Шағын жинақталған мектептердің оқу – тәрбие процесіне инновациялық технологияларды енгізудегі озық тәжірибелер.

ҚР Білім және ғылым министрлігі

ШҚО Жарма ауданы

«Д.Қалматайұлы атындағы орта мектебі» КММ-сі

Шағын жинақталған мектептердің оқу – тәрбие процесіне инновациялық технологияларды енгізудегі озық тәжірибелер.

                                              Дайындаған:  Баилева А.К.

                                                         Математика, информатика мұғалімі

Шағын жинақталған мектептердің оқу – тәрбие процесіне инновациялық технологияларды енгізудегі озық тәжірибелер.

          «Қазақстанның болашағы – білімді ұрпақ», -деп Елбасы Н.Назарбаев айтқандай, оқу-тәрбие жұмысында жастардың білімі мен дарының ұштастыра отырып, Қазақстанның мүддесін қорғайтын, экономикалық бәсекелестікке қабілетті, жан-жақты дамыған жеке тұлғаны қалыптастыру бүгінгі мектеп пен ондағы еңбек етіп жатқан ұстаздардың міндеті. Біздің Дүйсенбі Қалматайұлы атындағы орта мектебі де қазақ ауылының мектептерінің бірі. Мектептің іргетасы 1912 жылы бастауыш мектеп болып құрылған. 1993 жылдан бастап білім беретін шағын комплектілі мектеп болды. Сыныптардағы оқушылар саны 8-10 баладан құралады.

        Ауыл мектебі бүгінде балаға орта білім беретін оқу орны ғана емес, сол ауылдың адамгершілік ахуалының өлшемі, мәдениет ошағы. Мектебіміздің өзекті мәселесі: «Ақпараттық – коммуникациялық технологияларды пайдалану арқылы оқушылардың білім сапасын арттыру ».

Білім сапасын арттырудың басты мақсаты:

1.     Білім беру жүйелерінде пайдалынылып жүрген тиімді пәндік технологияларды мектепте оқу үрдісіне енгізіп, білім сапасын көтеру.

2.     Білімді, ұлттық құндылықтарды бағалай білетін, ұстамды, жан-жақты дарынды, шығармашылық ізденіс, зерттеу жұмысын жүргізе алатын тұлғаны қалыптастыру.

Шағын жинақталған мектептердің оқу үрдісіне тиімді оқыту технологияларын енгізу бала бойында өз біліміне деген сенімін тұрақтандырып, өз-өзіне баға беруге, өзгелердің пікірін бағалауға жол ашады.

       Мектебіміздің материалдық – техникалық базасы қазіргі заман талабына сай қамтамасыз етілген. Мультимедия кабинеттерімен, құралдарымен жабдықталған 23 компьютер орнатылған. Электрондық оқулықтар қоры бар. Интернет желісі, электрондық пошты жұмыс істейді.

       Инновациялық озық технология негізінде оқушылардың білім сапасын арттыруда мектеп ұжымы  негізгі міндеттер мен проблемаларды белгілеп, іске асыруда.

         Мектептің білім сапасын арттыру жолы мұғалімдердің шығармашылық еңбектеріне байланысты. Мектебімізде 22 мұғалім жұмыс жасайды. Олардың 20-сы жоғары білімді, 2-уі арнаулы орта.

