жаңбыр » саусақ ойының ойнайық.

Ағаштар мен шатырға
Жаңбыр жауды аспаннан       (саусақтар «адымдайды»)
Басып қатты шөптерді,           (аяқты топ - топ басады)
Жапырақты ұшырды              (алақан соғады)
Кап - кап - кап,                          (сол алақанды жұдырықтап соғады)
Тук - тук - тук,                          (оң алақанды жұдырықтап соғады)
Жауды жаңбыр көбірек             (алақанды басқа көтеріп соғады)

Жүргізуші:   Жаңбыр, жаңбыр жауа бер,

                        Қорықпаймыз біз сенен.

                        Қолымызда  қол шатыр,

                        Кел, билеші бізбенен.

Қыздар биі «Жаңбыр»

Жүргізуші: Балалар, естіңдерші, біреу ән айтып тұрған сияқты.

Залға Мыстан кіріп, ән айтып үйшігін бояп тұрады.

Аю: Бұл Мыстан ғой.

Мыстан иіскеп тұрып: адамдардың иісі шығып тұр  ғой. (Айналып қарайды) Сендер кімсіңдер? Қайдан келдіңдер?

Аю: Оларды мен  шақырдым.

Мыстан: Бәсе, орманның іші айқай шу болып кетті ғой. Құстарда қорқып кетті. Ай-яй-яй, шөптің бәрін таптап тастапты ғой, саңырауқұлақта қалмапты. Жоқ-жоқ біреуін тауып алдым одан бәліш пісіремін, тағы біреу, одан сиқырлы сусын жасаймын.

Аю: Ештенкені таптаған жоқпыз. Бұл балалар балабақшадан біздің орманға қыдырып келді. Міне Тиінмен және Кірпімен достасты.

Мыстан: Балабақша деген не? Ол не деген нәрсе?

Жүргізуші: Кәзір біздің балалар балабақша туралы айтып береді.

Тақпақтар:

Диана:
Балабақша есігін
Үшке тола ашқанбыз.
Балапандай өсіріп,
Мәпелейді бақшамыз.

Ерлік
Бұл — екінші үйіміз
Бір туғанбыз бәріміз.
Біз — осы үйдің гүліміз,
Біз — осы үйдің сәніміз .

Дамир
Бұл — құшағы тым ыстық
Мектебіміз бастапқы!
Мұнда жақын туыстық,
Мұнда тұңғыш дос таптық!

Мыстан: Сендер тек ән, тақпақ айтуды білесіңдер, менің сендермен әңгімелесетін қолым тимейді. Үйшігім тұр боялмай. (Бояуды алып үйшікті бояу бастайды). Үйшік, кәне маған оңымен тұр, ал орманға қарай терісімен тұр! (Үйшік сықырлапдұрыс тұрмайды). Ой, оңбаған, түк түсіңбейді өзі? Орманға терісімен, ал маған оңымен тұр деймін.

Аю:  Мыстан, сен олай ашуланба, сыпайы бол.

Мыстан: Қалай ашуланбаймын, менің көңіл- күйім жоқ.

Жүргізуші: Кел Мыстан отыр, біраз демал. Біздің балабақшамыздың балалары саған үш тілде тақпақ айтып береді.

Тақпақтар:  Бекарыс (Ағылшынша тақпақ)

Злата: Осень наступила,
             Начались дожди.
             До чего ж уныло
             Выглядят сады.

Карим: В окне подруга Осень
                Листвою шелестит,
                Она меня без спроса
                Печалью угостит.

Диас:     Алтын, сары, қызыл көк

               Алуан-алуан жапырақ.

               Күзгі бақта күлімдеп,

               Көз тартады атырап.

Нұржан Қайтқан құсты көрдің бе?

                Қаптай ұшқан әуелеп.

                Күткен күзім келдің бе,

               Сыңсып бағын мәуелеп

Ерасыл Қыстың жақын қалғанын,

               Жапырақтар білгендей.

               Желмен ұшып барады,

               Жерге қонып үлгермей.

Абзал    Күзім-ау, күзім-ау,

               Міңезін бұзық-ау.

               Жаңбырын сіркіреп,

               Келгенің қызық-ау.

Ән «Алтын күз»

Мыстан: Менің көңілім көтеріліп қалды ғой. Енді менімен бірге би билейік.

«Мыстандар» биі.

Аю: Жарайсын, Мыстан. Сен балалармен дос болып  қалдын ғой.

Мыстан: Мен көңіл көтеру не екенін ұмытып та қалыптым.Маған өте қызық болды.

Аю: Сендер би билеп жатқанда, сендерге арнап сыйлық әкелдім. Міне, саған мыстан бал, ешқашан ауырма.

Мыстан: Рақмет саған Аю.

Аю: Міне,сендерге де балалар ! Ешқашанда ауырмандар!

Мыстан: Қоштасқым да келмейді, бірақ қоштасатын уақыт та келді. Мына орман сыйлықтарын алыңдар. Мені кәрі Мыстанды ұмытпандар.

Жүргізуші: Міне, балалар біздің саяхатымыз аяқталды. Рақмет саған Аю! Өте қызық саяхат болды. Саған да рақмет Мыстан! Сау болындар!

                    «Айналайын» бөбекжай-балабақшасы  

                                                                                                                                              Б е к і т е м і н :

                                                                                                                                         «Айналайын»

                                                                                                                       б/бақшасының директоры

                                                                                                                                  А.Ж.Күлмағанбетова

                                                                                                                               «     »               2014ж.

                                                                                                                                                Тәрбиешілер: Досаева А.А.

                                                                                                                            Саккулова Х.Б.

                                                   Приозерск қаласы