Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Конспекты / Сценарий праздника посвященный дню матери на крымскотатарском языке ( 3 класс)
ВНИМАНИЮ ВСЕХ УЧИТЕЛЕЙ: согласно Федеральному закону № 313-ФЗ все педагоги должны пройти обучение навыкам оказания первой помощи.

Дистанционный курс "Оказание первой помощи детям и взрослым" от проекта "Инфоурок" даёт Вам возможность привести свои знания в соответствие с требованиями закона и получить удостоверение о повышении квалификации установленного образца (180 часов). Начало обучения новой группы: 24 мая.

Подать заявку на курс
  • Начальные классы

Сценарий праздника посвященный дню матери на крымскотатарском языке ( 3 класс)

библиотека
материалов

Ана ве биталаргъа багъышлангъан тедбир

Балалар залгъа кирелери(Йыр «Ана» Зоре Кадыева)

1 бала:Бир кичкене балачыкътым,

Бир шей бильмез, анъламаздым.

Эль-аякъта екътур кучюм

Юрип олмаз, атламаздым.

2 бала : Хасталансам, бенъзим солса

Бир ерчигим агъырса да,

Агъызымда екътур тилим

Дертчиклерим айтамаздым.

3бала: Сенсин меним, тувгъан анам,

Шу вакътымда къорчалагъан.

Баш уджумда саба- акъшам

Геджелери юкъламагъан.

4 бала: Анам, анам, джаным анам,

Сени джандан севип саям.

Лякин юректеки севгимни

Ич де санъа бильдирамам.

Алып барыджы:

Мераба бизим урьметли ве севимли аналарымыз, къартаналарымыз!

Мераба , мухтерем мусафирлер!

Бугунь сизлерге байрам концертини багъышлаймыз ве байрам къавесине давет этеджекмиз!

Назифе: Хош кельдинъиз, къартаналар!

Хош кельдинъиз, аналар !

Хош кельдинъиз, мусафирлер!

Бу байрамгъа кельгенлер!

Рефат: Ана ичюн темиз къаве фильджанда

Софраларны яраштыра бахшышлар

Бир умютнен, бир ниетнен , бир джандан

Аналарчюн янгъырайлар алгъышлар.

Алып барыджы: сизинъ дикъкъатынызгъа оюн «Джезвелер» Асиенинъ иджрасында.

Алып барыджы: Ер юзюнде энъ татлы сез - ана сезю. Бу сез дюньяда эр бир халкъынынъ тилинде буюк сайгъынен айтыла.

(Танец с шариками)

Алып барыджы: Лякин аналарымызнынъ да аналары бар. Бу бизим урьметли къартаналарымыздыр. Шимди исе « Торун ве къартана» оюны.

( Песня «Анам»Сервер Какура )

Нияра: Къартанамны мен пек севем

Къартанам да мени шай

Анам дейки : «Меним къызым»

Къартанасына ошай.

Али: Къартанам пек мераметли,

Пек мулляйим бир къадын

Осип буюп къартанамдай

Олмакъ меним мурадым.

Алып барыджы: Энди исе балалар къартаналарымызгъа ве аналарымызгъа бир оюн багъышлайыкъ.

(Хайтарма Селина)

Алып барыджы: Бизим балалар эм ана , эм къартана олмагъа билелер.Инанмасанъыз бакъынъыз.

(Учь ана - саналаштырма)

Икяе этиджи: Эльмазчыкъ ашыкъып мектептен кельди

Къокълачыгъыны алып , о бойле деди:

Эльмаз: Кель къызым, кель ,балам,

Ишлеринъ насыл?

Сен кене бутюн кунь

Бир озюнъ къалгъансынъ

Кунь бою ашамай

Ач отургъансынъ

Ашамай, пек азып,

Чеп киби къалгъансынъ

Отур, аша, кобелек,

Мынъа , санъа чиберек

Балаларны бакъмагъа

Пек чокъ сабырлар керек.

Икяе этиджи: Эльмазчыкънынъ анасы иштен кельди.

