Шағын орталықтарда "Алтын күз" атты тақырыбына ашық сабақ

«Айгөлек» шағын орталығы

Алтын күз

 

Өткізген : Тлеубаева А.А.

2015 жыл

Алтын күз

Музыкалық әуен ойнап тұрады. Балалар сахнаға шығады.

Жүргізуші:

Шартараптың бәрі алтын.

Алып келді мереке,

Астық,жеміс береке.

Батырлыққа жараса,

Көбейді той тамаша

Ән салды өзен, тал- құрақ,

Шашу болды жапырақ.

Қайырлы күн! Армысыздар құрметті қонақтар мен балалар.Ел байлығын арттырған берекелі күз айы да келді.Күзді құрметтеп қуанышпен қарсы алайық.Көңіл күйді көтеріп,тамашалайық.

Жүргізуші:  Қазір біз сендермен «Күз белгісі неде?» деген ойын ойнаймыз.Мен күз мезгіліне байланысты сөздер айтамын, сендер аяқтайсыңдар

-Күзде жапырақтар ………….(сарғаяды).

-Күзде күн …………………(суып, жаңбыр жауады).

-Күзде құстар …………….(жылы

жаққа ұшып кетеді).

-Күзде жемістер мен көкөністер………….(піседі).

 Жүргізуші:  Балалар күз мезгілінің айларын атап беріңдерші?

-Қыркүйек,қазан, қараша.

Қәнеки балалар енді үлкен қошеметпен алтын күз мезгілінің айыларын ортаға шақырайык.

Қыркүйек

Шоғы толған гүлдей жайнап

Жарқырады Алтын күз

Сайраңдап күліп ойнап

Келіп кетті қыркүйек

Қазан

Қазан айы молшылық

Дәулет қорын қалады

Заңғар көкке қол созып

Құстар ұшып барады

Қараша

Құстар қайтты қыс болды

Сұр бұлт жапты аспанды

Жапырақ түсіп, гүл солды

Қараша ызғары басталды

Жүргізуші:Балалар,адамдар күзде қандай киімдер киеді?

Балалар: Күзгі жылы киімдерін киеді.

Жүргізуші: Ұнатам күзді мен!-дегендей бәріміз де күз мезгілін жақсы көреміз.Ендеше қошеметпен қол соғып «Күз» ханшайымын ортаға шақырайық.

Музыкалық әуен ойнап тұрады. Ортаға «Күз» ханшайымы келеді.

«Күз» ханшайымы:  Сәлеметсіздер ме, балалар! Мен сендердің шақыру хаттарыңды алдым,сендерге көп рахмет.

Балалар , мен сендерге көкөністерімді,жемістерімді ала келдім.Көкөніс пен жемісті қалай жақсы көретіндерінді тексереміз. Бізге екі бала қажет, олардың көздерін орамалмен байлап, мына тұрған ыдыстағы жеміс пен көкөністерді қолдарымен ұстап,дәмін татып анықтауларың қажет.

«Күз» ханшайымы:  Жарайсыңдар балалар,өте дәм сезгіш екенсіндер.

Жүргізуші:Құрметті «Күз» ханшайымы,балалар және қонақтар келесі кезекте  Ұлжалғас қызымыздың сіздерге  арнаған «Өзбек» биін тамашалаңыз.

«Күз» ханшайымы:  Ұлжалғастың биі қандай тамаша, ендігі кезекте көрекмендерді сынап көрейік, күзде қалай шапшаң еңбектенеді екен. Екі көрермен ортаға шығып, мына тұрған 2 картопты жылдамдыққа және қабығын үзбей тазалау қажет.

Жүргізуші: Балалар, күздің алып келген  көкөніс,жемісі дәмді ме екен?

Балалар : Иә,өте дәмді.

Жүргізуші : Күзде табиғат көрінісі жиі өзгереді, аспанды бұлт торлап, ағаш жапырақтары жерге түседі,жаңбыр жауады. Құстар жылы жаққа қайтады, астық жинаймыз, жемістер мен көкөністер піседі. Ал бізге кім жемістер мен көкөністер туралы тақпақтар айтып береді.Сол көкөніс пен жемістерді ортаға шақырайық.

Осы кезде көкөніс пен жемістер ортаны бір айналып,қатарласып шығады

Сәбіз: Шынғыс Өсіретін бойыңды,

Дамытатын ойыңды.

Қоянға да азықпыз,

Сәбіздерміз жазықсыз.

Алма: Саяжан Мен алмамын,алмамын,

Таңдай жұлар бар дәмім.

Өрік : Жансая  Мен өрікпін, өрікпен,

Табиғатқа көрікпін.

Қарбыз: Ұлжалғас  Көрсең егер бақшада,

Доп екен деп қалма.

Шөл қандырар қарбызбын,

Ерте үзіп алма.

Шие: Алпамыс Мен Шиемін,шиемін,

Күннің көзін сүйемін

Қышқыл шырын менде бар

Төмен басты иемін

Алмұрт:  Бекболат Мен алмұртпын,алмұртпын,

Аузындамын бар жұрттың.

Қауын: Бекзат Иісім жұпар аңқыған,

Бақшадағы шырынмын.

Жеп көргенде тамсанған,

Балдай тәтті қауынмын.

«Күз» ханшайымы:  Ал,балалар менің алтын жапырақтарымдың жұмбақтарын шешік.

1.Бойын жерге жасырған

Бұрымы бар жасылдан

(сәбіз)

2.Ұзын мұртты сарылар

Қойнында дәні бар

(бидай)

3.Бақшадан келген ала доп

(қарбыз)

4.Қалың киім ұнатады

Шешіндірсең жылатады(пияз)

 «Күз» ханшайымы:  Балалар,ойын ойнап, көкөніс жемісті тани білдіңдер, жұмбақты

да шештілерін ,мен сендерге ризашылығымды білдіріп, сыйымды табыс етемін.

Күз , баларға алма таратады.

«Күз» ханшайымы:  жаттаған әсем тақпақтарыңды, билеріңді тамашалап көңілімді көтердім.Рахмет сендерге, келесікездескенше.

Жүргізуші:Балалар,барлығымыз күздің сыйына алғысымызды білдіріп,шығарып шығарып салайық.

Балалар:Рахмет сізге «Күз» ханшайымы, сау болыңыз!

«Күз» ханшайымы:   Сау болыңдар балалар!

 Жүргізуші : Осы мен Алтын күз атты мерекеміз өз мәресіне жетті,келіп қатықандарыңызға үлкен рахмет.Келесі күзде кездескенше сауболыңдар.