МУНИЦИПАЛЬНОЕ
ОБЩЕОБРАЗОВАТЕЛЬНОЕ УЧРЕЖДЕНИЕ
«ПРИВЕТНЕНСКАЯ
ШКОЛА» ГОРОДА АЛУШТЫ
ОБЩЕШКОЛЬНОЕ МЕРОПРИЯТИЕ
«НАВРЕЗ БАЙРАМЫ»
Составитель:
Курош А.А. и
Учителя начальных классов
2018год
Макъсад: урф-адетлеримизни,
тарихы акъкъында балаларнынъ бильгилеринъни кенишлетмек; ана – тилине
ве Ватангъа меракъ, севги ве урьмет ашламакъ.
Донатув: оюнджаларнынъ
урбалары, декорациялар, фоторесимлер, презентация
Тедбирнинъ кетишаты:
Сание «Докътур» йыры.
Усеин: Селям
алейкум, сайгъылы мусафирлер, севимли балалар! Бугунь бизим энъ гузель, энъ
дюльбер, севимли баарь байрамы – НАВРЕЗ.
Венера: Хош
кельдинъиз бизим байрамгъа
Азиз мусафирлер, севимли
балалар!
Хайырлы олсун НАВРЕЗИМИЗ
Кельген янъы йылынъыз!
Презентация «Наврез»
Февзие:
Кельди баарь, нур сачып,
Наврез къокъуй мор ачып,
Ешерди чёллер, дагълар,
Азан Наврезим мубарек!
Наврез кельди, корюнъиз
Наврез акъкъын беринъиз,
Дженнет олсун еринъиз,
Азан Наврезим мубарек!
Кельди баарь, турынъыз,
Бу Наврезге келинъиз
Котерильсинъ башынъыз,
Азан Наврезим мубарек!
Йыр 2-б.
Венера:
Йылбаш. Йылбаш.
Йылбашынъыз къутлу олсун,
Сыгъырлар сютлю олсун,
Балалр сагълам оссин
Эвлер берекет толсун!
Оюн 3-б
Усеин: Эзан! Эзан!
Хайырлы олсун Наврезинъиз
Кельген янъы йылынъыз!
Шиирлер
Оюн 1-б.
Венера: Бугунь
байрам, янъы йыл,
Янъы кунь байрамдыр!
Эмине шиир айта (5-б)
Фадме (чыкъа): Буюрынъыз,
мусафирлер
Къапым ачыкъ,
тёрюм бош
Эвге кельген
мусафирге
Даим меним
хатрим хош!
Бугунь бизим халкъымыз топлаша, мейданда
оюнлар, тюркюлер, курешлер де оладжакъ. Айдынъыз, байрамгъа къошулайыкъ!
Шиир, оюн 2-б.
Усеин: Наврез
байрамында эр кес атеш устюнде атыла, чюнки бойле адет бар. Адамгъа сагълыкъ,
эвине барлыкъ бере. Келинъиз, биз де бойле оюн ойнайыкъ…
«Атеш оюны»
Венера: Аферин!
Къана, бакъайыкъ, биз де курешчилер бармы? Ким истей курешмеге?
«Куреш»
Оюн « Къошу» (скачки)
Сёзкесим (сценка)
Муэллиф – Мамед
анасы – Февзие
бабасы - Аким
къызлары –Венера, Гульнара
киев - Мустафа
худалар – Сание, Усеин.
Муэллиф: Къырымнынъ
дюльбер кошесинде, ялы бою ерлешкен аджайип бир коюнде Усеин агъа, Сание абла
озь джесюр огълусыны аджайип бир Мустафаны эвлендирмек къарарына келелер.
Адамлар эшиткенлер – къомшу коюнде Аким
агъанынъ ве Февзие абланынъ дюльберден – дюльбер къызлары бар экен. Вакъыт
къачырмайыкъ деп, азырланалар таныш олмагъа ве сёз кесим япмагъа. Бир кунь шу
адамларнынъ эвине кетелер. Амма эки къызлары олгъанана бильмейлер.
Мустафа киев джыйын – къушан, ана ве бабасы
бахшышларны алып, сабырсызлыкънен корюшмеге истейлер.
Сание ве Усеин: Селям
алейкум! Биз къызынызны бакъмагъа кельдик ве мумкюн олса. Башны багъламакъ
истейик.
Февзие Хош
кельдинъиз, Мусафирлер!
Аким: Э….
Февзие: Сус!!!
Гульнара! Къызым! Кель дюльберим! Бакъса, сени нишанламакъ истейлер экен.
Аллагъа чокъ шукур! Тьфу, тьфу. Тьфу. Назар тиймесинъ!
Отурынъыз, худалар.
Венереа чыка.
Февзие: Къана, каве пишир!
Венера (чыкъа):
Буюрынъыз, акъшам шерифинъиз хайырлы олсун!
Усеин ве Сание: Бумы,
къызынъыз?
Аким: Э….
Февзие:СУС!
Аким: Яхшы, яхшы…
Февзие: Гульнара,
къызым! Чыкъ. Утанма! Худалар истей сени корьмеге!
Гульнара (чыкъа,
къолларына копекчиги тута)) : Хош кельдинъиз! Уфф, анайым, о къадар иш яптым,
ёрулдым…
Маникюр, педикюр… (косьтере). Ах, Жако!
Антерчикни бегендинъми?( копеге ). Къана, селфи япайыкъ! Инсаграммда эр кес
шашып къалсынъ!
Февзие: Къызым
меним пек ишкир. Сабадан акъшамгъадже чалыша, саба эрте азбарны сипире, эвни
джыйыштыра. Джаным – джаным янтыкълары пишире!!!
Аким: Э….
Февзие: Сус!!!
Сание: Биз узакъ
ёлдан кельдик, бирер янтыкъ ашагъайдыкъ…
Усеин: Э, гузелим.
Догъру айтасынъ!
Февзие: Гульнара,
къызым. Пишир , дюльберим, янтыкълары. Худалар корьсинлер. Насыл меним чебер
къызым бар …
Гульнара: Я,
ана?!!! Тырнакъларым къырладжакъ!!! Уфф!
Февзие: Чокъ лаф
этме. Бар. Яп!!!
Гульнара кете, пишире. Амма беджермий,
быракъып кете.
Венера келе , япа ве кетире.: Буюрынъыз, мусафирлер. Аш татлы олсун!
Сание:Машалла къызгъа! Эллеринъ дерт
корьмесинъ! Чокъ лезетли яптынъ!
(Усеинеге бакъып): Акъайчыгъым. Бу къызны
бегендик!
Усеин: Догъру
айтасынъ, джаным!
Мустафа: Мен де
бу къызны бегендим!
Муэллиф: Венерагъа
Мустафа юзюк такъа ве бахшышларны берелер. Учь айдан сонъ той япмасыны къарагъа
келелер.
Тенбель ве чолпа къызлары Гульнара але даа
салон – салондан кезе ве озь нишанлысыны беклей…
Аким:
Анна…Ашадынъыз хыяр туршусы!!!!
Февзие: Сус!!!
Аким: Ёкъ! Энди
сусмам!!!
Чал, чал хайтарма.
Венера: Буюрынъыз,
мусафирлер, хайтармагъа.
(Хайтарма чала, эписи ортада чыкъып, ойнайлар
ве шенъленелер).
Усеин: Байрам къавесине давет этемиз!
Арзы. « Байрам олсун» йыр.
Оставьте свой комментарий
Авторизуйтесь, чтобы задавать вопросы.