-
Курсы
-
Другое
Ирон ӕмбисӕндтӕй конд ныв-равдыст.
Лӕппу/зивӕггӕнаг/:Нана афтӕ фӕзӕгъы: «Куыстӕн афон , улӕфтӕн-рӕстӕг»
Чызг: Змӕлгӕ чи кӕны, цӕргӕ дӕр уый кӕны. Куыстӕй адӕймаг рӕзгӕ кӕны.
Лӕппу: Ӕз та цыма хуыссӕны тагъддӕр рӕзын.Цыдӕр даргъ фӕкӕсын мӕхимӕ.
Чызг: Даргъ уаллон дӕр у, йӕхи кыу аивазы, уӕд.
Нана: Цӕуыл та у уӕ быцӕу? Райсомӕй дӕ бон куыд сӕвӕрай, изӕрмӕ дӕр афтӕ уыдзӕн.
Лӕппу: Омӕ мӕ уӕд хуыссын цӕуылнӕ бауагътат?
Чызг: Нана куыд фӕзӕгъы, уый нӕ зоныс! «Зивӕггӕнаджы гуыл хомӕй баззад.»
Лӕппу:Омӕ йӕ мӕнӕн нана сфыцдзӕн. Лӕппуйӕн йӕ къӕхтыл дӕр губын ис. Никуы фехъъуыстай: «Лӕппуджын нӕ хӕры, чызджын нӕ дары.»
Нана: Нӕ, мӕ къона, хӕргӕ уый бӕрц дӕр кӕн, фӕлӕ зивӕг- нӕ! Зивӕггӕнаджы мад мӕгуыр у! Цӕй цомут, цалынмӕ тӕвд нӕма у. Раджыстаг- бирӕнтыссаг. Бирӕнтыссаг- фӕрнӕйдзаг.
/Кусынц. Лӕппу иу ран бады./
Нана/фӕстӕмӕ йӕм ракаст/Акусут! Куыст ӕмгъуыд нӕ зоны. Кыуст- цардӕн фӕрӕз.
Лӕппу:Омӕ кусын зын иу!
Нана: Куыстӕн йӕ сӕр сындз,йӕ бын-сой. Абон акусдзыстӕм, сом та ахӕрдзыстӕм.
Лӕппу:Хӕргӕ уал акӕнӕм. Афтид голлаг хъен нӕ лӕууы. Аууоны уал абадӕм.
Нана:Сӕрды аууӕтты чи бады, уый зымӕг йӕ гуыбынмӕ хъусы.
Чызг:Кусгӕ чи нӕ кӕны, уый хӕргӕ дӕр нӕ кӕны.
Лӕппу:Ӕмӕ цы, кусӕ чи нӕ кӕны, уымӕ хӕрын нӕ цӕуы? Гуыбынтӕ ӕфсымӕртӕ сты. Ӕмсӕр адӕм ис, ӕмгуыбын-нӕм нӕй.
Нана:Ӕниу цы мӕнг зӕгъут. Аулӕфӕм.
/Ӕрбадтысты хӕрынмӕ, лӕппу фӕлӕбур-фӕлӕбур кӕны/
Чызг: Зыд ма кӕн, дӕ хъуыры фӕбаддзӕн.
Нана:Фыдхӕрд-фыдрын. Зыдхӕрд бирӕгъӕн дӕр нӕ тайы.
Чызг: Гуыбын дӕ куыд фегад кӕна, афтӕ- ницы.
Лӕппу: Никуы фехъуыстай: «Хӕрынӕй бафсад дӕхи!..»
Чызг: Ӕмӕ дарддӕр та? «Куысты рауадз лӕ хид!»
/Бахордтой/
Лӕппу:Оф-оф,ӕфсӕст гуыбын куст нӕ уарзы. Нана райсом ӕй фӕуыдзыстӕм. Бирӕ дзы куы нал ис.
Нана:Абон бакӕнӕн цӕмӕн ис, уый райсоммӕ ма уадз.
Чызг:Кард гал бастъыгъта ӕмӕ йӕ къӕдзилыл асаст. Фӕуын ӕй хъӕуы.
Лӕппу:Хорз, разы дӕн! Ӕмзонд, ӕмвӕнд адӕмӕ хох дӕр нӕ лӕууы. Февналӕм иумӕ.
Нана: Ӕнгом цуанонтӕ саг марынц, ӕнгом бинонтӕ цард арынц. /Йӕ сывӕллӕттӕ куыд рӕвдз кусынц,уымӕ кӕсгӕйӕ/ Бинонты фарн- фӕллойуарзаг кӕстӕртӕ.
Сценка созданная на основе осетинских пословиц и поговорок. Темой данной сценки является любовь к труду. Опираясь на осетинские пословицы и поговорки, показывается и объяснятся польза совместного труда, особенно в семье, и вред лени и потребительского отношения к жизни. Целью является: 1) Донести до учеников пользу совместного труда; 2) Показать ученикам глубину осетинского народного творчества; 3) Развивать в детях литературную речь; 4)Укреплять в учениках гордость и любовь к родному языку и народному творчеству, а так же чувство патриотизма.
Сценка предназначена для учеников 5-6 классов.
Профессия: Начальник отдела (заведующий отделом) архива
Профессия: Методист
Профессия: Библиотекарь
Профессия: Специалист по микрокопированию и оцифровке документов
Профессия: Менеджер информационных ресурсов
В каталоге 6 648 курсов по разным направлениям
