Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Классному руководителю / Другие методич. материалы / Сценарий "Хаалгин авъяс" на калмыцком языке

Сценарий "Хаалгин авъяс" на калмыцком языке

  • Классному руководителю

Поделитесь материалом с коллегами:








Наадн

«Хаалһин авьяс»




Сурһмҗлач:Окнян З.Е.















Үлдчн селәнә үндсн гимназь



Өрк-бүл. Ээҗ, аав, эцк, эк, көвүн. Ширә деер цә, махн, боорцг.


Ээҗ: Санҗ, селәнә көгшдүдиг дууд, сурһульд йовҗах көвүнә хаалһнь йөрәлһхмн.


Ээҗ, эк хойр ширә ахулна.


Эцк: Манаһур иртн.


Эцк эмг, өвг дахулсн герт орҗ ирнә.


Эцк: Күндтә аавнр, ээҗнр

көвүн сурһуль сурхар

холл һазр йовҗана

хальмг зандн цәәһәрн

көвүнә хаалһнь йөрәтн.


Цугтан мендләд, ширә эргәд сууна.


Өhello_html_m6be19e68.jpg
вгн:
Нә, йөрәхов!

Сурһуль сурх көвүн

Алтн хаалһар йовҗ,

Күрх һазртан менд күрч,

Сурх зөвтә сурһуль- эрдмән дасч,

Эн-тер гих шалтг уга,

Маңнадан нар урһаҗ,

Амулң менд , эрүл- дорул

хәрү гертән орҗ ирхинь

олн бурхд өршәх болтха!


Цугтан: Йөрәл бүттхә!


Наһц ээҗ: Хол һазр йовҗах

Мини зе көвүм

төрскн һазр- усан

төрсн өрк- бүлән,

ухандан бәртхә.

Төрскн һазр, зе

Биидчнь нөкд болх,

гиҗ көвүнд «һазр» өгнә.


Цугтан: Э-э, хальмг авъяс тиим.

Аав: Хальмг улсин авъясар

хәәртә көвүн чамд,

хол йовҗах һазрин

хаалһнь цаһан болтха гиҗ

алтн җола эргҗ иртхә гиҗ

цаһан мөңгәр йөрәҗәнәв,

гиҗ көвүнд цаһан мөңг бәрүлнә.


Цугтан: Тиим! Сән авъяс.



Наһц аав: Сансн санань күцҗ,

сәксн бурхнь бүтҗ,

күүнд келүллг уга,

нохад хуцуллг уга,

сурһулян сәәнәр сурч,

алтн җола эргүлҗ

менд ирх болтха!


Цугтан: Йөрәл бүттхә!


Көвүн: Күндтә аавнр, ээҗнр,аак, баав,

йовх цаг ирв.


Ээҗ: Хол һазр йовҗах күн

Хаалһдан һархиннь өмн

Хальмг хуучн авъясар

Бурхдтан мөргәд һар.


Көвүг мөргүләд, хаалһднь һарһна.



















Наадн

«Мелялһн»




Сурһмҗлач:Окнян З.Е.















Үлдчн селәнә үндсн гимназь



Өрк-бүл. Гер дотр эк нилхән саатулҗана. Ээҗ өөмс өлгҗәнә.

Эк-ээҗ хойр саатулын ду дуулҗана.


«Баю-баю, баю-бай,

Баахн зуур амрцхай.

Туулан кичкүд унтцхана,

Тедн зүүд үзцхәнә.

Баю-баю, баю-бай,

Баахн зуур амрцхай.

Хөөнә хурһд цуцрҗ

Цугтан унтхар кевтцхәҗ.»

hello_html_m79a51ade.jpg

Герүр аав хойр өвг дахулсн орҗ ирнә.


Аав: Ээҗ, цә белд

Боорцг, махан һарһ.

Эн ачта өвгдәр

Ачтан нер өгүлхмн.


Ээҗ: Ширә эргәд сууһитә,

Күндтә гиичнр болита.

Олна тууҗин халхт

Ачир нер олита.


Цугтан цә-хот зооглҗана.


1-гч өвгн: Һарсн мана ач,

Кииснь шулун акҗ,

Көлнь бат шоратҗ,

Ут наста, бат кишгтә болҗ,

Өсч-өрггҗ, сән эрдм дасч,

Эк-эцкиннь нер дуудулҗ,

«Церн» гидг нерән зүүҗ

Маңна тиньгр, менд-амулң йовхиг

Олн деедс бурхд евәтхә!


Цугтан: Йөрәл бүттхә!


2-гч өвгн: Хальмг улсин нерд дунд

«Церн» нерн темдгтә болна.

Хамгин өргнәр делгрсн нерн.

Тодрха, тарңху болн эңкр.

«Церн» гисн нерн

Төвдәс ирсн нерн.

Мана хальмг келнд

Шиңгрсн эн нерн.

Төвдин хойр үгәс

Бүрдсн эн нерн.

«Це»- гиснь «насн»,

«рин» -гиснь «ут».

«Це-рин» гиснь Ут Насн

Сәәхн нерн «Церн».


Цугтан: Тиим, тиим.


Эцк наһцнран дахулсн орҗ ирнә.


Эцк: Көвүнә нер йөрәлһхәр

Наһц аавинь дуудв,

Көвүнә нер келхәр

Наһц ээҗнь дуудв.


Ээҗ: Мендвт, ямаран бәәнәт?

Суутн, цә уутн.

Наһц аав: Төрсн зе көвүнәм

Наснь ут болҗ,

Өндртән, утдан сунҗ,

Өсч- босч, сурһуль- эрдм дасч,

Ардан олн дүүнр дахулҗ,

Элгн-садндан тоомсрта,

Нертә- төртә күн болҗ,

Олн әмтнә җирһлд багтҗ,

Оньдин дөрвн цагт

Инәдтә- наадта, байрта-бахта

бәәх болг!


Цугтан: Йөрәл бүттхә! Тиигтхә!

Наһц ээҗ: А, хәәрхн!

Төрсн зе көвүнә,

«Церн» нернь мөңкрлҗ

Цаһан хаалһта болҗ,

Айта залу болҗ өстхә,

Наһцнриннь нерн деерәс

Торһн киилг, һунҗн үкр

белглҗәнәвидн.


Цугтан: Пай-пай!


Ээҗ: Ирсн элгн- садн цугтан,

Ут наста, бат кишгтә болҗ,

Үрн- саднаннь кишг-җирһл үзҗ

Оньдин иигҗ элгн-садан күндлҗ

Оньдин ач көвүм

Олн сән өмскүл өмсч,

Байрлҗ, бахҗ, ханҗ,

Менд амулң, маңна тиньрг бәәхиг

Деедс нөкд болтха!


Цә-хот зооглад, нәр һарһна.


Наһц аав: Нә, орсн боран гиидг,

Ирсн гиич хәрдг.


Цугтан мендләд һарна: Сән бәәтн! Менд харһий!






Выберите курс повышения квалификации со скидкой 50%:

Автор
Дата добавления 15.10.2015
Раздел Классному руководителю
Подраздел Другие методич. материалы
Просмотров199
Номер материала ДВ-066549
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх