Үш тілді білім беру

Үш тілді білім беру

Бүгінгі таңда жастардың жақсы маман болып қалыптасуы үшін, елінің өркендеуі мен гүлденуіне өзіндік үлесін қосу барысында көптеген мүмкіндіктер қарастырылған. Соның ішінде білім саласы Елбасы Нұрсұлтан Назарбаевтың жіті бақылауында алға қадам басып келеді. Осы жылдан бастап елдегі орта оқу орындардың көбі үштілді білім беру жүйесіне көшіп үлгерді. Білім және ғылым министрлігі үш тілде оқытудың бағдарламасын жасап, оны кезең-кезеңмен жүзеге асырудың жобасын дайындағаны баршаға белгілі.

Үш тілде оқыту енді сөз жүзінде қалмай, оны мектепте оқудың пәндік негіздері алдағы үш жылда толық жүзеге асатын болады. Мұның тиімділігін министр Ерлан Сағадиев бұған дейін бірнеше рет мінберлерден айтып үлгерді. Бұдан кейін алдағы үш жылда жоғары сыныптың оқушылары кейбір сабақтарды тұтас ағылшын тілінде өтпек. Осыған орай, Президенттің арнайы тапсырысымен  елдегі педогог мамандар қосымша курстардан өтіп, білімін жетілдіруде.

Қазіргі уақытта Павлодар мемлекеттік педогогикалық институтында Щвецария америкалық академия ұйымдастырған халықаралық курстан информатика, химия,  физика, биология пәндерінен 40-тан астам мұғалімдері өтуде. Ондағы мақсат – орта мектептердегі ұстаздардың білімін көтеріп, өтетін сабақты қазақ, орыс және ағылшын тілдерінде оқушыларға еркін жеткізу. Сонымен қатар, осы курстың ұстаздар үшін тағы да бір артықшылығы – шет мемлекеттердегі мектептерде де тәжірибеден өтіп, ол жақтағы меткептерде де сабақ беруге мүмкіндік береді. Бір айта кетерлігі, мұндағы сабақтар тек қана ағылшын тілінде өткізілуде.

 Ағылшын тілін білген адам, болмаса кадрдың еңбек нарығындағы бағасы өседі. Бүгінде елімізде жұмысқа қабылдағанда ағылшын тілін білетін жастарға ерекше құрметпен қарайды. Ал, кейбір шетелдік компанияларда бұл тіпті талап ретінде қарастырылып жатқаны өтірік емес.

Олай болса, өз салаңызды жетік меңгеріп, әмбебап маман болам десеңіз, дәл бүгінгі жағдайда өз ісіңіздің іскері болуды көздесеңіз, оған ағылшын тілінсіз жету қиынырақ. Ал шет тілін білу үшін шекара асып керек емес. Ол үшін мемлекет жасап отырған жағдайды ұтымды пайдалана білгенге жетері жоқ.

Айбек КАМИЛЬ,

№35 орта мектептің Информатика пәнінің мұғалімі.