Сценарий " Салют, Победа!", посвященный ко дню Победы

Предпросмотр материала:

Ада-Тӧрӧл учун Улу јууныҥ 74 јылдыгына учурлалган кӧдӱриҥилӱ концерт «Тӱӱкини јаш ӱйеге энчилеп». Май , 2019 јыл.

Залда јык тоолу улустар, айылчылар, тылдыҥ ветерандары отургылайт.

Школдыҥ ӱренчиктери (хор) тургулайт, јараш кӱӱ ойнойт, ведущийлар чыгат.

( Презентация кӧргӱзилет «Ада-Тӧрӧл учун Улу јууныҥ ӧйлӧри». Айана Майтановна.)

1.Вед. Јастыҥ јараш байрамы.

Јеҥӱ алган кереези.

Јаш јӱректер чечеги-

Јеҥ јастанган эземи.

2.Вед. Улу Јеҥӱни байрамдап,

Ундыбагар, улустар!

Ол јеҥӱге амадап,

Ӱзӱлген ойгор јӱректер.

1.вед. Јакшылар ба, кӱндӱлӱ јаан-јаштулар, ӧрӧкӧндӧр, јиит ӱйе! Ада-Тӧрӧл учун Улу јууныҥ 74 јылдыгына учурлалган «Јаш ӱйе, ундыбагар бисти!» деп кӧдӱриҥилӱ ойын-концерттисти баштап турубыс!

2.Вед. Ада-Тӧрӧл учун Улу јуу бистиҥ орооныстыҥ тӱӱкизинде эҥ ле карыкчылду ис артырган. Ол тушта бистиҥ Туулу Алтайдаҥ 43 муҥга шыдар улус јууга атанган, олордыҥ кӧп сабазы кайра јанбаган. Алтай калыгыс канду јууда баштапкы кӱндердеҥ ала Улу Јеҥӱге јетире кӱӱн-кайрал јок тартышкан.

1.Вед . «Кем де ундылбаган!»

2. Вед. « Не де ундылбас! »

(Хор кожоҥдойт «Канду јууныҥ јерине»).

1.Вед.Јетен башка калыкту

Јериске ӧштӱ табарды

Јети адар мылтыкт

Јииттер јууга атанды.

ХОР «Герои былых времен». ( Презентация кӧргӱзилет «Јууныҥ башталганы». Айана Майтановна

1.Вед. Јууда турушкан уулдардый.

Јуруктар эмди барып јаткай.

Узак јолго ӱйдешкендий

Учуктый јӱрӱм улалгай.

(Литмонтаж. Детский садтыҥ балдары ӱлгерлер куучындайт.

( 1 класс «А мы войны не знали»).

2.Вед. Ол ӧйдӧги јуучылдар

Ойто туруп келгендий,

Ортозында нӧкӧрлӧрин -

«Ончозы ба » - деп јоктогондый.

( Песня «Случайный вальс», женсовет).

1.Вед. Кӧл теҥистий кӧстиҥ јажы

Кӧӧркий энелердиҥ ый-сыгыды.

Кӧӧрӧп эмди барып јатканы.

Кӧп албаты ийдези.

( Песня «Мир без войны»).

2. Вед. Јуу јеринде божогон адалар

Јаантайын мениҥ тӱжиме киргилейт.

Кӧлӧткӧ болуп кӧзнӧгим алдында

Кӧпӧгӧш эҥирде јуулгылап келгилейт.

( Песня «»Прадедушка мой»)

1.Вед. О, јаркынду, Ленинград!

Чакка јӱрӱмим - сениле!

Јайым адазы- Ленинград,

Јаантайын санаам сениле!

( Кожоҥ «Ленинград», 3 класс. Презентация кӧргӱзилет «Ленинград». Лилия Юрьевна)

(Кожоҥ «Ленинградский паренек», 2 класс)

2. Вед. Канду јууныҥ ӧйинде

Камык балдар јаш болгон.

Кару Эне-Алтайдыҥ

Кандык, маҥыры аш болгон.

1.Вед . Ӧткӧн јууныҥ ӧйинде

Ӧскӱс балдар јаш болгон.

Ӧскӧн кару Алтайдыҥ

Ӧлӧҥ маҥыры аш болгон.

( Танец «Дети войны», 1, 5 класс)

1.Вед. Мен качан да адам деп кыйгырбагам,

Мен качан да адам деп ыйлабагам.

А бӱгӱн та кайдым болбогой.

Уур тӱштерге бастырып,

Карыкчыл санааларга улаарып,

Чек ӧскӧ ороон тӱбинеҥ ,

Сысту бала јӱрегимнеҥ

Ачу кыйгыргам «Адам,!Адам!»

Је ол унчыкпаган, куш болуп сала берген..!

( Кожоҥ «Журавли»)

2.Вед. «Салют, Победа!» деп районный конкурстыҥ јеҥӱчилдери!

( Кожоҥ «А закаты алые» . Вокал)

1.Вед.Районный конкурстыҥ призеры Айна Плисова кожоҥдойт.

( Кожоҥ «Огонек». Айна Плисова).

1 Вед. Чапкан ӧлӧҥ чалынду

Чактаҥ арткан јыргалду

Јууган ӧлӧҥ јуҥмакту

Јуудаҥ арткан ойынду.

( Бије «Яблочко», 2класс).

2 вед. Гран-При сыйдыҥ јеҥӱчилдери.

( Кожоҥ «Ровесницы наши». Јурттыҥ ветерандары).

1 Вед. Јараш јас јаранып келди,

Јажарып агаш бӱрленди.

Эдил кӱӱктиҥ эткени

Эне -Алтайга торгулды.

( Кожоҥ «Кукушка» Бештинова Юлиана).

(Кожоҥ «Горят вокруг огни» ).

2.Вед. Ак-боро ло аттарыс

Алтайында семирзин.

Адышкан јуучыл геройлор

Албатыда макталзын.

(Поппури военных песен. Женсовет).

1.Вед. Айланыжып келген байрамга

Албатыныҥ алкыжы.

Мӧҥкӱлик оттыҥ кӱйгени-

Мӧҥкӱлик солдат тыныжы.

( Кожоҥ «День Победы» Детсад).

2.вед. Агару оттыҥ алдында

Араай,тымык турадым.

Јӱрегимди чечектий,

Јанына келип саладым.

( Кожоҥ «9 мая» 3 класс).Презентация кӧргӱзилет. «Шашыкман јурттыҥ ветерандары» Лилия Юрьевна.

1.Вед. Бӱгӱн Улу Јеҥӱниҥ байрамы!

Ӧткӧн ӧйлӧр санаага кирет.

Ыраак, ыраак јаҥылга болуп.

Јылдарла кожо ол эбелет.

(Кожоҥ «Майский вальс». Ӱредӱчилер).

2 вед. Јаркынду керектиҥ коо јолыла

Ырыска Алтайым кӧнӱкти.

Эне јерим јакшынак јоныла

Јеҥӱчил болгонын кӧргӱсти.

( Кожоҥ «Подари мне улыбку»).

1 Вед. Ӱргӱлјиге чактар ӧтсӧ дӧ

Ӱлгерлерде магыҥ артар.

Ӱйелер омок кӧргӱлеп,

Ӧчпӧс отты улалтар.

( Хор. Кожоҥ «Победа»). Презентация «Салют, Победа!» Айана Майтановна.

- Школдыҥ уулдары флагту , детсадтыҥ балдары шарларлу чыгат.

- 4 класстыҥ ӱренчиктери тылдыҥ ветерандарына, јаан-јаштуларга сыйлар сыйлайт( арчуулдар, открыткалар).

2 Вед. Айландыра тайгалу

Амыр турзын Алтайыс.

Эки јаны мӧҥкӱлӱ

Эзен турзын кабайыс!

1 Вед. Ак сӱмерлӱ Алтайыс

Амыр турзын качан да.

Ак санаалу албатым

Амыр јатсын Алтайда!

1 Вед. Чеберлеп јӱреер айткан сӧзисти!

2 Вед. Чек тудыгар баскан јеристи!

1 Вед.Ырысту текши биледе јуртап!

Кожо Ыраак ӱйе, ундыбагар бисти!

Сценарий " Салют, Победа!", посвященный ко дню Победы

DOCX

12.02.2026

Файл будет скачан в формате:

DOCX

Автор материала

Ешова Татьяна

Учитель алтайского языка и литературы

На сайте: 7 месяцев
Всего просмотров: 1850
Подписчики: 0
Всего материалов: 15

1850
просмотров
15
материалов
0
подписчиков

Настоящий материал опубликован пользователем Ешова Татьяна .
Инфоурок является информационным посредником. Всю ответственность за опубликованные материалы несут пользователи, загрузившие материал на сайт. Если Вы считаете, что материал нарушает авторские права либо по каким-то другим причинам должен быть удален с сайта, Вы можете на материал.