Шебер сыныптың тақырыбы: «Блум жүйесін сабақта қолдану әдістері»

Шебер сыныптың тақырыбы: «Блум жүйесін сабақта қолдану әдістері»

Мерзімі: 04.02.2016ж.

Шебер сыныптың мақсаты: Блум таксономиясы бойынша танымдық салада оқу мақсаттарының категорияларын зерделеу және Блум таксономиясын сабақ жоспарында қолдануды негіздеу.

Шебер сыныптың міндеттері:

- Мұғалімдердің өз пәні бойынша Блум таксономиясының танымдық деңгейлері бойынша сұрақтар мен тапсырмалар дайындау машықтарын жетілдіру;

- Блум таксономиясы негізінде сабақ жоспарлау және өткізу дағдыларын дамыту.

Күтілетін нәтижелер: 

- Б. Блумның таным саласындағы білім беру мақсаттарының таксономиясын біледі;

- Блум таксономиясына сәйкес сұрақ қою өлшемдерінің сатыларын түсінеді;

- Өз пәні бойынша Блум таксономиясының деңгейлеріне сәйкес сұрақтарды анықтай алады;

- Сабақ құрылымындағы іс- әрекеттердің танымдық мақсаттарға сәйкестігін талдай біледі;

- Сабақ құрылымын Блум таксономиясы негізінде жоспарлап, орындалған іс- әрекеттерді бағалай біледі, рефлексия жасайды.

Шеберлік сабақ барысында мұғалімдердің өз пәндерінен Блум таксономиясының деңгейлері бойынша сұрақтар мен тапсырмалар үлгілерін дайындау дағдыларын жетілдіру  жолдары қарастырылады.

Шебер сыныптың өтілу барысы:

Кезеңдері	Жүргізуші әрекеті	Мұғалімдер әрекеті
Жағымды психологиялық ахуал туғызу 5 минут	«Табиғаттың тамашасы» тренингін ұйымдастырады.   Атомдар биі.	Мұғалімдер ортаға шығады, шеңбер жасайды. Атомдардан молекула құру арқылы  жағымды ахуал қалыптастыра отырып, топқа бөлінеді
Ой қозғау 10 минут	Топтарға тапсырма І топ Қолдану ІІ  топ Талдау ІІІ  топ Қолдану мен талдаудың айырмашылықтары	Жеке топтарға берілген тапсырмалары бойынша кластер құрып, қорғайды
Теориялық  кезең «Блум таксономиясы» стратегиясымен таныстыру және осы стратегия бойынша жұмыс ұйымдастыру 10 минут	Мұғалімдерге таныстырылым көрсетіледі және Блум таксономиясы кезеңдері  үшін қажетті материалдар ұсынылады. Пән бойынша сабақта қолдану практикумы ұсынылады	Блум теориясымен және кезеңдерімен  танысады   «Блум таксономиясы» стратегиясы жайлы мәлімет алады
Сергіту сәті 5 минут	Ой сергек «Суретке қарағанда ең бірінші қандай бейнені байқадыңыз?»	Сіз кімсіз? Айдары бойынша мұғалімдермен ой сергек жүргізіледі
Практикалық тапсырма 10 минут	«Көксерек» фильмінен үзінді көрсетіледі М. Әуезов «Көксерек» әңгімесінің мазмұны түсіндіріледі. 1. Адамдар қолынан қасқыр күшіктерінің өлтірілуі 2. Құрмаштың күшікті бағып алуы мен Көксерек деп атауы 3. Көксеректің алғаш рет табиғатқа қарап ұлуы 4. Ауылға шабуы, Құрмашқа шабуыл жасауы 5. Әжесінің қайғыруы. Құрмаштың қайтыс болуы Тапсырма: 1. Фильм оқиғасына Блумның   қолдану және талдау деңгейлеріне сәйкес тапсырмалар орындату 2. Тапсырмаларыңыздың сәтті шыққан, сәтсіз шыққан жерлерін топпен талдаңыздар. Себебін анықтаңыздар. Қандай қиындықтар туындады? 3.Оқушыларға автордың негізгі ойын жеткізуде  сіздің іс әрекетіңіз...	Әр топ  қолдану мен талдау бойынша постер құрастырып, қорғалады. Оқушыларға автордың астарлы ойын жеткізудегі мұғалімнің  іс-әрекеті
Рефлексия 5 минут	Мұғалімдермен кері байланыс Шебер сыныптан алған әсеріңіз	Әр мұғалім шебер сынып туралы ойларын, әсерлерін «Бесбармақ» стратегиясы бойынша саусақтарға орналастыру.