Сценарий торжественного открытия акции "Калмыцкий язык в каждом доме, в каждой семье"

«Хальмг келн ѳрк-бʏл болhнд, хальмг гер болhнд»

Әрәсән болн Хальмг Таңhчин частр соӊслһн

1 Нʏʏрлгч:  Мендвт, кʏндтә ʏʏрмуд, ирсн гиичнр, эк-эцкнр, мана школын багшнр, кɵдлəчнр болн сурhульчнр! Эндр Бар сарин 5-д «Тѳрскн келндǝн тусан кʏрг» гидг керг-ʏʏлдврт нерǝдгдсн байрин сʏʏрəн эклҗǝнǝвидн.

2 Нʏʏрлгч: Хальмг келн – ѳвкнрин келн!

                 Хурцарн – утхин ирəс ʏлнə.

                 Кʏңкнсн айсинь соңссн кʏн

               «Кʏңкл җанһрч дуулҗана» гинǝ.

1 Нʏʏрлгч: Эндр мана эн керг- ʏʏлдврт орлцхар ирсн кʏндтә мана  медәтнр, тɵрскн келндән, авг-бәрцдән хару,ачнр-җичнртән,ɵвкнрин уул кел,сурhмҗ ɵгч, заавр –закмҗ болҗах гиичнр ирсмн. Эннь: Ольдан Муутл, Ольдан Михаил, θрвҗрә Зинаида.

2 Нʏʏрлгч: Тѳрскн келән hәәхлә –

                     Тегәд кениг хәәрлхви?

                     hарhсн ээҗән hолхла-

                     hазр яhҗ даахмби?!\

                     Экн уга-hол уга

                     Ээҗнь дурго- ʏрн уга.

                    Хальмг келм – җирhлин булгм,

                    Хама йовб – җивр-далвагм.

1Нʏʏрлгч:  «Кʏн –ахта, девл –захта»гидг йосар әнг-отган ахлҗ бәәх Тугтна селәнә муниципальн бурдәцин ахлач Манҗин Борлга Леонидт йѳрәлин уг ɵгчәнәвидн.

2 Нʏʏрлгч: Хальмгин йосар цуг юмн эврә эклцән йɵрәләр ах наста, тоомсрта кʏʏhәр эклдг, тегәд бидн кундтә медәтд Ольдан Михаилд  уг ɵгчәнәвидн.

1 Нʏʏрлгч: «Тѳрскн келән даслhн – бийән кундлҗәх йовдл», «Бийән эс тевчхлә, кʏн чамаг тевчхн уга»гисн ʏгмʏдәр бәрмҗләд, цуглурсн сурhульчнрт угән нерәдҗәнәвидн.

Хальмг келн.        Калян Санж

Кен ахан күндлн келдг ,

Кетркǝ баhчудан тевчн келдг,

Эвтнь тǝвǝд,еӊсгǝр келдг

Эйлдг,hольшг хальмг келн.

        Холын цууд нернь туурсн,

Хортна өмн хорхан уурсн,

Иньгин зүрк таалулж келдг

Иим сǝǝхн хальмг келн!

Өшǝтнǝ өмнǝс тосад зөрүлсн

Өлн җидин үзүр болгсн,

Өрч дотрк зүрк буульсн

Өрүд омгта хальмг келн.

Тосн кевтǝ илн келдг,

Торh-томчар кеерулн келдг

Усн ǝдлǝр уhан келдг

Уул хальмг келн!..

Модар цоксн метǝр келдг,

Моhа кевтǝ хатхн келдг,

«Күд чолуг хамхлн»келдг

Кучтǝ хальмг келн!

Магтад келхлǝрн - өргǝд оркдг,

Мааҗад келхлǝрн – шавтадг.

Яснла харhсн сумн болсн

Янзта хальмг келн!..

Ирү седклǝн илдкн келдг,

Ичртǝ йовдлд игзǝрлǝд оддг,

Уклǝс ǝǝлго – унǝн келдг

Yнч хальмг келн!..

Ходрад келхлǝрн хор буслhам

Ховдг хальмг келн!..

Шүвтрлǝд келхлǝрн шүүс дусам

Шүрүтǝ хальмг келн!..

Хар уснд өрм бǝǝлhм

Хальмг келм чимгтǝ,

Хуурмг худлчиг худгт суулhм

Хурц болчкад, омгта…

Арнзал хурдн Зеерд чини

Амhаhан кемлǝд агсрич,

Хальмг уул келн мини,

Хазаран бичǝ мөлтлүлич!

2 Нʏʏрлгч: Хуучн ɵвкнрин авъясар,

                    Туужин хуурмгинь дарнав.

                    Хɵвтә- кишгтә болсар,

                    Тевчҗ ѳвкнрǝн буульнав.

1 Нʏʏрлгч:Төрскн келндән энкр

                    Тууҗ, түүкән меддг

                   Төрскн келндән хару

                   Төрскнч седклтә Тугтнахн!

Дун « Тууҗ» дуулҗахнь Нармин Гиляна,  Цернә Эльгена.

2 Нʏʏрлгч: ǝрә хойрта, хɵртә -

                   Экд цуhар әдл,

                   Тʏрʏ –зʏдʏ цагт

                   Тʏрʏн дөң-эк

Ээҗдән нерәдсн дуд. Дуулҗахнь Цернә Эльгена

1 Нʏʏрлгч: Зʏрк бульглулсн дун

                     Зʏркнд орҗ, ирнǝ

                    Ирх җирhлин байр

                    Илдҗ маднд ʏзгднә.

Дуулҗахнь бичкдʏдин баг.

2 Нʏʏрлгч: Цагин селгән кʏрч ирәд

                   Цааҗин ʏʏлн талрна.

                  Цаhан герин талвң деер

                   Цеңнгсн айсмуд асхрна.

Домбрин айсд. Домбр цокчахнь  Цернә Эльгена

1 Нʏʏрлгч:  Кʏңкнсн кɵгҗмин айст

                      Кʏʏндән биилхән саннав.

                      Седклин әрун киләсиг

                      Сәәхн кʏцхинь кʏләнәв.

Би. Биилҗәхнь –кʏʏкдин баг.

2 Нʏʏрлгч: Шаҗин бурхддан шʏтддг дасч

                    Шин бәәдләр җирhцхәй.

                    Чиирг- баатр чидлтә болҗ

                    Цевр седкләр ʏʏлцхәй!

Йɵрәлин уг келҗәхнь Хɵɵчин Цецн

1 Нʏʏрлгч: Тɵрскн келнә тɵрт нерәдгдсн байрин хурган иигәд тɵгсәҗәнәвидн.Уул хальмг келән бичә марттн, уургар куртсн келиг келн йовҗ хадhлтн.