Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Другие методич. материалы / Сценарий праздника "Сагъ ол, Элифбе!" на крымскотатарском языке

Сценарий праздника "Сагъ ол, Элифбе!" на крымскотатарском языке

  • Начальные классы

Поделитесь материалом с коллегами:

hello_html_me289b46.gif

Макъсат:

- элифбе китабына ве окъувгъа меракъ ве севги догъурмакъ.

- талебелернинъ лугъат теркибини зенгинлештирюв;

- низам, тертип ве достлукъ киби чизгилерни тербиелев, ана тилимизге севги ашламакъ.

Донатма: чечеклер, топлар, ресимлер, байракълар.

1.Музыка чала, талебелер залгъа кире. http://cs617125.vk.me/v617125177/1074b/xXSJSEowJ0s.jpg

2.Оджа балаларны хайырлай. http://cs617125.vk.me/v617125177/10787/E25zdV0ladE.jpg

3.Сез мектеп мудиресине бериле.

4.Шиир: «ЭЛИФБЕ» Р.Фазыл

1 талебе: Бир чокъ язы: А,Б,В,Г…

Бир чокътан-чокъ ресимлер

Бу-Элифбе, бундан бильги

Ала,бутюн несиллер.

2 талебе: А-нен, Б-нен, башлай, билинъ,

Ана,баба сёзлери

Элифбеден башлай илим,

Ача сокъур козьлери.

3 талебе: Ватан сезю В-нен башлай,

Биз Ватаннынъ ишанчы

Мектеп бизге бильги ашлай,

Окъув-аят къуванчы.

4 талебе: О-нен башлай оджа сёзю

Сай-севинъиз оджаны

О, огретир сизге озю

Эр арифни, эджаны.

5 талебе: Я-нен башлай «яхшы,яман»

Яманлыкъны бильменъиз

Эвде, ёлда, сиз эр заман

Яхшы олып юрюнъиз.

Шиир:«Мейдан,Мектеп азбарында» Амет Мефаев

6 талебе: Мейдан мектеп азбарында

Келинъ,балалар,ойнайыкъ.

Бу бахытлы яш чагъында

ойнап, кулип тояйыкъ.

7 талебе: Биз талебе, яш балалр

Къырымтатар несили

Биз олурмыз даим унер ,

Интизамлы, билимли.

8 талебе: Яша Къырым.Яша мектеп.

Бизим тувгъан эвимиз

Осьтюресиз сиз айбетлеп,

Сизни джандан севемиз.

Шиир: «Элифбе байрамы» Аблязиз Велиев

9 талебе: Авесликнен окъудыкъ

Элифбе арифлерин,

А-дан тутып, Я –гъа дже

Огрендик биз эр бирин.

10 талебе: Элифбе байрамына

Азырландыкъ эпимиз,

Эр феске бирер ариф

Яздыкъ бизлер эпимиз.

11 талебе: Арифлерни огреткен

Элифбеге тешеккюр

Элифбени огреткен

Оджамызгъа тешеккюр.

12 талебе: Сагълыкънен къал, Элифбе

Биз сени унутмамыз

Китап алгъанда эльге

Севип-сайып анармыз.

Шиир « Биз мектепте окъуймыз» Эскендер Фазыл

13 талебе: Биз мектепте окъуймыз

Илим,бильги аламыз

Тербиели, намуслы

Талебелер оламыз.

14 талебе: Мектеп тувгъан эвимиз,

Айбетлеймиз, севемиз.

Догъмушлардай эпимиз

Яшамакъны истеймиз.

15 талебе: Эмекте ве окъувда

Эр иште биз орьнекмиз,

Чюнки аят ёлунда

Халкъымызгъа керемиз.

16 талебе: Меним азиз Ватаным бар,

Эмексевер халкъым бар.

Меним севимли мектебим бар,

Макъсадым бар- бахтым бар.

17 талебе: Юртунъ санъа азиз исе,

Ол онынъ саф эвляды.

Юртум бахткъа толсун деп,

Эйи олсун макъсадын.

шиир « Элимизде Элифбе» Сейран Усеинов

18 талебе: Бизге дейлер талабе,

Элимизде Элифбе.

Эр кес бизни алгъышлай,

Гульдестелер багъышлай.

19 талебе: Огюмизде дерсликлер,

Дефтерлер ве къалемлер,

Пек тырышып окъуйджакъмыз

Мераметли оладжакъмыз.

20 талебе :Элифбе китабында 32 ариф бар

Элифбе сырасында

Эр арифнинъ ери бар

А,Б,В,Г,Гъ,Д,Е шай башлана элифбе

Эр биз сесни эй, эриф

Ифаделей бир ариф.

21 талебе : Геми айдамакъ ичюн

Эм кокте учмакъ ичюн

Чокъ шей огренмек керек

Чокъ шейни бильмек керек

Шу бильгини огрете

севимли Элифбе.

22 талебе: Яхшы окъу- дей оджам,

Онынъ сёзюн тутаджам

Дерслерни яхшы япып

Мен аляджи оладжам.

23 талебе : Биз ойле бир балалармыз

Эм ойнаймыз, эм йырлаймыз

Шенъликсиз байрам кечмез,

Оюн кулькю ич битмез.



5. Йыр: « Йырламагъа мен севем»

6.Композиция: «Ватан» http://cs617125.vk.me/v617125177/107d7/g0M7KI1mCF0.jpg

7 Йыр: «Ватан»

8.Оюн: «Къокълалар»

9.МАСАЛ

1.Музыка чала, Лунтик кире:

-Селям Алейкум,балалар!

-Селям Алейкум къызчыкълар ве огъланчыкълар!

-Бугунь сизде балабан байрам-Элифбе байрамы.Мен де окъумагъа,язмагъа огренмек истейим.Манъа Капа битайым элифбе багъышлады тез-тез барайым, мектепке кеч къалмайым.

2.Кобелеклер(оюн)

Лунтик: С.А. кобелеклер!Сиз мени таныдынъыз? Мен Лунтик.Мен мектепке кетем.Келинъиз берабер ойнайыкъ.

Кобелеклер: Лунтик, ойнамагъа вакъыт ёкъ!

-Биз дюльберлер конкурсына азырланамыз.

-Чешит тюрлю перчемлер азырлаймыз.

-Дюльбер антерлер тикемиз.

Лунтик: Айды мен да кетейим, мектепке кеч къаладжам.

3.Къырмыскъалар (оюн)

Лунтик: С.А, достлар къырмыскъалар!Келинъиз берабер ойнайыкъ!

Къырмыскъалар: Ойнамагъа вакъыт ёкъ! Биз язда къыщлыкъ ашлар азырлаймыз.

-Сен исе мектепке ашыкъып бар.

-Санъа окъумакъ керек.

4.Балкъуртлар(оюн)

Лунтик: С.А, балкъуртлар!Меним джаным сыкъылды, келинъиз берабер ойнайыкъ!

Балкъурт: Ойнамагъа вакъыт ёкъ!Чечеклер ачты,бал топламагъа керек1

-Сен исе мектепке кет!

5.Тыртырлар( оюн топнен)

Лунтик: С.А, тыртырлар!Бу мен, Лунтик, келинъиз берабер ойнайыкъ!

_Ойнасакъ, ойнайыкъ! О мектепте не ишин бар?

-Анда окъумагъа язмагъа керек, бизим сабырымыз ёкъ! Кель саяйыкъ:

Оп,оп девелер.

Къарасувдан келелер,

Ягълы,ягълы пителер,

Ашап,ашап кетелер.

- Ура,Ура, биз сакъланайыкъ сен исе бизни тап.

(Лунтикнинъ козьлерини багълайлар,китабыны алып, сакъланалар)

Лунтик къыдыра, къыдыра тапалмай.

Козюни ачып, агъламагъа башлай,

6.Кузя ве Мила пейда олалар(оюн)

-Лунтик, санъа не олды?

Лунтик:Мен мектепке кете эдим,тыртырларнен ойнап китабымны джойдым, мектепке кеч къалдым.Энди не япайым?

Кузя: Къасевет этме!Биз санъа Элифбени тапмагъа ярдым этерик.(берабер кетелер)

(тыртырлар терек тюбюнде отурып. Элифбени бакъалар)

-Бу насыл кипат экен?

-Мында язылгъан ешиль от!

-Ёкъ, мында Вупсень язылгъан!

-Ёкъ, ёкъ анда Пупсень язылы!

Кузя: Ах ярамаз тыртырлар, не ичюн Лунтикни алдаттынъыз?

-Биз шакъа эттик.

-Эээ, биз шакъа эттик. Бизни багъышланъыз!

Мила: Бу биринджи китаптан эр кес окъуп башлагъан

Омюр ёлуны кечмек ичюн

Шу китапны окъугъан,

Бербер, шаир, бостанджы

Алим,эким. айдавджы.

Кузя: Эр кес биле китапны,

Къыйметли сатырларны.

Мында Ватан, тувгъан аилем,

Денъиз-дерьяларымыз.

Мында багъчам, гузель улькем

Кокте йылдызларымыз.

Лунтик: Мына энди кельди вакъыт

Мектепке бараджакъмыз

Яхшы окъуп, бильги алып

Талебе оладжакъмыз.

10.(йыр: «МЕКТЕБИМИЗДЕ БИЗЛЕРНИ ОГРЕТЕЛЕР»)

11.Земаневий оюн

12.Талеберге шеадетнамелер ве бахшышлар бериле.

13.Сез ана-бабаларгъа бериле.


5


Выберите курс повышения квалификации со скидкой 50%:

Автор
Дата добавления 19.12.2015
Раздел Начальные классы
Подраздел Другие методич. материалы
Просмотров272
Номер материала ДВ-272978
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх