Сценарий по русскому языку на тему "Тамақтану"

«Аққайың» ясли ба

«Аққайың» ясли бақшасы

Тақырыбы: Тамақтану

(ашық сабақ)

Тәрбиеші: Ахметова А.М.

Мақсаты:  «Тамақтану» түсінігінің маңызын ашу. Бала денсаулығын нығайтудағы

дәрумендердің рөлін көрсету. Ойын ойнату арқылы, ойлау қабілетін дамыту.  Ас қорыту  ағзаларымен таныстыру.

Оқу іс –әрекетінің барысы:

Шаттық шеңбері.

Қуан, шаттан! Алақай!

Қуанатын келді күн.

Қайырлы таң! Қайырлы таң!

Күліп шықты бүгінде күн.

Тәрбиеші: Адам ағзасы белгілі бір уақытта ас қабылдап үйренгендіктен, күнделікті сол уақытта асқазанда ас қорытатын арнайы сөл бөлініп шығады. Бұл сөл асқазан сөлі деп аталады. Асқазан сөлінің жоғалып кетпеуі үшін күнделікті уақытында дұрыс және жүйелі тамақтану керек.

Тәрбиеші текшені алады. Адам ірімшікті жеп, одан ағзасына қажетті барлық затты алады. Тәрбиеші текшіені үстелдің үстіне қояды. Алманы да жеді – тағы өзіне қажет затты алды, екінші текшені қойып, үй пайда болғанша жасайды.

Егер адам бір  - ақ түрлі тағаммен тамақтанса, әлсіз әрі жиі ауырғыш болады. Балалар дені сау болып өсу үшін әртүрлі толық құрамды тағаммен тамақтануы керек. Мұндай тағамдардан баланың жас ағзасы күш – қуат алады.

-         Тағам құрамында әртүрлі пайдалы заттар, дәрумендер болу қажет. Дәруменсіз адам ауырғыш болады.

Жеміс – жидектер мен көкөністерді қажетінше көп жеу керек. Олар пайдалы заттарға өте бай.Сүт тағамдарында, етте кездесетін кальций мен фосфор адам ағзасының негізгі құрамы.

Дәрігер кеңестерін естеріне түсіру.

-         Тамақтың алдында қолыңды жу.

-         Жеміс – жидекті жуып же.

-         Тамақтану тәртібін сақта.

-         Тамақты әбден шайна.

Ойын- тәжірибе.  

Табақта кесілген алма, ірімшік, құрт, кәмпит тұрады. Балалардың көзін кезекпен байлап, ауыздарына кез келген бөлікті салады. Бала дәміне қарай қандай тамақ екенін ажыратады.

Ойын: «Дәрігер»

Шарты: Балалардан дәрігер тағайындалады. Ал қалған балалар кезекпен емделуші ретінде дәрігерге қаралады.

Ойын: «Жемістер мен көкөністерді тап»

Дәптермен жұмыс орындалады.

«Саяхатшы нан» өлеңі оқылады.

Май жағылған тәтті нан

Шықты бір күн сапарға.

Ең алдымен тап болды

«Ауыз» деген апанға.

Онда азған бөгелді,

Дейсіңдер ғой не көрді?

Ауыздың ішін аралап,

Одан әрі жөнелді.

Өзгеріп кетті түрі енді.

Бөгет емес бұл енді.

Жылжып еді ары қарай,

Жұтқыншақ тауға тірелді.

Қарай қойшы батылын,

Одан да өтті ақыры.

Кірді өңеш – үңгірге

Қатпар – қатпар сатылы.

Тырысқан наның тап болды

«Асқазан» атты орманға.

Кездесті ішек –лабиринт

Иір – иір ғажап –ақ.

Қарасаң суретке

Бәрін де анық көресің.

«Саяхатшы нанның» сапарын

Қайсысың айтып бересің?                Ә.Құрманғалиева

Ас қорыту ағзалары:
-Ауыз

-Жұтқыншақ

-Өңеш

-Асқазан

-Ішек.

Қорытынды.

Ас қорыту жүйесінің негізгі шарты – дұрыс, уақытымен тамақтану.

Тамақтанар алдында қолды жуу.

Тамақтанып болғаннан кейін алғыс айту керек.

Ойын: «Жақсы - жаман».

-Кәмпит тәтті, бірақ оны көп жеу пайдалы ма?

Ойын барысында әртүрлі сөздерді ұсынуға болады: жаңғақ, бал, сағыз, балмұздақ, т.с.с.    Балаларды мадақтау.