Къызыны сораштырып, о бойле деди:

Ана: Вай къызым , вай балам,ишлеринъ насыл?

Кунь бою ойнап, ашынъ унуткъансынъ.

Къартананъ юз кере чагъыргъан ашкъа.

Сен исе « шимди» деп,ойнадынъ тышта.

Оюнгъа сен джошып, ашсыз къалгъансынъ.

Ашамай пек азып , чеп киби къалгъансын.

Отур, аша кобелек, мынъа санъа чиберек.

Балаларны бакъмагъа пек чокъ сабырлар керек.

(Ана къызыны ашаттыра)

Икяе этиджи: Шу арада къартана базардан кельди.

Анасынынъ анасы анагъа деди:

Къартана: Вай къызым, вай балам, ишлеринъ насыл?

Кунь бою чалышып, ашынъ унуткъансынъ.

Сен энди эким олып, хасталарны бакъасынъ,

Озюнъ къапынмагъа бир дакъкъачыкъ тапмагъансынъ.

Ишине сен джошып , ашсыз къалгъансынъ.

Ашамай, пек азып, чеп киби къалгъансынъ.

Отур, аша , кобелек, мынъа санъа чиберек.

Балаларны бакъмагъа

Пек чокъ сабырлар керек.

(Къызыны ашаттыра).

Икяе этиджи: Ашханеде учь ана къызларыны бакъалар.

Ашханеде учь ана бир- бирине айталар:

Эписи бирагъыздан:

Буюк сабырлар керек эрке бала бакъмагъа

Бизге ич де къолай дегиль сизге ана олмагъа.

Икяе этиджи : Бизим балалар эрке дегиллер.Ишкир балаларымыз пек чокълар. Мына бакъынъ, бу къызлар ве огъланлар аналарына насыл ярдым этелер.

Сизинъ дикъкъатынъызгъа конкурс «Анама ярдым этем»

(Балалар эки группагъа болюнелер : огъланлар ве къызчыкълар. Сипирткененъ топны конускъаджас алып бара ве ерине къайта).

Алып барыджы: Бизим аналарымыз да артта къалмайлар.Олар насыл чебер олгъаныны костереджеклер.( Оюн сипирткененъ).

Алып барыджы: Бизим къызларымыз ярдым эткениненъ гъайры, эм де ойнамагъа билелер.Сизнинъ дикъкъатынызгъа къызларнынъ иджрасында оюн «Къызлар».

Алып барыджы: Энди исе аналарымызгъа конкурс кечирейик. Къапалы козьлериненъ озь баласынъы тападжакъ.

Алып барыджы: Машалла аналаргъа! Энди исе , Огъланларымыз бизим севимли аналаргъа , къартаналаргъа музыкалы селям еллайлар.

Алып барыджы : Машалла оюнджыларгъа! Бунынънен бизим тедбиримиз сонъуна кельди.

Къартаналаргъа, аналаргъа , кельген мусафирлерге сагълыкъ , селяметлик , узакъ омюрлер тиллейик. Юзюнъиз эр даим кульсинъ, эвде эр вакъыт шенълик толсун.

Назифе: Келинъиз , анна-бабаларымызны сайып – севейик, урьмет этейик, ич бир вакъыт сез айтып , оларнынъ джанларыны агъыртмайыкъ. Эр куньлерини къувандырып, байрам этейик.

( Йыр «Анам» Сервер Какура ) . Балалар аналарнынъ ве къартаналарнынъ эллерини опип бахшышларыны берелер.

Къавеге буйурынъыз!(эписи)







Автор
Дата добавления 22.04.2016
Раздел Начальные классы
Подраздел Конспекты
Просмотров94
Номер материала ДБ-048973
Получить свидетельство о публикации

Выберите специальность, которую Вы хотите получить:

Обучение проходит дистанционно на сайте проекта "Инфоурок".
По итогам обучения слушателям выдаются печатные дипломы установленного образца.

ПЕРЕЙТИ В КАТАЛОГ КУРСОВ

Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх