Сценарий на новый год "Жаңа жыл - жаңа жыр!"

               Жаңа жыл-жаңа жыр!

1жүргізуші : Армысыздар ,құрметті  ата-ана ,қымбатты  ұстаздар  ,оқушылар!

2жүргізуші :Жаңа  жыл  мерекелерініз  құтты  болсын!

1жүргізуші:Қош келдіңіз бүгінгі кешімізге ,

                      Жаңа табыс тілейік ісімізге.

                      Келе жатқан  Жаңа жыл құт әкелсін,

                      Мына отырған барша жан бәрімізге.

2жүргізуші:  Ақ көңілім айналды аппақ қарға,

                       Көңілдене қосыл сен ән мен жырға ,

                       Қыс қызығы басылмай ұласады,

                       Қуанышы қөп болсын жаңа жылға, -  дей отырып , жаңа жылдық                                                                                                                                                  кешімізді бастауға рұқсат етіңі

     1жүргізуші: Аппақ  тонға  оранып  ,

                           Базарлықты  мол  алып ,

                           Келеді  алыс  сапардан

                           Аяз  ата  оралып.

   2жүргізуші  :  Келеді  Аяз  атамыз,

                           Қасында Ақшақары бар

                            Қызыққа әбден батамыз,

                           Қарсы аламыз баршамыз.

1жүргізуші      Ал енді , құрметті халайық!

                          Бүгінгі кешіміздің  қадірлі  қонағы

                          әрі сәні Аяз ата мен Ақшақарды қарсы алайық!

Хормен :          Аяз ата!Ақшақар!(3рет)

                             Музыка ойнап   тұрады   , сол  кезде  Аяз  ата  мен  Ақшақар                                                           

                           келеді.

2жүргізуші:

                         Қош келдіңіз,Аяз ата !

1жүргізуші :   Амансың ба, Ақшақар!

Аяз ата:          Амансындар ма, балалар!

                        Алыс-алыс таулардан,

                        Орман,тоғай баулардан,

                         Аса-асу белдерден,

                        Өзендерден,көлдерден

                        Алыс сапар жол шегіп,

                       Жамандықпен алысып ,

                      Жақсылықпен жарысып

                      Келіп жеттік сендерге.

Ақшақар:    Алыс –алыс ,алыстан.

                     Көз жетпейтін ғарыштан,

                    Жұлдыздардан самғаған,

                    Армандардан аңсаған ,

                   Мұхиттардан шулаған

                   Дауылдардан тынбаған,

                   Қырдан дара-қиырдан

                  Ақшақар келдіасығып.

1жүргізуші Амансындар ма! балалар

                    Ал,балалар Аяз ата және Ақшақар мен бірге шырша жырын         айтайық.  

2жүргізуші:      Аяз ата , сіз алыс жолдан шаршап келдіңіз енді отырып                      демалыңыз. Біздің сізге арналған жаңа жылдық тартуымызды қабыл алыңыз!

Жаңа жыл әнімен Наргизаны қарсы алыныздар!

1жүргізуші:Ал,балалар,балалар,құлақ қойып тыңдандар.

                     5а сыныпта

                     Жасыл шыршы жанында

                     Жаңа жылды қарсы алып

                     Би билейік, ән салайық-деп

                     Оқушылардың өнерін көрейік .                                                                                                         «Ақшақар»   биі                          

  2жүргізуші:Кешіміз көңілді әнмен,бимен басталыпта кеткен сияқты.Бізбен    бір жыл бойы бірге болып,бірге қуанып,бірге ренжіген,біз үшін болған қой жылына рақмет айтып,шығарып салайық.

1жүргізуші: Ескі жыл,қайдасың?

Ескі жыл:Иә достарым ! меніңде бірнеше сағаттардан кейін тарихтың еншісіне айналатын уақытым де жетті.

2жүргізуші:Қош келдің ,ескі жыл! Сіздің құрметіңізге  ән  айтылып   ,би биленуде.

Жаңа жыл келгенше бізбен бірге болыңыз. «Ән көңілдің - ажары» демекші келесі кезекті әнге береміз.

Әділетін орындауында ән тыңдайық.

1жүргізуші:Ей,құрбылар жақын жақсы адамдар!

                       Жыл келеді! Жыл келеді!Қарандар!

                       (Осы мезетте Мешін келеді.)

2жүргізуші:Қош келдің !

Қуаныш пен шаттыққа кенелейік,

Жадырап ән  шырқап тербелейік

Төрлет,төрлет халқымның құтты жылы,

Бәріміз дөңгелене би  билейік!

(Музыка ойнап, би биленеді)

Ескі жыл:   (кетеді) Бейбіт  күнің жарқырап,

                                    Қоштасамын  бүгін  мен.

                                    Сіздерді қимас көңілмен

                                    Тарихтың еніп қойнына

                                    Айтамын жүрек сөзін мен.

                                    Келер мешін жылында ,

                                    Жақсылық көп болсын ортанда ,

                                     Тыныштық пен бейбіт күн

                                     Болсын деп тілеп әманда,

                                     Қоштасып қол бұлғаймын !

                                     Қош,сау болыңдар!

Хормен: Қош,сау бол ,Ескі жыл!

                Музыка ойнап тұрады.

1жүргізуші: Жаңа жылдық тойда

                      Көрсетейік өнер біз.

                      Таппақ айтсақ

                      Риза болар Жаңа жыл .

  Тақпақ:   Нұрбек ,Ділназ ,Құндыз, Жансерік 

  2жүргізуші: Жаңа жылда алдағы,

                        Көңіл өсіп кеңейсін.

                       Ортақ ойы ,арманы ,

                       Жақсы дәстүр көбейсін.

1жүргізуші:Ал,балалар Аяз ата мен Ақшақар

Сендермен бірге ойын  ойнайды.

2жүргізуші:Сыныптың бишілерін шақырайық,

Қошеметпен,құрметпен  қарсы  алайық

Бишілерімізді ырғалтып би билетіп,

Қол соғып биік шынға самғатайық –деп бишілерді ортаға шақырамыз .

«Санта клаус» биі.

1жүргізуші:Таппақ айтатын балаларды ортаға шақырайық.

2жүргізуші: Ерлерім,ел намысын түйіп белге ,

Келеді қолым жетіп биіктерге.

Тілегі қабыл болып  Елбасының,

Жаңа жыл құт  боп келсін сүйікті елге !

1жүргізуші:Қарсы алыңыздар, алдарынызда сүйкімді қыздарыныз Ақниет.

«Қазақ» биі

2жүргізуші:Ал ендігі кезекті ата-аналарға берейік !

                     Ата –аналармен ойын ойнайық .

1жүргізуші:Өнерді бұлбұлдай сайратамын,

Елімді гүлдей жайнатамын ,-деген бір топ өнерпаздар  өз өнерлерін ұсынбақшы.

1)Ұлдар тобынын орындауында жігіттер квартетінің  « Жаңа жыл» әні.

2)Әділет«Бол жанымда»

3) Кукарелла биі.

Аяз ата :Ал,балалар!Енді, бір-бірден келіп сыйлықтарынды алыңдар .

Аяз ата:Ал,балалар!Енді ,біз  жүретін уақыт та  таяп қалды.Біздерді  басқа Шаһардың елді мекендері күтіп отырған көрінеді.Енді біз Ақшақар екеуміз кетейік.Қош, сау  болыңдар, балалар !

Барлығы:Қош,сау болыңыз Аяз ата , Ақшақар.

1жүргізуші:Құрметті,ата-аналар және оқушылар! Келер 2016 жыл әрқайсыңызға жаңа бақыт ,жаңа жыр әкелсін! Жаңа табыс,жаңа нұр әкелсін!

        Жүргізушілер:Жаңа жылдарыңыз құтты болсын!