Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Свидетельство о публикации

Автоматическая выдача свидетельства о публикации в официальном СМИ сразу после добавления материала на сайт - Бесплатно

Добавить свой материал

За каждый опубликованный материал Вы получите бесплатное свидетельство о публикации от проекта «Инфоурок»

(Свидетельство о регистрации СМИ: Эл №ФС77-60625 от 20.01.2015)

Инфоурок / Воспитательная работа / Другие методич. материалы / Сценарий мероприятия «Писатель, тодосчи, берыктись, протодиакон…
ВНИМАНИЮ ВСЕХ УЧИТЕЛЕЙ: согласно Федеральному закону № 313-ФЗ все педагоги должны пройти обучение навыкам оказания первой помощи.

Дистанционный курс "Оказание первой помощи детям и взрослым" от проекта "Инфоурок" даёт Вам возможность привести свои знания в соответствие с требованиями закона и получить удостоверение о повышении квалификации установленного образца (180 часов). Начало обучения новой группы: 28 июня.

Подать заявку на курс
  • Воспитательная работа

Сценарий мероприятия «Писатель, тодосчи, берыктись, протодиакон…

библиотека
материалов

Тема: «Писатель, тодосчи, берыктись, протодиакон…"

Пумиськонлэн мугез:

- тодосчилэн, кылчилэн, этнографлэн, писательлэн, берыктисьлэн, протодиаконлэн - улэм сюресэныз, творчествоеныз тодматскон;

- удмурт калыклэн визьмо пиосыныз данъяськыны быгатон;

- удмуртлыкез, анай кылэз гажан мылкыд пычатон;

- лыдзиськыны мылкыдэз пуромытон.

Оборудование: книга жажы (М.Атамановлэн книгаосыз, альбомъёс), катанчи вылын гожтэм чуръёс.

*****

«Адями вордиське яратыны -- Инмарез, инкуазез, адямиез…»

*****

Чузъяське удмурт кырзан. Пото ужрадэз нуисьёс


1-ти нуись) Ӟечбуресь, пиналъёс, дышетисьёс но отем куноос!

Туннэ асьмелэн пумиськонмы сиземын лякыт сюлэмо, котьмаин тунсыкъяськись; шонерлыко улонэз, зэмлыкез валась; удмуртлыксэ зырдыт яратись улосчиенымы - Михаил Гаврилович Атамановен.


2-ти нуись) Огшоры удмурт гурт, Улёк шур, Тульгельди пушмульыё гурезь… Михаил Гаврилович Атамановлэн вордскем гуртэз – Вуж Эгра… Та гуртысь удмурт крестьян семьяын 1945-ти арын кыктоос вордскизы. Нимазы соосты Ганя но Миша.

Ортчизы аръёс. Михаил Гаврилович луиз быдэс финно-угор дуннелы тодмо, сиё-дано тодосчи, писатель, Инмар кылэз тодытись, Библиез, восяськон книгаосты удмурт кылэ берыктись, протодиакон. Со туннэ асьме дорын куноын.

(султыса зечъяське)


1-ти нуись) Куномы – Россиысь писательёслэн огазеяськонзылэн ёзчиез, данак веросъёслэн, очеркъёслэн, повестьёслэн авторзы. Адзем карымон луо солэн тямыс бадзым монографиосыз, куинь сюлэсь уно статьяосыз, восяськон книгаосыз. Сюлмысь тыршемез понна солы сётэмын «За заслуги перед Отечеством» орденлэсь медальзэ, со сяна трос ужъёсыз бадзым черк наградаосын пусъемын. Сюлмысьтымы тау карыса, кузьмаськомы Тиледлы яратоно кырзанмес.

(кырзан «Юнме вождэ поттиськод»)


2-ти нуись) Выльысь берытском Эгра палъёсы Вера Филипповна но Гавриил Иванович Атамановъёс зеч лул-сюлэмо, анай кылзэс, удмуртлыксэс яратись пиналъёс будэтизы. Кык агайёс, ноку но, нокытын но куспазы мурт кылын оз вераськылэ. Визьмо, лякыт сюлэмо анай-атай возын будыса, вордскем кылзэс яратон нырысьсэ шокчем дырысенызы ик лулазы-сюлмазы пычамын. Аслаз анай кылыз сярысь таче чебер кылъёс гожтиз Михаил Гаврилович.


Дышетскись: « Удмурт анай кылмы...со ошмес ву кадь дун, чылкыт, быдзым крезь сиос вылын кылдэм гур кадь небыт но жингрес, чечы кадь ческыт, Кам шур кадь паськыт но мур.

Мусо анай кылы! Мон тонэ туж яратисько…»


1-ти нуись) Михаил Гавриловичлэн та сюлмысьтыз верам кылъёсыз тодамы вайыто туннэ пумиськонмылэсь валтись пуштроссэ. Солэсь гожтэм книгаоссэ, статьяоссэ, журнал-газет пыр вераськылэмъёссэ, берыктэм ужъёссэ удмурт кылъя урокъёсын но портэм ужрадъёсын кутиськомы.

Нош али учкыны дэмласьком пичи музыкальной композицимес. Ти азьын возь выл сяськаослы кельшись пичи пиналъёс. Пумиталэ!

(нылпи сад)


2-ти нуись) Анай кылмес мургес пычатон вылысь школаямы вань луонлыкъёс кылдытэмын. Ужало краеведческой музей но кружок. Котькуд ар пусйиськомы Кылъя Калыккуспо нуналэз. Ортчытъяськомы «Эшъяськон тылсиос» калык кылос фестиваль. Визьмо нылпиосмы ёрос, Бигер но Удмурт Элькунын ортчись удмурт кылъя но литературая олимпиадаосы пыриськыса, зеч вормонъёс басьто. Шумпотыса вераськомы, кылем арын Менделеевск ёросамы усьтиськиз «Калыкъёслэн Эшъяськон юртсы», кудиз огазеяз ёросысьтымы но бускель элькунысь портэм нацием калыкъёсты.

Михаил Гаврилович, анай кылмылэсь мурдалазэ, чеберлыксэ зеч шодись, валась, дунъясь луиськоды. Тиляд тыршеменыды ик асьмелэн удмурт кылмы азинтиське но узырме...

(кырзан «Куарадэ но вунэти ни...)


Дышетскись: «Эгра гуртэ, Эгра калыке! Мынам сюлмысьтым потытэк уло. Татын мон нырысьсэ тэтэ кари, нырысьсэ «анай» шуи... Овол ни ке но вордскем юртэ, анае, атае но уг ни уло татын, нош сюлмы, чебересь малпанъёсы котьку но пумтэм трос нюжаосын герзаськемын ошмесо, вож садо вордскем Эгра гуртэным»


1-ти нуись) Пинал дырысен ик Михаил Гавриловичлы туж тунсыко потэ вал удмурт калыкезлэн кылдэмез, азинскемез сярысь иворъёс. Пересьёслэсь, уката ик анаезлэсь – кылэм мадьёссэ туннэ нуналозь но сюлэм пушказ возе. «Покчи дор музъеме. Грак тетрадьысь: тодэ ваёнъёс» ужъёссэ лыдзыса, валаны луэ, М.Атаманов юн герзаськемын аслаз выжыосыныз но гурт улонэныз шуыса. Книгаяз пыр-поч вера пичи дырзэ, быдэ вуон вакытсэ, бадзым улонэ потон сюрессэ. Угось анай-атайдэ гажан бордысен ик потэ мукет адямиосты – матысьёстэ, чыжы-выжыостэ яратон но дунъян мылкыд.


2-ти нуись) Сыче мылкыдзэ шодиськомы Михаил Гавриловичлэсь Тэремшур гурт сярысь гожъям тодэ ваёнъёсысьтыз но. Тэремшурын уло но ужало солэн матысь чыжы-выжыосыз, яратоно эшъёсыз, ас палъёссэс силы карись улосчиосыз. Гуртмылэсь данзэ вылие жуто лулчеберет удысын дано ужасьёс. Соос полы пыртиськомы Виктор Никифоровез. Чебер, небыт гуро кырзанъёсыз бигер шаерын сяна, солэн палэназ но чузъяськыло. Зеч ужамез пусъемын медальёсын, трос данъян дипломъёсын но почёт грамотаосын. Виктор Никифоров Россиын, Элькунын но ёросын ортчись конкурсъёслэн но фестивальёслэн лауреатсы луэ. Али кылзыны дэмласьком солэсь гожтэм кырзанъёссэ.

( кырзанъёс)


1-ти нуись)

Михаил Атамановлэсь гольык пыд бызьылэм дыръёссэ тодэ вайытыса, нылпиослэсь «Возьвыл шудонъёс» адзытонзэ учкыны дэмласьком.


(композиция -2-ти класс)


2-ти нуись) Дунне вылын одиг калыклэн ке но вань меда таче ужась-тыршисез: одиг дыре ик Библияез, восяськон книгаосты берыктэ, духовной темаен книгаос печатла, со дыре ик наукаен, мукет кулэ ужъёсын выре.

Инмармы зэмос оскон но кужым сётэ Михаил Гавриловичлы уно шуг-секытъёсты вормыса, зеч ужъёс лэсьтыса, азьлань мыныны. Солэн вань сюлмаськонэз, ужез герзаськемын ас калыксэ югдытонэн, восяськон книгаос поттонэн, вордскем кылмес утёнэн.


1-ти нуись) Нош али кыл сётиськомы куномылы, Михаил Гаврилович Атамановлы, черкысь атаймылы. Пыр-почгес вералэ вал пичи дырды, быдэ вуон вакытты сярысь.

(М.Атамановлэн верамысьтыз: «…»)


(9-ти класс «Табань»)


2-ти нуись) - Кыл сётиськом Грахово ёросысь администрацилэн кивалтисезлы, Михаил Гавриловичлэн крёстной пиезлы (черкын кутэм пиезлы) -- Михаил Арсентьевич Крестьяниновлы... Тау!


- Озьы ик кыл сётэммы потэ Зуння гуртысь протоиерейлы – отец Виталийлы...

- Чыжы-выжыезлы, чош будэм эшъёсызлы, тодмоосызлы… (мадё чош будэмзы, тунсыко учыръёс сярысь).


1-ти нуись) Тодмо, визьмо тодосчиосын пумиськон – со котьку тунсыко но пайдаё. Милям тиледлы, Михаил Гаврилович, юанъёсмы кылдизы?

Юанъёс:

  1. Марлы пичи дыръяды тужгес но шумпотиськоды вал?

  2. Школаын кыче предметъёсты тужгес яратиды?

  3. Туала югдур шоры кызьы учкиськоды?

  4. Кыче мылкыдын, малпанъёсын пумитады дано лыдпустэс?

  5. Кыче классын потиз нырысети гожтэм ужды(заметкады)?

  6. Кызьы ти наукаысь черке вуиды? Мукет сюресъёс син азяды ой вал-а?

  7. Ти улон сюрес вылады бадзымесь вормонъёс басьтиды. Но ваньзэ-а, мае пусйиды, ти быдэстиды?

  8. Кыче адямиосты гажаськоды?

  9. Дунне вылысь ас калыктэс яратэм сяна, кыче калыклы тужгес синмаськиськоды?

  10. Мар сизьысалды милемлы, будись пиналъёслы?


Тау валэктонъёстылы!


2-ти нуись) 19-ти куарусёнэ (сентябре) Михаил Гавриловичлы 70 арес тырмиз. Ми вань дышетисьёслэн, дышетскисьёслэн но гурт калыкъёсмылэн нимынызы зечкыласьком Тиледыз дано юбилееныды! Тазалык, ужазинлык но шудбур сизиськом. (Кунолы сяська керттэт сётэ)

( кырзан «Мон гуртын улисько»)


1-ти нуись) Пумиськонмес йылпумъяса, Михаил Гаврилович Атамановлы, солэн чыжы-выжыосызлы, эшъёсызлы сюлмысьтымы тау карон кылъёсмес вераськом. Пумиськонмы туж шуныт, пайдаё ортчиз. Оскиськом: пиналъёсмылэн но гожъяськон, лыдзиськон мылкыдъёссы табере уката пуромозы. Витиськом выль книгаостэс. Тау бадзым!


2-ти нуись) Нош табере, Михаил Гаврилович, тиледыз, вань люкаськем калыкез, отиськомы столовоямы!



















Подайте заявку сейчас на любой интересующий Вас курс переподготовки, чтобы получить диплом со скидкой 50% уже осенью 2017 года.


Выберите специальность, которую Вы хотите получить:

Обучение проходит дистанционно на сайте проекта "Инфоурок".
По итогам обучения слушателям выдаются печатные дипломы установленного образца.

ПЕРЕЙТИ В КАТАЛОГ КУРСОВ

Автор
Дата добавления 18.10.2016
Раздел Воспитательная работа
Подраздел Другие методич. материалы
Просмотров92
Номер материала ДБ-270697
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх