Сценарий "день учителя" (мар.яз.)

Туныктышын кечыжлан полеклалтше

шумсем полек концерт.

Цель: туныктышо-влак деке, нунын пашашт дек йоча-влакын пагалымаш кумылым шуараш;

Задаче: тунемше ден туныктышо кокласе вашкылым пенгыдемдаш, йоча-влакын творческий моштымашыштым вияндаш. Оборудований: мультимедиа, шар, пеледыш, плакат, Туныктышо кечылан полеклалтше стенгазет, «Йоратыме туныктышем» сурет выставке.

Сорастарыме зал

Удырйуыш сем йонга. Удыр-влак(5-6 кл.) шовыч дене куштат. Куштымаш пытымеке, вудышо-влак лектыт

Вудышо 1:  Моткочак ныжыл, ямле шыже кече!

                     Куван кенеж мо толын, чынжымак?

                     Уке, пайремлена ме туныктышын кечым,

                     Садлан шум-чоным авалтен куан шомак!

Вудышо 2: Чоным почын, кумылым нолтал,

                     Чонешталже поро тыланымашна!

                     Таче мыланна кугу пиал,

                     Саламлаш тендам, туныктышына!

Вудышо 1: Таче чонлан пеш ласкан да шокшын чучеш. Кечыжат таче куанен шыргыжалеш, путырак ырыктымыла  чучеш.

Вудышо 2: Вес семын лийынжат ок керт. Вет таче, шыжа тылзын 5 кечыжын, элна мучко туныктышын кечыже пайремлалтеш.Тиде кече- ик эн ойыртемалтше. Тудым нимогай вес пайрем дене танастараш ок лий. Тиде кече, мыйын шонымаште, кажне енлан ик эн тун пайрем улеш.

Вудышо1: Туге, туге. Вет кеч-ко тый лий: мурызо, я эмлызе, я элын вуйлатышыже - кажнын пашаште туныктышын надырже. Кеч-могай кугу айдеме тый улат - эн ондак тый  ала-кон тунемшыже лийынат.

Туныктышо нерген почеламут

Вудышо 1: Ончал, а туныктышына-влакше могай таче мотор улыт, пеледыш гай веле койыт!

Вудышо 2: Чынжымак, пеледыш аланыште улмемла веле чучеш!

                    Тугае мутым мые ойлынем,

                    Тугае семым мые кычалам,

                    Шум-чон гыч лектышт нуно иланен

                    Тачысе туныктышын кечыжым чапландарен!

Вудышо 1: Шыже кечын уло ик мотор пайрем

                     Кажныже чон вургыж тудым вучена!

                     Чыландам ме таче саламлена,

                     Шум гыч лекше мурым полеклена!

"Туныктышем" мурполек (Иванов Вова, 6 кл.)

Вудышо 2: Мыйын шонымаште, туналтыш класслаште туныкташ путырак йосо. Шарналтыза, могай ме толынна 1 классышке:буквамат пален огынал, возенат, шотленат моштен огынал, мураш-кушташат  тептерна лийын огыл.

Вудышо 1: Икымше туныктышо ава гай, садлан кажне ен тудым умыржо мучко шарна, илышыште пример шотеш шында. Икымше туныктышын куштылго кидше дене тудо умбаке илышышке кая.

Вудышо 2: 1 классыште тунемше-влак шке кокымшо аваштым, туныктышыштым,  Лидия Геннадьевнам саламлаш вашкат. Изирак полекым кучыктат.

  Марла куштымаш (1 класс)

Вудышо 1:   Могае тиде неле паша

                      Ушаным ышташ йочам

                      Лудаш-возаш туныкташ да

                      Чын илыш-корныш шогалташ.

Вудышо 2: Туналтыш класслаште пашам ыштыше Елена Николаевна ден Ирина Анатольевналан такмак аршаш полеклалтеш.

Усова Юлия такмак-влакым йонгалтара (4 кл.)

Вудышо 1: 5 классыште тунемше-влакым шке шулдыржо йымаке  вес класс вуйлатыше налеш. Тунемше-влаклан нелырак лиеш. Кугу класслаште шуко туныктышо дене вашлийыт. Садлан  класс вуйлатыше лишыл йолташ, наставник семын школым пытарымешкышт нунын пелен  ошкылеш.

Вудышо 2: Таче кажне тунемше шке класс вуйлатышыжым саламлаш вашка.

Кызыт мутым 5-6 класслан пуэна. Нуно Светлана Петровнам уло кумылын туныктышын кечыже дене саламлат да почеламут аршашым полеклат.

Вудышо 1: 8 классыште тунемше удыр-рвезе-влак Софья Геннадьевналан  современный куштымашым ямдыленыт. Вет туныктышо умыржо мучко йоча-влак дене пашам ышта, садлан тудын чонжо эре самырык.

Вудышо 2: 7 классыште тунемше Рыбакова Светлана пешак тургыжлана, мыйже кунам саламлаш лектам, манеш. Тудо Алена Вячеславовнам почеламут корныла дене саламлынеже. Таче Света уло класс лум деч мутым куча.

Вудышо 1: Кеч-мом ман, а мый поръен туныктышо-влакым чотак пагалем. Кызытсе илышыте поръен-влак школышто шагал улыт, самырык-влак йоршын гаяк огыт тол.

Вудышо 2: Мыйын шонымаште, ме пиалан улына,  школыштына кум чапле поръен пашам ышта. Ме нуным,кузе ойлат, кидыште нумалшаш улына. Александр Михайловичым, Михаил Ивановичым да поснак шке класс вуйлатышыштым, Николай Ивановичым, 9 класс удыр - рвезе-влак мотор марий куштымаш дене саламлаш вашкат.

Вудышо 1: Мемнан туныктышына-влак пашалан уло вийыштым пуат. Тыге чучеш, пуйто нуно йудшо-кечыже школышто илат.

Вудышо 2: Туге, туге. Поснак Элина Авенировна, Ирина Валерьяновна да Светлана Васильевна. Эрдене толат - нуно уже тыште улыт, урок деч вара кает- нуно эшеат пашам ыштат. А вет кажныжын шке ешыже, икшывыже уло.

Вудышо 1: А вес семынже огешат лий. Школым вуйлаташ, тунемме да воспитательный пашам виктараш шуко тыршыман. Южгунам 24 шагатшат шагал лиеш.

Вудышо 2: Школ пашам ворандарен колташ, туныктышо ден тунемшым кидыште кучен толаш, кугу вий, чытымаш, пенгыде уш кулеш. Мыйын шонымаште директорат, завучат шке пашаштым сайын шуктат.  Мемнан школышто эн сай, шке предметыштым сайын палыше, йочам йоратыше туныктышо-влак тыршат. Мемнан школна - эн чапле.

Вудышо1: Кужмарий школем- эн мотор улат

                   Нимодечын чот тый мылам кулат.

                   Шинчымаш погаш, чоным пойдараш,

                   Тый пелен эре  ямде улам лияш.

Вудышо 2: Кужмарий школем-эн лишыл улат

                     Кеч-кушко каем, кеч-ко  лиям гынат

                     Ойлен кертам мый иктым, товатат

                     Ом мондо тыйым нигунамат.

Вудышо1:Ик ий вес ийым алмашта, ик тунемше - весым. Ме кушкына, а туныктышына -влакын вуйыштышт чал палдырнаш туналеш. Жап эрта, ик туныктышым весе алмашта, илалше туныктышо-влак канаш каят, самырык-влак пашашке ушнат. Тыге пуралтын кажнылан...

Вудышо 2: Таче мемнан залыште  пагалыме уна-влак улыт. Сулен налме канышыште улыт гынат, чонышт дене тугаяк поро, самырык, йочам йоратыше кодыт. Шуко ий, кече почеш кече, нуно йоча-влакым куштеныт, уш-акылыштым пойдареныт, чон поянлыкым пуэныт, самырык  тукымым ончыкылык илышлан ямдыленыт.

Вудышо 1: Айста чыланат шарналтена сулен налме канышыште улшо туныктышына-влакым. Математикым да физикым туныктышо, шуко жап школ вуйлатышылан тыршыше Куклин Сергей Алексеевич да тудын пелашыже, шочмо йылмым туныктышо Куклина Наталья Федотовна;

Вудышо 2:Туналтыш класслаште туныктышылан тыршыше Егорова Нина Егоровна да Иванова Ксения Васильевна;

Вудышо 1:Математикым туныктышо Паймакова Галина Александровна; воспитательный пашалан уло илышыжым пуышо старший вожатый Уткина Зоя Тихоновна.

Вудышо 2: Европышко окнам почшо, француз йылмым туныктышо Иванова Зоя Алексеевна;

Вудышо 1: Илалше-влак радамыш шукерте гына вончышо кокла гыч: Козырева Ольга Ивановна, туналтыш класслаште ятыр ий тыршен, шуко йочам лудаш да возаш туныктен.

Вудышо 2:Руш йылмым да литературым туныктышо, школ директор да вараже завуч сомылым шуктен шогышо Михеев Николай Леонидович. Школ пашалан __ ийым полектен.

Вудышо 1: Михеева Ираида Андреевна __ ий тыршен. Самырык тукымым шочмо йылме, сылнымут деке шуманден. Ираида Андреевна ден Николай Леонидович коктынат кушыл категориян туныктышо улыт. Турло чапкагаз дене  дене палемдалтыныт.

Вудышо 2: Руш йылмым да литературым туныктышо, шуко жап воспитательный пашам виктарыше, вараже социальный педагоглан тыршыше Садовина Серафима Леонидовна.

Вудышо1: Шуко жап те тыршенда. Шуко вийым, тазалыкым пытаренда. Кужмарий школын чапшым нолтенда. Таче ме, ачана-авана, изана-акана лум дене, да шке лумна дене тылында кугу таум каласена да вуйнам савена!

Вудышо 2: Туныктышына-влак, тендан тыланымашда, поро шомакда сугыньда мыланна нимо деч шерге. Ме тендан мутдам колышташ товатлена. Тыланда мутым пуэна.

Ветеран-влак мутым ойлат.

Вудышо 1:  Пагалыме ветеран-влак, чыландам туныктышын кечыж дене саламлена, кужу умырым, пенгыдылыкым, тазалыкым тыланена. Куштымашым полеклена.

 Тошто марий куштымаш (5-6 кл. удыр-влак)

Вудышо 1: Школым пытарымеке тый кушко тунемаш каяш шонет?

Вудышо 2: Эше ом пале, а тый?

Вудышо 1: А мый туныктышо лияш шонем.

Вудышо 2: Ормаш! Кызыт вет чыланат кугу оксан пашам кычалыт.   Туныктышын пашадарже изи, а пашаже - шуй даныт.

Вудышо 1: Тиде тун огыл. Палет, мый школышко вашталтышым пуртынем.

Вудышо 2: Тиде кузе? Мутлан, урок олмеш иктаж- могай кином ончыкташ?

Вудышо 1:Школышто чыла туныктышо да тунемшылан   онай да весела лийже ман, мом ышташ лиеш, шонем.

Вудышо 2:Ойлыштат, тыге лийын ок керт. Южо туныктышым  йоча-влак огыт йорате, урокышкыжат кумыл деч посна коштыт, монгысо пашамат шагал ыштат, южыжым чот пагалат да йоратат, а южышт деч лудыт, садлан кажне урокышко ямдылалт толыт.

Вудышо 1:  Мыйын шонымаште, чылажат туныктышо деч шога. Мый лийнем тыгай туныктышо, кудын предметшым тунемше-влак чотак йоратышт, уло кумылын уроклан ямдылалтышт. Мый эн сай туныктышо лийнем. Руш манмыла "универсальный".

Вудышо 2: А  тиде могай?

Вудышо 1: Чыла-чыла предетым туныктен моштышо,компьютерым сайын палыше, иктаж-могай семузгар ден шоктен моштышо.

Вудышо 2:Онай, весела кумылан, поро чонан, пенгыде, но тунамак шыма койыш-шоктышан.   

Вудышо 1:Туге.

Вудышо 2: Чылан икгай лийын огыт керт. Кидыште кузе парня-шамыч икте-весе дечын ойыртемалтыт, тугак илышыште ен-влак ойыртемалтыт. Тыгык туныктышо-влакат икте-весышт дечын ойыртемалтыт. Мемнан школышто кажне туныктышын ойыртемалтше палыже уло, "изюминкыже" манына, тидланак кора ме нуным пагалена да йоратена. Кажне урокышко кумыл дене коштына. Кужмарий школышто эн сай туныктышо-влак тыршат манам гын, йонылыш ом лий, шонем. Кажныже шке пашаштыже "универсальный" улеш, шонем.

Вудышо 1: А могай нимучашдыме кугу лийшаш туныктышын чонжо! Вет тудо шке чон шокшыжым, поро кумылжым шке йочажлан веле огыл, школышто  кажне тунемшылан полекла.

Вудышо 2: Эше ик гана ойлена: Тау тылында мемнан эн лишыл да поро йолташна-влак, мемнан йоратыме туныктышына-влак!

"Тау, туныктышем" мурым чылан иквереш йонгалтарат)