Сценарий "“Әниемнең җылы кочагы”

МБДОУ «Детский сад» общеразвивающего вида с приоритетным осуществлением деятельности по познавательно-речевому направлению развития детей №59 «Дружба»

“Әниемнең җылы

кочагы”

Зурлар һәм мәктәпкә әзерлек төркеме өчен сценарий

                                                                                           Составила  муз. руководитель:

Уметбаева Эльмира Амирзяновна.

I кв. категория

Набережные Челны

2015

“Әниемнең җылы кочагы”

Зурлар һәм мәктәпкә әзерлек төркеме өчен

Матур итеп киенгән балалар, әниләре белән залга керәләр.. Зал буйлап түгәрәк ясыйлар.

Алып баручы: Кадерле әниләр, әбиләр, апалар!  Бүген ,балаларыбыз сезне , бәйрәм белән котларга җыелдылар. Бәйрәмебезне вальс белән башлап җибәрик.

Малайлар һәм кызлар әниләрен вальска чакыралар.

ВАЛЬС.

Әниләр һәм әбиләр урыннарына утыралар, балалар ярымтүгәрәк ясап басалар.

1 бала: Нигә бүген бөтен җирдә

         Чәчәкләр балкый бездә.

         Нигә кояш көлеп карый

         Беләбез һәммәбез дә.

2 бала: Килеп җитте 8 Март,

         Әниләр бу сезненң көнегез.

         Сез үстергән балалардан бүген

         Кайнар котлау кабул итегез.

3 бала: Безне назлап үстергәнгә,

         Әниләр рәхмәт сезгә.

         Һәрвакыт эшчән булганга,

         Әниләр рәхмәт сезгә.

         Һәрвакыт тырыш булганга

         Әниләр рәхмәт сезгә.

4 бала: Җырым бүләк итәм әнием сиңа,

         Онытылмас гомер-гомергә.

         Бу җырымны сиңа багышладым

         Җырлыйм аны сиңа бүген дә.

Әниләр турында ҖЫР.

(Җыр бетүгә, мотор тавыша ишетелә)

Алып баручы: Ай, балалр, нәрсә бу? Кемдер безнең бәйрәмгә ашыга ахрысы.

(Велосипедын этеп Кәрлә килеп керә, кабызмакчы була, кабынмый)

Алып баручы: Нәрсә булды? Балалр бу Кәрлә икән бит.. Ул мәктәп баласы. Нишләп йөрисең монда? Балалар әйтегез әле, велосипедны кабызып буламы?

Балалар: Юк. Аның бит моторы юк.

Кәрлә: Ничек инде юк? Менә бит др-р-р-р...

Алып баручы: ярый инде сезнеңчә булсын. Исәнме Кәрлә!

Кәрлә: Исәнмесез балакайлар, шаянкайлар, малайлар һәм кызыкайлар.

Алып баручы: Исәнме. Исәнме, Кәрлә! Бик күптән инде бездә күренмәдең. Кунакка да килмисең.

Кәрлә: беләсезме, бер дә вакытым юк бит. Эшем күп шундый. Мин бит инде – Кәрлә мәктәп баласы. Ничә ел инде беренче класста утырып кара әле син. Күпме балалар белән таныштым. Миңа мәктәптә тәмле ашатулары гына ошый.

Алып баручы: Әй. Син, Кәрлә. Тик эшкә өйрәнә алмыйсың, һаман шундый тәмле тамак икәнсең. Ә без балалар белән, синең килүеңә бик шат.

Кәрлә: Мин дә бик шат. Сез дә, мин дә шат. Әйдәгез алайса, бергә утырым мультфильм карыйк.

Алып баручы: Тукта әле, нинди карау ди. Бүген бездә бәйрәм бит.

Кәрлә: нинди бәйрәм?

Алып баручы: Сигезенче март – Әниләр бәйрәме.

Кәрлә: Тагын да әйбәтрәк, димәк барыбыз бергә, әниләр белән дә, әбиләр белән дә бергә мультфильм карыйбыз.

Алып баручы: Тукта әле Кәрлә. Күрәсеңме күпме кунак килгән, безнең бәйрәм программабыз да әзер түгел әле.

Кәрлә: Ә сез беләсезме соң, кыенлыклардан тиз чыгу юлын кем таба?

Алып баручы: Бу бәлки синдер Кәрлә?

Кәрлә: Юк ла. Ничә ел инде беренче класста укып карагыз. Башың эшләр җиреннән эшләмәс. Бу Убырлы Дибаевна.

Алып баручы: Убырлы? Йә, ярар мактама әле Убырлыны, ул явыз эшләр генә эшли белә. Кәрлә: Сез нәрмә инде, аннан да акыллы зат юктыр, хәзер шалтыратам.

(Кәрлә, Убырлы Дибаевнага шалтырата)

Кәрлә: Алло, алло! Исәнмесез!. Миңа Убырлы Дибаевна кирәк иде, чакыра алмассыз микән?

Убырлы: (яздырылган тавыш) . Әйе-әйе, тыңлыйм сезне.

Кәрлә: Ә-ә-ә-әй , сәлам убырлы.

Убырлы: Син мени әле бу Кәрлә.

Кәрлә: мин инде, мин. Мин балалар бакчасында.

Убырлы: Бер дә аптырамыйм, беренче класстан икенче класска күчә алмагач, балалар бакчасына бармыйча булдыра алмассың.

Кәрлә: Миңа синең ярдәмең кирәк. Балаларга бик кызык итеп бәйрәм программасы ясарга иде.

Убырлы: Ярар балалар теләгәчч, хәзер килеп җитәрмен.

(мотор тавышы. Убырлы керә)

Убырлы: Исәнмесез, балалар. Мин Убырлы Дибаевна булам. (баш иеп исәнләшә)

Кәрлә: Балалар һич тә телевизор карарга теләмиләр.Бәйрәм ял итеп үтәргә тиеш инде.

(Убырлы арлы-бирле йөри.)

Убырлы: Мин сезгә балар, барыбер телевизор карарга тәкъдим итәр идем.Ләкин ул безнең тылсымлы булачак. Барлык тапшырулар да сез катнаша аласыз. Ә мин инде, соң мин – алып баручы... йә ничек?

Алып баручы: Ярый алайса без риза, шулай бит балалар? Димәк башлыйбыз?

Кәрлә: Ә мин сезне үземнең “Самсунг” телевизорыннан карап торырмын.

(Йөгереп чыгып китә)

Убырлы: Минем гримны әйбәтләгез әле.. Йөзләрем ничек, киемем?  (кызлар матурлый)

 Убырлы: Исәнмесез, кадерле телевизор караучылар! Бүгенге бәйрәм көнендә 59 нчы балалар бакчасының 11 нче төркем каналы сезгә 8 март бәйрәменә багышланган тапшыру тәкъдим итә. Туры элемтәне кушабыз.

1 бала: Аяклар тими идәнгә

         Дәртләнеп биегәндә.

         Йөрәкләр җырлый берләшеп

         Парлашып биик әйдә.

(Балалар башкаруында “Татар биюе”)

Убырлы: Үзебезнең тапшыруларыбызны дәвам итәбез. Безнең телевидениебезгә би-и-ик күп смс – хәбәрләр килә. Әәәә менә монысы  Хат тапшыручы Печкиннан икән, посылка китерәм, көтегез дигән.

( музыка тавышы ишетелә)

Печкин: Дөрес килдемме? Миңа балалар бакчасы кирәк иде. Язгы бәйрәм монда утәме?

Убырлы: Әйе Печкин, син дөрес килгәнсең.

Печкин: Беренче хатым – балалар 59 нчы балалар бакчасыннан. Алар үзләренең әниләрен шушы бәйрәм белән котларга телиләр. Ә үзләренең теләкләрен алар җыр аша җиткерәләр.

 Убырлы: Бүләккә җыр тапшыруы аша, балалар җылы тнләкләрен җиткерә.

( ҖЫР)

Кәрлә: Икенче хатны ачыйк, җитмәсә әле тартмасы да бар.. Беләм, беләм, монысы миңа.Монда  кәнфитләрдер инде.

Печкин: Юк Кәрлә, бу хатлы тартма Яз кызыннан.. ләкин тартманы мин сезгә болай гына бирмим.

Убырлы: Яхшы алайса, балалар үзегезнең уңганлыгыгызны күрсәтегез әле.

1 бала: Яз килә, яз килә

         Елмая, көлә кояш.

         Илебез буйлап атлый

         Чәчәкле ай, матур яз.

2бала:  Тамчы бии тып та тып,

         Тамчылар сикерәләр.

         Аларны булмый туктатып

         Алар Яз китерәләр.

3 бала: Аксакал кыш инде озак тормас

         Вакыт уза, китә ул бездән.

         Шаулап – гөрләп капчыклары белән

         Кояшлы яз килер яңадан.

(ҖЫР)

Убырлы: Балалар синең биремне үтәде Печкин.

Печкин: Әйе, бик матур сөйләделәр. Тартма сезнеке.

(тартманы эзли)

Печкин: Кая соң әле ул тартма. Мин аны сезә тапшырам дип сумкама тыктым. Нишләргә инде хәзер. Яз кызының биләмәләренә кире кайтам инде. Бәлки шунда табармын.

Убырлы: Техник җитешмәүчәнлекләр аркасында программабыз авырлыклар кичерә. Ләкин без моңсуланмыйбыз, Яз кызын – үзен бирегә чакырыйк.

Балалар: Яз кызы! Яз кызы!

(матур көй астына Яз кызы керә)

Яз кызы: Исәнмесез балалар! Минем якын дускайларым. Мин Яз кызы. Мин урман, кырларны, басуларны, кышкы йокыдан уятам. Ә сезгә җылы көннәр алып килдем.

Алып баручы: Исәнме Яз кызы!.

Рәхим ит, түрдән уз!

1 бала: Әй, Яз матур, Яз- матур!

         Хуш киләсең, үз бире.

         Кунак булып килер дип,

         Күптән көттек без сине.

2 бала: Әй, Яз-матур, Яз-матур!

Хуш киләсең үз бире.

Шатланышып җыр белән

         Каршылыйбыз без сине.

( ЯЗ ТУРЫНДА ҖЫР, рус телендә)

3 бала: Асыл кошлар ояда

         Оялары пыяла.

         Уйнамыйча, шаярмыйча,

         Кем яшәгән дөньяда.

Яз кызы: Дөрес, балалар. Әйдәгез әле бер уйнап алыйк.

Татар халык уены “Түбәтәй.

Залга ачулана, ачулана Әби керә.

Әби: Бу нинди хәл бу. Яңа өйләрне җыештырып чыктым гына бит әле. Бу кем индек тагын. Чык әле ул тартмадан тизрәк.

Убырлы: Ярар, ярар, хәзер чыгам. Югыйсә безнең телевизорны бөтенләй эштән чыгара.

Әби: Чык дим, чык. Бөтен җирдәге тузаннарны сөртеп чыктым. Син каян килеп чыктың? Кибеткә күптән кергәнең юк мы әллә, кара инде өс-башыңны. (киемен карый)

Убырлы: Нәрсә булган киемемә? Бик матур. Ә сезгә тынычланырга киңәш итәр идем. Шундый уңган, шундый булган хатын-кыз мондый көндә ачуланып йөрергә тиеш түгел инде.

Әби: Нинди көн?

Убырлы: Балалар, әбекәйгә әйтегез әле.

Балалар: 8 Март- хатын-кызлар бәйрәме.

Әби: Эх, яшь чаклар, кесә тулы борчаклар. Идәннәргә баса-баса биесе килгән чаклар.

(Татар көенә Әби белән Убырлы бииләр)

Әби: Рәхәтләнеп тә биедем инде. Утырып торыйм әле.

Убырлы: Әбекәй, син беләсеңме, балалар үзләренең әниләрен ничек яратканны. Менә карап утыр.

(уен “Үз балаңны тап)

Убырлы: Әниләрен генә түгел, әбиләрен дә ничек яраталар алар.

1 бала: Минем әбием бик әйбәт

         Гел көлеп кенә тора.

         Балакаем диеп әйтеп

         Сөеп иркәләп тора.

2 бала: Зәңгәр күгемдә ал кояш

         Сүнмәсен, балкып янсын.

         Әбиләрнең нурлы йөзе

         Гел көләч булып калсын.

3 бала: Ак яулыклы, көләч йөзле,

         Шат күңелле, әйбәт тә.

         Кем ул диеп сорыйсызмы?

Дәү әнием әлбәттә.

 (Әби турында җыр)

Яз: Балалр, сез шундый уңганнар. Бәйрәмегез шундый матур булды. Әниләргезне, әбиләрегезне бигрәк матур котладыгыз. Тик менә Печкин гына минем сезгә дип әзерләгән  бүләгемне югалткан. Ә анда сезнең күчтәнәчләр иде.

Әби: Кайгырма, кызым! Минем сандыгым төбендә балаларга дип саклап тоткан күчтәнәчләрем бар.

Сандыкны ачып әби белә Яз-кызы күчтәнәчләр тарата.

Алып баручы: Рәхмәт, әбекәй. Рәхмәт, Яз кызы. Ттагын бер барыгызны да бәйрәм белән котлыйбыз.

Әби белән Яз кызы һәм Убырлы рәхмәт әйтеп чыгып китәләр.

Балалар зал тирәли әйләнеп, музыка астына төркемгә чыгалар.