"Шын дос -таусылмас қазына" 10-сынып

Сабақтың тақырыбы: Шын дос -таусылмас қазына

Тәрбие сағатының мақсаты:

1. Оқушыларға дос, достық туралы әңгімелей отырып, олардың достық қарым-қатынасын нығайту.

2. Оқушыларды адалдыққа, шыншылдыққа тәрбиелеу, өзімшілдіктен, менмендіктен тағы басқа жаман әдеттерден аулақ жүруге үйрету.

3. Оқушылардың адамгершілік қасиетін, бір-біріне деген достық сезімдерін нығайту.

Пайдаланылатын көрнектілер: Достық көріністері бейнеленген суреттер.Қанатты сөздер

      Сабақтың барысы:Ұйымдастыру

Дүниедегі ең ұлы сезімдердің бірі – достық. Әр адам дүниеге келгеннен кейін, ес білгеннен-ақ жан дүниесіндегі сырын, мұң-шерін тарқатып, қуанышы мен қайғысын бөлісетін дос іздейді. Қандай да бір қиындыққа тап болсаң, оны досыңмен бөлісіп, досыңның  ақылын тыңдап, шешім таба аласың. Менің ойымша, басқаға жақсы да адал дос болу үшін, ең алдымен түсінік, адамды тыңдай, ақыл бере білу қабілеті жоғары болуы тиіс.
Иә, дос табу ақылдыға қиын, ақымаққа оңай. Өйткені, ақымақ үшін достың қандай болу керек екені бәрі бір. Ақылдыға қиын. Өйткені, ақылды адам достың қандай болуы керек екенін біледі. Өйткені, өзін түсінетін, мейірімді, ақылды дос табуға тырысып, оны талғайды, іздейді. Дос досты ешқашан сатпайды. Себебі, достық сезім – мәңгілік.

Біз бүгінгі сабағымызды «Тілек шоғы» ойынымызбен бастаймыз. Қолдарында гүлдері бар балалар дөңгелене тұрады. Мұғалім өзі бастап, оқушылар гүлді бір-біріне тілек айту арқылы ұсынады. Денің сау болсын, әдепті бол, ақылды бол, білімді бол, жақсы бол, аспаның ашық болсын, елімізде тыныштық болсын , амандық болсын, бірлік, татулық …. т.б. Өзгелерге денсаулық тілеп, жақсылық жасасаң , ол өзіңе қайтіп оралады.

І. Дос деген кім? Тақырыпты ашу сұрағы

ІІ.Достық дегенді қалай түсінеміз не?(Жауапты сурет арқылы бер. Әрбір топтан бір

оқушы салған сурет бойынша түсіндіреді)

ІІІ.Достық туралы әңгіме(оқушылардың пікірлері тыңдалады)

ІV.Сөйлемді аяқта

V.Жағдаяттан шығу

VІ. Достық туралы өлеңдер оқу

VІІ. Мақалды жалғастыр

VІІІ.Суретті әңгімелеу

ІX. Мінездеме беру тренингі

Ән «Жан досым»

1.Дос деген кім? Тақырыпты ашу сұрақтары

Сыр бөлісетін адам

Мені өте жақсы түсінетін адам

Көмекке әрдайым дайын адам

Қандай жағдай болмасын болмасын  бірге болатын адам

Сенімді адам

2.Достық дегенді қалай түсінеміз не?(Жауапты сурет арқылы бер. Әрбір топтан бир оқушы салған сурет бойынша түсіндіреді)

 3.Достық туралы әңгіме

                            Достық

Әйтімбет деген сөзге шешен кісі болыпты. Бірде оның замандастары:

-          Достық нешеу? – деп сұрақ қояды. Сонда Әйтімбет тұрып:

-          Достықтықтың екі түрі болады. Бірі — адал достық, екіншісі – амал достық.

«Енді оны қалай ажырата аламыз»  дегендерге:

-          Адал достық өмірлік нұсқа болады, амал достық өмірлік нұсқа болады, — деп жауап береді екен.

Оқушылардың пікірлері тыңдалады.

4. «Сөйлемді аяқта» тренингі

Екі топқа сөйлемдер беремін. Топтағы оқушылар сөйлемді өз ойларымен жалғастыру керек 

А) Әрбір адамға дос керек. Өйткені  …

Ә) Сыйластық бар жерде      …

5. Жағдаяттан шығу.

1. Сенің ең жақын досың өзінен кіші баланың ұялы телефонын тартып алды. Сынып жиналысында оны талқылап жатыр.  Ол сенен көмек күтіп отыр. Сен не айтар едің?

2. Сенің досыңды үлкен балалар күш көрсетіп соғып жатыр. Сенің оларға шамаң жетпейді. Сен не істейсің?

6. Достық туралы өлеңдер оқу

    7.Мақалды жалғастыр

 1. «Кемшіліксіз  …. іздеген адам …. қалады».

2. «Дұшпан …. айтады, дос….айтады».

3. «Жаңылмайтын … жоқ, сүрінбейтін тұяқ …….».

4. «…. жаңасы жақсы, … көнесі жақсы.».

5. «……….ақшаң болғанша, көп досың  …».

6. «Досы көппен …. ,

Досы жоқпен   … ».

7. «Досы … , өзі де жақсы».

8. «…. басқа қарайды,

… аяққа қарайды».

9.  «Ақылсыз  ….ақылды дұшпан ….».

10. « Досың мың ….,

… біреу болса да көп».

11. « …   адам тамыры жоқ … тең»

12. «           …      дос болсаң,

Сасқанда ақылың айтар.

…             дос болсаң,

Топ ішінде бетің қайтар». 

Жауаптары

1. «Кемшіліксіз дос іздеген адам доссыз қалады».

2. «Дұшпан күлдіріп айтады, дос жылатып айтады.

3. «Жаңылмайтын жақ жоқ, сүрінбейтін тұяқ жоқ».

4. «Киімнің жаңасы жақсы, достың көнесі жақсы».

5. « Көп ақшаң болғанша, көп досың болсын».

6. «Досы жоқпен сырлас,

Досы көппен сыйлас».

7. «Досы жақсының-өзі де жақсы».

8. «Дос басқа қарайды,

Дұшпан аяққа қарайды».

9. «Ақылсыз достан ақылды дұшпан артық».

10. «Досың мың болса да-аз,

Дұшпаның біреу болса да-көп».

11. «Доссыз адам тамыры жоқ ағашпен тең»

12. «Білімдімен дос болсаң,

Сасқанда ақылың айтар.

Білімсізбен дос болсаң,

Топ ішінде бетің қайтар».

8. Суретті әңгімелеу

9. «Мінездеме беру» тренингі

Қазір мен сіздерге сыныптағы оқушылардың есімдері жазылған парақ беремін. Әр оқушы өзіңіздің қолыңыздағы жазылған есімді балаға бір- біріңе көрсетпей мінездеме жазыңдар.

Тірек сөздер:

Адал                                 арам

жомарт                             өз қамын ойлайтын

адамгершілігі мол           кекшіл

қарапайым                      сөзге түсінбейтін

мейірімді                        жалқау

кешірімді                       тәккапар

төзімді                             қатал

ақылды                           мейірімсіз

сабырлы                         сараң

салмақты                        қызғаншақ

кек сақтамау                  тұйық

аңғал ұқыпсыз

жауапкершілікті өзімшіл

тәртіпті жауапкершіліксіз

тәрбиелі екі жүзді

уәдеге берік

Ән «Жан досым»

Қорытындылау:

Досым, саған сенемін сеніп өтем,

Жолы бөтен демеймін, жөні бөтен.

Достық деген адамның көрігі екен,

Достық деген адамның серігі екен- деп Мұқағали ақын жырлағандай достық деген-адам өміріндегі қымбат сезімнің бірі. Ендіше досты бағалай білейік. Дос бола билейік. Достарың көп болсын деп бүгінгі тәрбие сағатымызды аяқтаймын.