Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Классному руководителю / Другие методич. материалы / Сценарий новогоднего утренника для учащихся 1-4классов

Сценарий новогоднего утренника для учащихся 1-4классов

  • Классному руководителю

Поделитесь материалом с коллегами:










Шин җилин нәр
















Кɵтчнрә район

Тугтна дундын школ.



Шин җилин нәр.


Наадна орлцачнр:

Шуурһн - Метелица

Үкл уга дәәч –Кощей бессмертный

Цасн Аав- Дед Мороз

Улан махлата күүкн – Красная шапочка

Ясн көлтә эмгн –Баба-Яга

Цасн күүкн -Снегурочка

Улан өрчтл - Снегирь

Цасна умшмуд -Снежинки

Шуурһн: Шин җил өөрдҗ йовна.

Сансн санантн күцҗ,

Ирҗәх җил өлзәтә болтха!


Цуһар мадн инәлдәд, шууглдад, ирәд

Эн сәәхн һацуран үзүвидн.

Өндр,сәәхн, көк, нәрхн

Олн һалар мандлна.

Эн сәәхн биший? Маднд һацур таасгдна!

Һацурин тускар ду цугтан дуулхмн.


Дун «һацур»


Шуурһн: Хәләтн, мана дун һацурт таасгдв., олн-зүсн һалан шатавв.

Күүкд ода һацуртан ханлтан өргхмн.

Күүкд: Ханҗанав!

Догшн айс соңсгдна

/Генткн харңһу болна Үкл уга дәәч «нисч» ирнә./

Үкл уга дәәч: - Кен мини амрлһна цагм эвдв?

Чи! Аль чи!(күүкдүр заана)

Шуурһн: Та эндүрҗәнәт. Мадн күүнд харш болхар седсн угавидн.

Энд күүкдин нәр болҗана, тиигәд эдн байрлад шууглдҗана.

Үкл уга дәәч: Уга, би тас эндүрдгов.

Тадн зөрц нааран ирүвт, намаг босхкар.

Тегәд би тана нәәритн үрәхүв.

Ода йовад сидтә модан авнав.

/Үкл уга дәәч йовҗ одна/

Шуурһн: Күүкд, ю кехмн?

Эн Үкл уга дәәч мана нәр үрәх.

(Күүкд ю кехинь шииднә)

Шуурһн (байртаһар)

Би медүв! Би медүв!

Терүг киитрүлх кергтә!

Шуурһн болн цасна умшмуд ю болвчн киитрүлҗ чадх.

Эргүләд авчкад цаста бүчрәр киитрүлхмн.

Айс ( эргәд биилнә)

Үкл уга дәәч: Ух, киитн болв, даарчанав

Болв намаг көргәҗ чадшгот!

Биүкл угав!

Таднд ода амрл уга!

Цаста киитн салькн үлә!

Цуг һазр көрг!

Хар шулмс бостн!

Цуг тадниг би дуудҗанав!

Тадн киитн цасна умшс

Көртн, мөсн болад!

Сидтә нөөрт оньдин унтн!

(Үкл уга дәәг цасна умшмудиг тәрнднә .)

Шуурһн: (һундлтаһар). - Хама мана цасна умшмуд?

Күүкд, хәләтн, Эн цасн умшмуд

О, хәәрхн ямаран зовлң!

Кен маднд ода нөкд болхм?

Күүкд: Цасн Аав!

Шуурһн: Чик, күүкд, маднд Цасн Аав нөкд болх. Дуудцхай!

- (Күүкд Цасн Аавиг дуудна)

Цасн Аав:

Ауау! Кен намаг дуудв?

Би аашнав таднд нөкд болнав.

(Цасн Аав орҗ ирв).

Шуурһн: (һундлтаһар) -Цасн Аав, мендвт!

Цасн Аав: -Мендвт, күүкд! Юн болҗ одв?

Шуурһн: Цасн Аав хәлә, Үкл уга дәәч ю кечкснь?

Цасн аав (цасн умшмуд авад келнǝ):

Нанд медгдв тана зовлң. Би таднд нөкд болнав.

Эн цасна умшмуд һацур дор тәвәд, сидтә үгмүд келхлә,

эдн цугтан әмдрх!

Оньган өгч хәләтн!

Термнь тәәлнәв, нег альхан ташад, хойр ташад.

Цуг цасна умшмуд шулуһар әмдртн.

Ирсн гиичнриг байрлултн!

Айс соңсгдна ( эргәд биилнә) ( шуурһн болн цасн күүкд би биилнә)

Шуурһн: Цасн Аав ханҗанавидн!

Цасн умшмуд әмдрв.

Цуг тадниг нәр кехәр дуудҗанавидн.

Шин җилән тосхмн!

Цасн Аав: Күүкд тадн цугтан биилҗ чаддувт?

Ода бииһин марһа давулхмн.

Хальмг бииһин айсмуд наадна

Шуурһн: Цасн Аав йир сәәнәр биилдг бәәҗ

Зуг муурад бәәҗ,невчк сууһад амртн.

