Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Конспекты / Сценарий мероприятия на тему "Сен бақытты ұлансың"

Сценарий мероприятия на тему "Сен бақытты ұлансың"


  • Начальные классы

Поделитесь материалом с коллегами:


hello_html_m20f676c8.gif

Сен бақытты ұлансың !

Мақсаты:

Әр оқушыға өз отбасындағы мүшелердің атқаратын рөлі мен маңызын білдіріп және оларды қадір тұтуға тәрбиелеу.

Өтілу барысы:

-Айналайын, балалар.Бүгін сендер өз отбасындағы мүшелерді атап,олардың немен айналысатынын, қайда жұмыс атқаратыны туралы ортаға салып бізбен бөлісесіңдер.Ардақтайтын туысқандарыңа арнап жаттаған немесе өздерің шығарған өлең-тақпақтарың болса,ортаға шығып айтасыңдар.Үйден дайындап әкелген фото-монтаждарың, таныстырылымдарың(презентация)болса көрсетесіңдер.Сонымен бүгінгі кешіміз ашық деп жариялаймын.Қош келдіңдер!

Анаң- күнің, жүрегің, Әкең-өмір тірегің. Сен –бақытты ұлансың, Бәрі саған қуансың!

Әжең- асыл ардағың, Атаң-дана қорғаның Сен-бақытты ұлансың, Бәрі саған қуансың!

Ағаң- қамқор асқарың, Інің-мөлдір аспаның. Сен- бақытты ұлансың, Бәрі саған қуансың!



Қарындасың- қанатың, Ел-Отаның-жанатың. Сен-бақытты ұлансың, Бәрі саған қуансың!

-Иә, балалар, сендер өте бақытты жансыңдар! Не ішем, не жеймін немесе қайдан аламын деп қиналмайсыңдар. Өйткені, үкіметіміз барлық жағдайды сендер үшін жасап отыр.Сендердің оқуға, демалуға және сүйікті істеріңмен айналысуға құқықтарың әбден бар.Тегін білім алу мен оқулықтармен қамтамасыз етілуге құқықтысыңдар.

-Дегенмен,сендердің өз ойларыңды түсінікті, ұғымды жеткізе білулерің отбасынан бастап қалыптасады. Сондағы алғашқы ұстаздарың- ата-аналарың, тетелес ағаларың мен әпкелерңі.Олармен күнбе-күн араласу, сөйлесу арқылы сендердің тілдерің күн санап жетіле береді.Ал адамның тілі неғұрлым бай болса, ойы да соғұрлым кең болады.

-Ал,кәне, ортаға әжелеріміз туралы ән-тақпақ салайық.Кәне, кім бірінші болып өз әжесін мадақтайды. Аружан: «Әже» К.Ахметова

Сөзімді дұрыстайтын әже, Айғайлап ұрыспайтын әже. Қыдырса, ерте келетін әже, Ылғи да еркелететін әже, «Алысқа кетпе» дейтін әже, Келмесе, өкпелейтін әже, Бәрі де жүреді есімде,әже, Ойынға досым шақырып тұр, Апама айтпай, жібересің бе,әже!

Күнсұлу: «Менің әжем» Қ.Мырза Әлі

Менің әжем,ақ әжем- Ұл мен қыздың бағы әжем. Ән айтып бер десем, Айтып берер тағы әжем. Менің әжем, жыр әжем-Шуағы мол, нұр әжем.Мол қызыққа кеңеліп,Аман-есен жүр,әжем!

Ән «Ақ әжем» Орындаушы: Ауғанова Анара

-Жақсы,қыздар! Ал енді апалар мен аналар туралы бірер сөз қозғайық.

Сабина: «Ана» Т.Бейсенбеков

Келбетінде ұлылық, Даладай кең пейілі. Ана деген-жылылық, Ана деген-мейірім. Ақыл құйған санама, Күннен де артық,расында. Күн-алыста,ал анам, Ылғи менің қасымда.

Айбар: «Ана» Қ.Мырза Әлі

Өмірде ана-бұлақ,ана-пана, Өмірді өркендетер ана ғана. Өсірген талай көсем,талай шешен, Талай ер,талай ақын,талай дана.

Әмірхан.

Ана! Ол-біздің елде ардақты адам, Кіші де,үлкен де оны ардақтаған. Өзінің аяулысы-Отанды да «Ана»деп біздің халық текке айтпаған.

Меруерт: «Аналардың жүрегі» Қ. Мырза Әлі

Баланың да тірегі, Дананың да тірегі. Шаншымасын ешқашан, Аналардың жүрегі!

Ән: «Аналардың тілегі». Орындаушы:Қойшыбай Айбар

Ришат: «Аға» Ә.Табылдиев

«Күнім- менің інім!»-дейді, Күнімдей боп күлімдейді. Жамандықтан жирентеді, Жақсылықты үйретеді.Аға, тіпті,кесірлерді,Ағаттықты кешіреді.Қадағалап әр күнімді, Қатал қарап тәртібімді, Ардақтаған,аялаған Ардақты ағам-аяулы адам!

Елдана: «Әпкетайым» Қ.Мырза Әлі





Әр күн сайын Маған дәйім Қамқор болдың. Әпкетайым! Жандай шырын, Жан асылым. Жаным әпкем- Жанашырым! Күн мен айым- Әпкетайым!

«Менің отбасым» фото-көрмесін тамашалайық.Таныстырылым.

Қазір бізге қамқор, ылғи да көмекші,ақылшымыз - өз жақындарымызға тілектерімізді жазамыз.Жазған тілектерімізді шарларға салып,далаға ұшырып жібереміз.






































Автор
Дата добавления 29.01.2016
Раздел Начальные классы
Подраздел Конспекты
Просмотров128
Номер материала ДВ-392191
Получить свидетельство о публикации


Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх