Сценарий осеннего утренника "Кунешке ярдым этейик"

Сценарий осеннего утренника в средней группе

«Кунешке ярдым этейик!»

А.Б. :   Сарылы-аллы эр якълар,

             Текюльдилер япракълар.

             Кунеш шавлесин сакълай,

             Окюрип, булут агълай.

Къана айтынъыз, балалар, бу не вакъыт ола?

Балалар: Кузьде

А.Б.:   Балалар, биз сизлернен  тылсымлы, муджезели дагъгъа кельдик.

           Амма бизни бир кимсе къаршыламай.

           Келинъиз, озь йырнен Кузьни муафирликке чагъырайыкъ.

Йыр « Кузь кельди»

Кузь:      Селям алейкум, достларым!

                Пек яхшы олды,  кельдинъиз!

                Эм дюльбер йырыны

                Бакъшышнен кетирдинъиз!

                Насыл дюльбер япрачыкълар …..

               Япракълар энди тюшкен,

               Ятакъ киби тешельген.

               Ягъмурлардан къалтырай,

               Язны олар хатырлай.

Кузь:   Мен кельгенинизге азырландым, сизни бол-берекет, кузь бахшышларынен сийламагъа истедим. Амма олар кунеште пишмеге кереклер.

Под грустную музыку появляется Солнышко с шарфом на шее, чихает и кашляет. Садится на пенек напротив детей.

Кузь:   Лякин менде къасевет

             Кунеш сабадан оксюре.

             Акъсыра ве сыджагъы бар-

             Къайдан илядж тапайым?

             Беким сиз, балалар, ярдым этерсиз?

Бала:         Раатсызланманъыз,

                   Биз Кунешке ярдым этерик.

                   Бугунъ биз Кунешчик ичюн

                   Йырларыкъ ве ойнарыкъ

А.Б.:  Балкъуртларны чагъырайыкъ,олардан бал сорайыкъ

           Кунешни хасталыкътан эпимиз къутарайкъ

Балкъуртлар оюны

Ишим бардыр керчектен,                     Зувул, зувул, зувул учам

Бал топлайым чечектен.                       Чечектен шыра джыям.

Къарап турмай ишлейим,                     Озю ичюн азырлайым,

Тийсенъ, яман тишлейим.                   Адамларгъа багъышлайым.

Мен хызметтен ич безмем,                      Кичкене къушчыкълармыз

Бир дакъкъа бош кезмем.                         Къафесчикте къышлармыз.

Чечеклерни северим,                                Озю ичюн чалышамыз,

Шырасыны эмерим.                                  Алемге де багъышлаймыз.

Гуль, чечеклер северим,                          Сувукътан къоркъам бираз,

Олардан бал эмерим.                                Бал топлайым баарь, яз.

Къарап турмай ишлейим,                         Балалар, балым шифалы

Бирев тийсе тишлейим.                            Ашамасы – сефалы.

Кузь:      Бакъынъыз, бакъыныз, бизге кирпи-эким кельди.

Бакъшышкъа кетирдим мантар                 Ягъмурдан сонъ чокълаша,

Олар сепетте отуралар.                                Къавур, тузла да- аша.

Эпси хасталыкътан къутарарлар,               Башы кениш, бойну тар,

Кунешке сагълыкъ къошарлар                   Ады да онынъ мантар.

Кузь:   Елдан бизге чапалар эки тавшанчыкъ

             Сепетлерне бир шей бар, къаны бакъайыкъ

Кунешке биз кетирдик

Файдалы витаминлер:

Бир толу сепет

Мейвалар ве себзелер

Кунешчик: Сагъолунъыз, тавшанчыкълар!  Ах, насыл мында чокъ лезетли ашлар! Эгер оларны ашасам, яхшы олурым?

Кузь: Эбет!!!

Кузь: Бакъынъыз, бизге топаллап аювчыкълар  келелер

Биз дагъгъа бардыкъ,

Ахудут джыйдыкъ

Татлы, къокъуллы сайляп

Кунешчикке кетирдик

Кунешчик агъырмаджакъ,

Бизлерни къыздыраджакъ.

Кунешчик: Сагъолунъыз, аювчыкълар!

Айванчыкълар оюны

А.Б. :Эр йыл бизге Кузь бол-берекет кетире. О акъкъында шимди йыр йырларыкъ.

Йыр «Кузь»

А.Б.:     Койлюлер багъ-багъчадан

               Емишлерни джыялар

               Сайлап-сайлап яхшыларын

               Сепетлерге къоялар.

  Эпси балалар билелер мейваларда ве себзелерде пек чокъ файдалы витаминлер бар.  Шимди олар  озьлери да бизге айтарлар

Помидор                                                                           Хыяр

Къып-къырмызы къавтаным,                         Уп-узун меним боюм,

Пек файдалы ал къаным.                                Лезетли ешиль союм.

Балалар, севип ашанъыз,                                Мен кельмесем софрагъа

Сагълам олып яшанъыз.                                 Сагълыкъын кельмез санъа.

Хавуч                                                                        Согъан

Ем-ешильдир пускулюм,                                Ап-акъ кийген антерим,

Озым сары, гульгулюм.                                  Ашкъа лезет берерим.

Мени аша, ичинъиз,                                        Мени тазе егенлер,

Артсынъ сагълыкъ, кучюнъиз.                      Сагълам тишли юргенлер.

Къапыста    

Къат-къат менде урбалар,

Не ямав, не тикиш бар.

Бала-чагъа, къарт ве яш,

Севе менден пишсе аш.                                              

Алма                                                                                          Армут

Ешиль, сары, къырмызы,                                          Терегим пек юксек олмай,

Пек къокъулыдыр озюм.                                           Мени севмеген зат олмай.

Мени севмеген ич екъ,                                              Пишкенде, чайнамай, ют-

Файдам мийге де чокъ.                                             Алманынъ достум- армут.

Айва                                                                                     Хурма

Алманынъ мен тувгъаным                                       Пек татлыдыр бу мейва,                     

Сары тюсте, томалакъ.                                            Эм онъа да дерлер хурма.

Пек файдалы мен мейва                                          Оны даим ашагъан,

Ве меним адым айва.                                              Мытлакъ олур бир пельван

Шефтали                                                                                Алма  

Багъчанынъ шефталиси,                                         Чешит тюрлю адым бар,

Сап-сары эр бириси.                                               Экши, татлы дадым бар.

Эм лезетли, эм ири,                                                Тереклернинъ далында

Тойдура онынъ бири.                                             Турам дюльбер алымда.

Оюн себзелер ве мейвалар

 Кузь: Бизге тез-тез чапа къуванып къырмыскъа

Кетирдим мен Кунешке

Файдалы щербет.

Кунешни хасталыкътан

О къутураджакъ.

А.Б.: Бакъынъыз, балалар, витаминлер кетирдинъиз, мейвалар ве себзелер,илядж да кетирдинъиз! Бизим Кунешчигимиз яхшы олды.

Кунешчик: Сагъ олунъыз, сиз пек ярдым эттинъиз. Мен энди  сизлернен ойнамагъа истейим.

Оюн «Явлыкъ»

Кузь: Энди исе кейфинъиз ичюн къызчыкъларымыз оюн ойнаджакълар

Оюн шемсиелернен

Кузь:   Балалар, кунешчик  яхшы олды

             Келинъиз Кунешке алмаларны пиширмек ярдым этейик.

Кузь: Бакъынъыз, балалар, насыл дюльбер , ал янакълы алмачыкълар .

           Мына,байрамымыз сонъунъа етти. Мен сизлерге бу дюльбер сепетни        алмаларнен багъышлайым.

Кунешчик: Мен исе сизлерге  муабет  ве шенъ олгъанызны тилейим.

А.Б.: Чокъ- чокъ витаминлер ашанъыз , эм мераметли  Кунешчик сизлерге  эр даим кульсин! Сагълыкънен къалынъыз!