Цасн Аав: Чик бийтн көгшн күмб, муурад бәәвүв.(сууна)

Күүкд,кен ач- күүкм үзв? Ма хойр ө - шуһу модар йовҗ йовлавидн ,би таднд нөкд болхар адһлав. Ачкүүкм болхла үлдлә.

Шуурһн: Цасн Аав невчк күләхмн болвзго. Мана һацур одачн гилвкәд бәәнә. Ачкүүкнтн мадн тал хаалһ олҗ авх гиҗ медҗәнәв. Тегәд иртлнь мана бичкдүд танд меддг шүлгүдән умшҗ өкәр бәәнә.

Цасн Аав: Йир сән! Цуһар соңсхмн. (Күүкд шүлгүд умшна.)

Цасн Аав: Яһсн сән күүкдвт цуһар йир сәәнәр шүлгүд умшвт. Зуг би әәһәд бәәнәв мини ачкүүкм мана нәәрүр ирәд угалмн.

Шуурһн :Тиим, тиим, угалм, ода бийнь.

Цасн Аав: Хәәхм билә мини ач-күүкиг.Энд мадн цуһар күләҗәнәлм.

- Кен йовад хәәх? Кен әәлго хәәх?

Улан махлата күүкн: - Би йовнав.

Цасн Аав : Чи шулмудас әәшгоч?

Улан махлата күүкн: -Уга,биитн йир зөргтә күүкмб!

Цасн Аав: Хәләтн,ямаран зөргтә! Би чамд бичә төөртхә гиһәд

сидтә долда өгнәв.Альдаран чамд тер үзг өгнә,тиигәрнь йов.

Улан махлата күүкн: Ханҗанав, мини Цасн Аав

Тана келсәр йовнав. Сән бәәтн.

Цасн Аав: Күүкд ода цуһар дууһан баһрулад, хәләхмн, юн цааранднь болдч, суутн, хәләтн.

Үкл уга дәәч болн Ясн көлтә эмгн орҗ ирнә.) (Догшн айс соңсгдна)

Шуурһн: Харңһу ө - шуһуд.

Хар керә болн һурвлһн

Бәәдг һазрт

Чончн тиигәрән ордго.

Кеер, герин өмн

Ясн көлтә болн Үкл уга дәәч яһҗ

Шин җилән тосхар шиидҗ бәәнә.

Үкл уга дәәч: Кедү җил ө - шуһу моднд бәәнәвидн

Кү тас үзхшүвидн.

Туула чигн

Цасн күүк чигн.

Байрин өдр болвчн.

Дангин хоюрн бәәнәвидн.

Ясн көлтә эмгн: Дуулх, наадх, биилх

Күн чигн уга.

Тиигәд мадн көкшрхвидн.

Шин җиллә хәрү

Гиичнр угаһар үлдхүвидн.

Чи Үкл уга дәәч ухал.

Иигҗ бәәҗ болшго.

Чи ма хойр юунд тусал күргхвидн.

Үкл уга дәәч: Үүнә тускар би

Өдр болһн саннав.

Энд би хара бәәхшв.

Хәлә, мини кесн юмиг.

Эн үүднд би хоңх өлгв.

Энтн сидтә.

Кен үүднд һаран күргхлә,

Сәхн зүүд зүүдлх.

Серхләрн маднла

Шин җилән тосх.

(Сар нарар сольгдыч, сансн санан күцгд).

(Сидтә айс соңсгдна. Үкл уга дәәч йовҗ одна.)

(Ясн көлтә эмгн тәрнднә.)

Цасн күүкнә төлә

Цасн, мөснә дунд

Цецгүд цуһар әмдрәд,

Нааран авч иртхә.

/Эмгн йовҗ одна. Цасн күүкн Һарч ирәд үүднә хоорнд зогсна/

Цасн күүкн:Бичкнәсн авн би ө-шуһу мод һәәхх сана зүүһә йовлав.

Хәләтн! Цецгүд!

Ямаран өврмҗ!Цасн заагт,мөсн заагт

Яһҗ эдн урһдмн?

(Цасн күүкн хоңхд һаран күргнә)

Күүкд, би ут хаалһд йова йовҗ икәр муурв.

Чидлм чилҗәнә, нөөрм күрчәнә.

( Цасн күүкн сууһад, амрад, унтад одна. Ясн көлтә эмгн ирнә.)

Ясн көлтә эмгн: Мини кергм күцв.

Цасн күүкн меклгдв!

Үкл уга дәәчин ухалвр

басл гем уга болв.

Улан махлата күүкнд

энд альм тәвнәв.

Иигәд нанд чи бәргдхч!

(Ясн көлтә эмгн һацур эргәд гүүҗ одна.Улан махлата күүкн һарад,альм үзнә.)

Улан махлата күүкн: Я-Я!Юн болҗахмб?Кедү дәкҗ ө-шуһу модн заагур йовлав. Иим юм үзәд угав.Үвлин найнд, цасн деер альмн кевтнә! Дәкәд бәәхий!

(Улан махлата күүкн хоңхд һар күрнә)

Күүкд,би ут хаалһд йова йовҗ икәр муурв,чидлм чилҗәнә, нөөрм күрчәнә.

( Улан махлата күүкн сууһад, унтҗ одна.)

( Ясн көлтә болн Үкл уга дәәч һарч ирнә.)

Үкл уга дәәч: Йир сәнч,Ясн көлтә эмгн! Эн Цасн күүкиг, Улан махлатиг мектәһәр орулҗ аввч. Ода Шин җилән эднтә тосхудн!

Ясн көлтә эмгн: Нә, Үкл уга дәәч, йовий, шин җил тосх белдвр кей!

(Ясн көлтә дәәч болн Үкл уга дәәч йовж одна. Улан өрчтл нисч ирнә.)

Улан өрчлт: Чик! Чик! Сертн! Бостн! Бичә эднд авлгттн.

Чик! Чик! Шулун бостн! Шин җил өөрдҗ йовна.

Бостн! Тадниг күүкд күләҗәнә!Ода би яахмн?

Яһж эдниг серүлхмб?

Медҗәнәв!Медҗәнәв!Биитн бас ухатав.

Цасн Аавиг дууднав.Үүлд харһсн иньгүдтән нөкд болтха гинәв.

(Цасн Аавур нисч ирнә.)

Цасн Аав !Шулуд!Цасн күүкнд , Улан махлата күүкнд нөкд бол!

Цасн Аав: Күүкд,тадн невчк күләҗәтн, мадн удл уга ирхвидн.

Би медҗәнәв, яһҗ эднд нөкд болхан.

(Айс соңсгдна)

Цасн Аав: (Үүднә хоорнд зогсна)

Долан дууна ишкдләр танур ирх болв

Тана нәәрт үүрмүдтәһән дутшкоһар адһҗ ирүвидн

Тана нуувчитн меднәв нәәһинь олҗ чадхув.

Тәрнән эклҗ бәәнәв нааран йов:

(Цасн Аав сидтә модарн хоңх цокна)

Эй!Үкл уга дәәч,арвасн- сарвасн эмгн.

Нааран һарад үзгдтн!Хаалһтн дегәд ахр

Му санантн тана үлдл уга әрлх.

(Байрта Үкл уга дәәч болн Ясн көлтә эмгн һарч ирнә. Цасн күүкн,

Улан махлата күүкн сернә.)

Улан өрчтл: Ямаран ик өврмҗ!

Эдн цуһар баахн болҗ оддмб!

Цасн Аав:Цасн Аавтаһан бәрлдәд.

Сәәхн зүүдәр сертн.

Нарн, сард эргҗ

Цуг ухалсн күцтхә.

Мадн ирүвидн, тостн, бичә әәтн.Эдн цуһар цаһан седклтәһәр ирв. Күүкд, эн Үкл уга дәәч болн Ясн көлтә эмгн хойрт маднла Шин җил тосҗ болхий?

Шуурһн: Эн хойр ө- шуһу моднд һаңцардна.

Маднла нәәрән кег!

Зуг бичә тәрндхә!

Цасн Аав: Ода күүкд зогстн. Һацуран эргәд,дууһан дуулхмн.

-Йир сән! Ода Эврәннь билгән үзүлтн.

( күүкд герин даалhвран үзүлнә)

Цасн Аав: Ийр сәәнәр тадн маднд эврәннь билгән үзлвт, ханҗанавидн.

Ода би Цасн күүкнтә шин җилин лотерей давулнав.

(Лотерей давулhн)

Цасн Аав: Зуг мадниг талдан күүкд бас күләҗәнә.

Үкл уга дәәч Ханҗанавидн, күүкд, көвүд! Ма хойр бас талдан һазрур ниснәвидн. Тана нәәртн ийр сән болв. Сән бәәтн!

(Үкл уга дәәч болн Ясн көлтә эмгн нисч одна.)

Цасн күүкн: Цасн Аав,яһҗ та хәрхәр седҗәнәт , күүкдт белгүд өгсн угат.

Цасн Аав (толһаһан бәрәд)

Пө-ө,пө-ө, белгүдән яһҗ би мартв. Хама мини сидтә долда?

( Улан махлата күүкн долда өгнә.)

Цасн Аав: Би сидтә долда хайнав.Тер белгүд олад, күүкдт авч ирх.

Тана билгитн хәләвидн,Ач күүктәһән ашлвринь кеҗәнәвидн.

Нә, мана энкр нәәжнр.Ода мадн йовнавидн. Сән бәәтн!

Менд байрта харhцхай!




Автор
Дата добавления 22.09.2015
Раздел Классному руководителю
Подраздел Другие методич. материалы
Просмотров147
Номер материала ДВ-003900
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх