Аһаҕас
кылаас чааһа
«Иһирэх
көрсүһүү. Умнуллубат түгэн. Олох очура.»
(Дьабыыл
орто оскуолатын 95 сылыгар аналлаах)
Иһирэх
көрсүһүү Презентация «Санаан ааһыаҕыҥ кинигэлии арыйан»
Истиҥ
таптал «Оскуола бүгүҥҥүтэ – кырачаан
үөрэнээччилэр»
Умнуллубат
түгэн
Олох
очура
Бар
дьон
Үрдүк
ситиһии
Дьолтон
үөрүү
Ис
сүрэхтэн
Ырыа «А-тан Б-тан саҕалаан» 1 кылаас үөрэнээччилэрэ 5мүн
Үтүө күнүнэн бүгүн биһиэхэ ыалдьыт буолан кэлэн олорор
убаастабыллаах выпускниктар.
Эһиэхэ бэйэлэрин эҕэрдэлэрин тиэртилэр быйыл оскуола
боруогун саҥа атыллаабыт кырачаан маҥнайгы кылаас үөрэнээччилэрэ. Кинилэргэ
дохсун ытыс тыаһын бэлэхтиэҕин.
Бүгүн биһиги оскуолабытыгар биир бэлиэ күн, биһиги
оскуолабыт төрөөбүт күнэ. Хас сааһын туоларый оскуолабыт? (95 - юбилей)
Ханнык баҕарар киһиэхэ оскуолаҕа үөрэммит сыллара
умнуллубат, олоҕун саамай кэрэ-бэлиэ кэмнэрэ буолаллар. Ол туһунан араас элбэх
ырыалар, хоһооннор, киинэлэр бааллар. Үөрэнээччи кэнники саныырыгар араас
көрүдьүөстээх кэмнэр, умнуллубат түгэннэр өйүгэр-санаатыгар хатанан хаалаллар:
Маҥнайгы учууталы кытта көрсүһүү, интэриэһинэй уруоктар, араас хайысхалаах
куруһуоктар, оскуола муҥура суох үгүс тэрээһиннэрэ, долгутуулаах да кутталлаах
да экзаменнар уонна биллэн туран бүтэһик чуораан.
Оскуоланы араас сылларга бүтэрбит оҕолор араас
идэлээх, дьоҥҥо-сэргэҕэ дириҥник ытыктанар, киһи холобур туттар дьоно үгүстэр.
Ол курдук, бүгүн мустан олороллор биһиги оскуолабытын
бүтэрбит выпускниктар.
1959-1960сс. 4 выпускник
1971-1972сс. 19 выпускник
1982-1983сс. 16 выпускник
1995-1996сс. 14 выпускник
2006-2007сс. 12 выпускник
Ыҥырыылаах ыалдьыттарынан кэллилэр Президенскай ёлка
кыттыылаахтара:
Попов Афанасий Петрович, Кычкина Марфа Андреевна,
Березкина Екатерина Ионовна, …
Афанасий, баһаалыста хаһан сылдьыбыккын, туох өйдөнөн
хаалбытын быһа тардан кэпсээ.
Ыалдьыттары кытта кэпсэтии. Түмүккэ «Хайдах үөрэннэхпитинэ
«үлэлээтэхпитинэ» маннык наҕараадаҕа тиксиэхпитий?» 15мүн
Махтал. Билигин эһиэхэ анаан бэйэлэрэ айбыт
хоһооннорун ааҕыахтара маҥнайгы кылаас үөрэнээччилэрэ «Тапталлаах оскуолам
төрөөбүт күнэ» 5 мүн
Ыалдьыттарбыт бары көхтөөхтүк кыттан санаан ааһыаҕыҥ –
эһиги үөрэнэр кэмҥитигэр кылааскыт салайааччыта, учууталларгыт кимнээх
этилэрий? Ордук өйдөнөн хаалбыт түгэннэргит. 20мүн
Кырачаан дьоҥҥо тугу сүбэлиэ этигитий? Баҕа санаа
этии.
Бүгүн биһиги оскуолабыт төрөөбүт күнүгэр аналлаах
кылааспыт чааһыгар кэлэн ыалдьыттаабыккытыгар барҕа махтал. Уонна инники
кэскиллэрбит кылгас үҥкүүлэрин эһиэхэ бэлэх уунуохтара. 3мүн.
Уопсай хаартыскаҕа түһүү.
Оставьте свой комментарий
Авторизуйтесь, чтобы задавать вопросы.