“ Ете кәзә бәрәсенең яңы йыл
мажаралары”.
(урта йәштәге балалар өсөн яңы йыл
байрамы сценарийы)
Маҡсат: 1.Уҡыусының актерлыҡ, эстетик
һәләтен, ижади активлығын күҙаллау, мөмкинлектәрен
артабан үҫтереү;
2.Балаларҙа сәхнә культураһын тәрбиәләү;
4.Туған телебеҙҙә аралашырға өйрәтеү;
5.Балаларҙың яңы йыл кисәһен
зауыҡлы итеп үткәреү.
Ҡатнашалар
Төлкөбикә
Бүребай
Ҡыш Бабай
Ҡарһылыу
Эт һәм уның көсөктәре.
Беренсе
күренеш
Матур биҙәлгән зал, ҡупшы шыршы. Бер яҡ ситтә
“Ҡыш бабай агетлығы” тигән яҙыу тора.
Алып барыусы:
Бар тирэ-як hөттәй ап-ак,
Йым-йым итеп ҡар көлә,
Көмөш ҡынғырауҙар тағып,
Беҙгә Яңы йыл килә!
Көрткә сумып ҡойона шыршы,
Энәhе йәшел генә,
Йәшел ҡыңғырауҙар тағып,
Беҙгә яңы йыл килө!!!
(Балаларҙын
шиғырҙары....................................................................
Йыр Хөйерле көн һеҙгә, ҡәҙерле дуҫтарым! Һаумыһығыҙ! Барыбыҙҙыңда һағынып
көтөп алған Яңы йыл минуттары етеп килә.Бар ерҙә лә әҙерлек бара. Беҙҙең “Ҡыш
бабай” агентлығы ла тик ятмай байрамға саҡырыу ҡағыҙҙары тарата, ҡыш бабайға
күстәнәскә йыр-бейеүҙәр әҙерләй. Ә һеҙ, дуҫтарым, әҙерһегеҙме? (балалар эйе тип
яуаплайҙар)
Өйөрөлөп күңелле көйҙәргә,
Ҡушылып тиктормаҫ елдәргә,
Матурлап һәм биҙәп шыршыны
Бейейҙәр Яңы Йыл муйынсаҡ.
(муйынсаҡтар бейеүе)
“Ҡыш бабай” агетлығынан бүре килеп сыға,
ҡиәфәте бик эшлекле.
Бүре:Һай-һай, “бүрене аяғы туйҙыра” тип бушҡа
әйтмәйҙәр икән. Быйылғы байрамдың эштәре бигерәк күп булды, күп саҡырыу
ҡағыҙҙары таратып арып бөттөм. Әйткәндәй, һеҙгә саҡырыу барып еттеме,
дуҫтарым?(эйе, килде тип яуаплайҙар) Уффф, ярай улайһа, ҡурҡып киттем. Берәйһе
саҡырылмай тороп ҡалмаһын тағы. (микрофондан тауыш сыға)Бүре, бүре, бәйләнешкә
сыҡ.
Бүре: Эйе, ишетәм һине, Шешҡолаҡ.
Эстәге тауыш: Эттән бер хәбәр ҙә юҡ.Ул быйылғы
байрамда төп ҡунаҡ.
Бүре: Бер аяғым бында икенсеһе тегендә, Хәҙер
барып хәлдәрен белеп киләм.
(йүгереп сығып китә.)
Икенсе
күренеш.
Эт һәм уның эргәһендә балалары һикерешеп уйнап
йөрөйҙәр.
Тиҙҙән яңы йыл етә, битәлүк.
Беҙгә бүләктәр була, битәлүк
Ҡыш бабайҙы һағындым, ғынайым,
Күстәнәстәр ашарбыҙ, ғынайым.
Бүре ишек шаҡый.
эт: кем унда?
Бүре: мин “Ҡыш бабай “ агентлығынан килдем.
Һеҙгә байрамға саҡырыу килдеме?
Кәзә: бер ниндәй ҙә саҡырыу алманыҡ беҙ.(ишекте
аса) Ах һин, яуыз бүре, хәйлә ҡороп йөрөйһеңме? Бар күҙемдән юғал.
Бүре: туҡта-туҡта, Алабай , Һин яңылышаһың. Мин
бит хәҙер элекке насар ғәҙәттәремде ташланым . Былтыр яңы йылда Ҡыш бабайға һүҙ
бирҙем. Хайуандарҙыашамайым.. “Ҡыш бабай” агетлығында эшләйем мин. Яуаплы
курьермын.Хәҙер мин магазиндан педигри алып ашап йәшәйем.. Яҡшы эш эшләһәң, шәп
эш хаҡы түләйҙәр.
Эт: Әйҙә үт улайһа, балаларымда шатландыр.
Бүре: һеҙҙе Яңы йыл байрамына саҡырырға килдем.
Тыуып килгән йыл һеҙҙең өсөн бик яуаплы булмаҡсы. Ҡыш бабай йыл асҡысын һеҙгә
тапшырырға уйлай.
Көсөктәр :Урааааа(шатланышалар)
Бүре: ярай мин артабан саптым, әле эштәрем күп.
Эттәр : (шатланышып оҙатып ҡалалар)
Ситтән генә төлкө барыһын да күҙәтеп
тора.
Төлкө: Нимә тигән була шул йүнһеҙ. Бүрене
әйтәм. Педигри ашайым тиме.Нимә булһа ла ысвежий ғына ҡуян итенә етмәй инде
ул.(ҡорһағын ыуа) Етмәһә Яңы йыл асҡысын йүнләп баштары ла эшләмәгән эттәргә тапшырырға
уйлайҙармы? Тимәк, шулар быйылғы йылға хужа буласаҡтар. Әйтегеҙ әле бына, минең
ни ерем кәм шуларҙан, ә? Мин шул тиклем матур , бына ҡойоп ҡуйған йыл хужаһы
инде! Үәт асҡысты ҡулға төшөрөп алһам, белер инем ни эшләргә!!!Ул асҡыс бит
теге тылсымлы һандыҡты аса тейҙәр...Тик уны асыр өсөн Йыл хужаһы булырға кәрәк.Ә
мин Хужа булһам...... Иртәнсәк сысҡан итенән бутерброд, төшкөлөккә –
быҡтырылған ҡуян ите, ә кискелеккә инде кәзә итенән шешлек!!!. Хыялланыуҙан
ғына шешлек ауыҙға килеп төшмәҫ, уйла-уйла төлкөбикә(телефондан
шылтырата-шылтырата сығып китә) Әһә,Юлбаҫарҙарға һатайым әле мин уларҙы.
Алло,һеҙгә насар эштәрегеҙҙә эттэр кәрәкме?Әйе бар-бар Эт өс көсөғө менән....
Юлбаҫарҙар килеп сыға, бейейҙәр, кәзәләрҙе
уратып алып сығып китәләр.
Төлкө: (ҡулын ыуа) Шулай бөттө китте был
Маһмайҙар .Ә хәҙер ҡыш бабайға сәләм ебәрергә генә ҡала.(ноутбук сығара) “Ҡәҙерле
Ҡыш бабай, Мин байрамға килеп тора алмайым, сөнки бәпестәремде алып йылы яҡҡа ял
итергә осабыҙ. Ә йыл хужаһы итеп яҡын әхирәтем Төлкөбикәне тәҡдим итәм”.(хатты
ебәрә)Зыйт итеп китте лә минең сәләм. Ну үҙемдә баш. Шәп килеп сыҡты был эш. (йырлай-йырлай
сығып китә)
Өсөнсө
күренеш
Алып барыусы:Ҡыш бабай менән ҡарһылыу етеп килә.Әйҙәгеҙ,
дуҫтар, куңелле йыр-бейеүҙәр, уйындар менән ҡаршылайыҡ уларҙы.
(“Ҡар бабайҙар” уйыны уйнатыла)( Оркестр)
Бүре: Яңылыҡ, дуҫтар, яңылыҡ! Ҡыш бабай етеп килә,
тик уға ярҙам кәрәк. Бына уның хәбәрен уҡыйым, тик мин бер нәмә лә аңламаным.
Бәлки һеҙ аңлатырһығыҙ. “Саналарҙың көсө бөттө, аккумуляторға көс йыйҙырырға кәрәк.
Уның өсөн балалар дәртле бейеү башҡарһын.”
Алып барыусы:Балалар,Кыш Бабайға ярҙам итәйек.Әйҙәгеҙ
куңелле бейеү бейеп уның аккумляторын ебәрәйеҡ.
(полька башҡарыла )
А Б.Вәт бейейҙәр, был бейеүҙән һуң Ҡыш
бабайҙың санаһы осоп тороп сығып киткәндер. Әйҙәгеҙ бергәләп саҡырайыҡ.
( Ҡыш бабайҙы саҡыралар) Ҡыңғырау тауыштары
сыға. Ҡыш бабай менән Ҡарһылыу килеп инә.
Ҡыш бабай: Сәләм һеҙгә, дуҫтарым.беҙ һыуыҡ
яҡтан килдек!
Ҡарһылыу: Бүләк менән тейәндек, көткәнегеҙҙе
белдек!
Алып барыусы: Әйҙүк, рәхим итегеҙ, түребеҙгә
үтегеҙ!
( Йыр «Тек тек итеп сәғәт һуға» уйын «пройди
под посохом»)
Ҡ.Б.-Ҡарһылыу,ҡара әле нидәй матур шыршы биҙәгәндәр балалар... Ҡарһ.-Әйе
шул Ҡ.Б. Шыршы бит үҙе лә балалар менән бейеп киткәндәй була . ( шыршылар
бейеуе)
.(йырлай-йырлай төлкө килеп инө)
Төлкө: Сәләм һеҙгә, дуҫтарым! Мине бик һағынып
көттөгөҙме? Ҡыш бабай, минең Алабай дуҫымдың сәләмен алғанһығыҙҙыр.Йә, йыл
асҡысын тапшыра һалығыҙ миңә.
Ҡыш бабай: туҡта-туҡта Төлкөбикә, ҡайҙа улай
ашығаһың?
Ҡарһылыу: Эйе шул, ашыҡма Төлкө!
Ҡыш бабай:Борондан килгән йоланы боҙоп, йыл
асҡысын төлкөгә бирәйем икән, балалар? Кемдә асҡыс шул бит тылсымлы һандыҡты
асала...Ә быйыл мин асҡысты Эткә тапшырайым тигәйнем... (ю-ю-юҡ) Эйе шул, һис
килешмәҫ. Ҡайҙа әле, тылсымлы таяғым ярҙамында Эттәремдең хәлен белешәйек. ( Ҡ.Б.
таяғы менән өс тапҡыр туҡылдата видео күренә)
Бүре: Ах һин, төлкө! Һаман шул боҙоҡлоғоңды
ташламайһың. Тотоғоҙ, тот шул яуызды, ниндәй яза бирәйек уға? (балалар төлкөнө
тоталар)
Ҡыш бабай: Һай Төлкөбикә,оят түгел ме һинә
алдашырға?. Бына барыбыҙҙың алдында әйт һүҙеңде.
Төлкө: Мин башҡаса алдашмаҫҡа һүҙ бирәм (Илай).
Ә теләйһегеҙме минАлабайҙы һә тигәнсе генә алып киләм?
Бүре: Юҡ инде Төлкөбикә, ана байрамға килгән
ҡунаҡтарҙың куңелен аса тор. Алабайҙы үҙем алып киләм.Саптым.
Төлкө уйын ойоштора.(“колпачки», «Торт»)
(Ҡыш бабай бик арыған ҡиәфәт сығара)
А.Б.:Дуҫтарым, Ҡыш бабай бик арыны.ӘйҙәҠ.Б.
ултыр ял ит ,ә беҙҙен балалар һинә күп йырҙар бейеүҙәр әҙерләнеләр...
(Йырҙар,бейеүҙәр башҡарыла)
Ҡапыл дәртле көй ҡуйыла һәм сәхнәнән шат
тауыштар менән бүре, эт килеп инә.
Эт: Һаумыһығыҙ, барығыҙ!Рәхмәт һиңә, Бүребай.Бына
беҙ ҙә байрамға өлгөрҙөк.
А.Б.: Әйҙә түрҙән үтегеҙ, беҙҙең менән
бергәләшеп түнәрәккә баҫығыҙ.(Хоровод песенка )
Ҡыш бабай: Ярай, балалар, уйнаныҡ-көлдөк,күңел
астыҡ.Әммә Ҡарһылыу ҡыҙым менән беҙгә китергә ваҡыт етеп килә.Мин йыл асҡысын
Алабай һиңә тапшырам.Тыуып килгән йыл ҡотло булһын!Барыбыҙға ла уңыштар
килтерһен. Эт:Рәхмәт,Ҡ. Б.Ә был
асҡыс менән нимә асып була? Ҡ.Б. :Һин быйыл
был асҡыс менән күп яҡшы эштәр башҡара алаһың.Тик иң тәүҙә ошо тылсымлы
һандыҡты асып,балаларҙы ҡыуандыр.
Эт: Рәхмәт ышанысыңа, Ҡыш бабай! Балалар,асайыҡмы?
(мөғжизәле көй аҫтына һандыҡты
асалар) Ҡыш бабай: Һау булығыҙ
балалар, беҙҙе йылда ла шулай һағынып көтөп алығыҙ!(Ҡарһылыу менән Ҡышбабай
хушлашып сығып китәләр).
Ҡарһылыу:Һау булыҡыҙ,йәнлектәр
Һау
булығыҙ.балалар!
Башҡа
урындарға ла
Беҙҙен бараһыбыҙ
бар!
Оставьте свой комментарий
Авторизуйтесь, чтобы задавать вопросы.