      Жоғары біліктілік санатты – 1, бірінші біліктілік санатты – 8, екінші біліктілік санатты – 2, қалғандары жас мұғалімдер. Шығармашылық жұмысты тереңдету, озат тәжірибені насихаттау мақсатында 3 пән бәрлестігі жұмыс істейді: Гуманитарлық пәндер бірлестігі, жаратылыстану – математикалық пәндер бірлестігі, бастауыш сыныптар бірлестігі. Әр бірлестік жетекшісі – шығармашылық топ мүшесі. Шығармашылық топ мектептің инновациялық жұмыс бағыттарын белгілейді, олардың іске асуын, әдістерін анықтайды. Білім беру технологияларын оқу-тәрбе үрдісіне енгізу, интерактивті әдістерді кенінен қолдану, оқушылар білімін, біліктілігін практикалық жұмыс жүргізу  машығын қалыптастырудың тиімді жолы. Технология – инновациялық іс-әрекет, оқытудың жаңа формалары, алдыға тың мақсаттар қою, жоғары нәтижеге жету. Біздің де мектеп ұстаздары жаңа технологияны өз іс тәжірибелеріне енгізіп, жаңаша жұмыс жасауға бет бұрды.  Мысалы бастауыш сыныптар бірлестігі сыни тұрғысынан ойлау технологиясын, гуманитарлық пәндер бірлестігі: К.Поппердің «Дебат, пікір-сайыс», дамыта оқыту технологияларын, жаратылыстану-математикалық пәндер бірлестігі Ж.Караевтың «Деңгейлік-саралап оқыту», АКТ басшылыққа ала отырып, тәжірибелеріне енгізіп, іске асыруда. Технологияларды оқу үрдісіне енгізіп, мұғалімдер пайдалану үшін арнайы курстардан өтті. Кембридж бағдарламасы бойынша мектептің 4 мұғалімі үшдеңгейлік курстардан өтіп, үшеуі 3-ші деңгей, бір мұғалім -2-ші деңгей  бойынша сертификат алса, 3 мұғалім бірінші деңгейі бойынша өз білімдерін жетілдіруде. Мұғалімдердің біліктілігі мен шеберлігін жетілдіріп, оқу процесін инновациялық озық технология негізінде ұйымдастыру білім сапасының артуына ықпалын тигізуде.Ең алдымен мұғалімдердің озық технологияны меңгеріп, бүгінгі күннің талабына сай оқу процесінде біліктілікпен қолданылуына назар аударылады. Мектептегі мұғалімдер толығымен компьютерді еркін меңгерген, интернет желісін пайдалана алады, электрондық оқулықтарды сабақтарында тиімді қолдананады.

        Мұғалімдердің шығармашылығы – ізденіс жұмыстарының нәтижелері түрлі деңгейдегі шаралардан көрінуде.

       Мектебімізде «Зерде» атты оқушылардың кіші ғылыми қоғамы жұмыс жасайды. Оқушыларымыз аудандық пәндік олимпиадалардан жүлделі орындарға ие болады: қазақ тілі, биология, информатика, математика, қазақстан тарихы пәндерінен. Облыстық интеллектуалдық марафондарға «Ақбота», «Айналайын», «Тұлпар», «Малахит» оқушыларымыз, ІІ-ІІІ орындарға ие болады.  Соңғы үш жылдың көрсеткішін алатын болсақ   5  оқушы «Үздік куәлік», 3 оқушы «Үздік аттестат», 1 оқушы «Алтын белгі» белгісінің иегері.

        Аудандық Абай, Шәкәрім, Махамбет оқуларына, конференцияларға  да қатысып, оқушыларымыз жылда жүлделі орындар алады.

        Түлектеріміз Ұлттық бірыңғай тестілеуге қатысып 100 % қатысып, жылда оқушыларымыз грант иегерлері атанады.

Мұғалімдеріміз де  пәндік «Үздік қазақ тілі мұғалімі», «Үздік тәрбиеші», «Ең үздік музыка мұғалімі», «Үздік информатика мұғалімі», «Жыл мұғалімі» байқауларына, «Үздік әдістемелік құралдар» сайысына , конкурстарға үнемі қатысады. Өз тәжірибелерін көлемінде Дюсупова Т.А. «Химия есептерін шешу» тақырыбында өз тәжірибесін аудан мектеп мұғалімдерімен бөліссе , тарих мұғалімі Н.Т.Тұяқбаеваның  «Оқу-тәрбие үрдісіндегі мұражайлық педагогика» тақырыбы бойынша өз тәжірибесімен облыс көлемінде бөлісті.

    Осындай мақсатты, шығармашыл жұмыс жасаудың арқасында біздер төмендегідей нәтижеге жетіп отырмыз.

     Соңғы 5 жылдағы білім сапасының көрсеткіштері төмендегідей:

Оқу жылдары	Оқушылар саны	Оқу озаттарының саны	Оқу екпінділерінің саны	Білім сапасы
2010-2011	115	15	53	59
2011-2012	112	14	52	59
2012-2013	110	16	53	63

Ауыл мектептерінде оқушыларға сапалы білім мен саналы тәрбие беруде білім жүйесіндегі әрбір қызметкердің бүгінгі өмір талабына сай үлес қосуы – алға қойған негізгі мақсат.

       Өз ойымды Стронгтың сөздерімен аяқтағым келіп тұр: «Мектеп пен оқушыларды жетелейтін жеке тұлға – мұғалім». Ол  сіздер мен біздер. Осы бағытта еңбектеріңізге шығармашылық табыс, оқушыларыңыз тек жоғарыдан көріне берсін.