Шыншылдық - адалдықтың белгісі. Өзін өзі тану

№ 211  А.Байтұрсынов атындағы орта мектеп

Шыншылдық-адалдықтың белгісі

Қызылорда қаласы

 Тақырыбы:Шыншылдық-адалдықтың белгісі

     Мақсаты:

-оқушылардың бойында адалдық және шыншылдық ұғымы жөнінде түсінік қалыптастыру;

-балалардың бойындағы адамгершілік қасиеттерді ынталандыру;

-оқушыларды өз-өзіне және айналасындағыларға жақсылық жасап жүруге үйрету арқылы адал болуға тәрбиелеу.

-ой белсенділігін,өз ойын еркін жеткізе білу дағдысын арттыру.

      Әдіс-тәсілдері:әңгімелесу,түсіндіру,оқулықпен жұмыс,ойын,сұрақ-жауап,интерактивті әдіс.

      Қажетті оқу құралдары:оқулық,дәптер,түрлі суреттер.

Сабақ барысы:

1.Көңілашар

Ø Балалар,мен сендерді ортаға шақырамын.Мына өлеңді айтып үйренейік.

        Шындықты сақтаймыз,                            Өрге баспас өтірік,

        Шыншылды жақтаймыз.                          Шындықты тек айтамын.

        Достықты дәріптеп,                                  Өз бойымнан бүгін мен

        Шығарып мақтаймыз.                              Шыншылдықты байқадым.

2.Тыныштық сәті

Ø Ертеде қаз дауысты Қазыбектің аулына бір саудагер келіпті.Түстеніп,тамақ ішіп болған соң Қазыбекке:

-  Би,бір сөз сұрайын деп едім,-депті.

-  Сұраңыз,-дейді Қазыбек би.

-  Біз өзара дауластық та.ойластық та, бірақ шешуін таба алмай қойдық.Сөздің атасы кім,анасы кім?-депті

   Сонда Қазыбек би:

-Сөздің атасы-бірлік, анасы-шындық ,-деген екен.

Ø Балалар,бірлік дегеніміз -тату болу дегенді білдіреді.Ал шындық туралы сендер    білесіңдер деп ойлаймын.

-Егер « шындық- сөздің анасы» деп түсінетін болсақ, онда ол қандай қасиет болғаны?

Балалардың жауаптары төмендегідей болды.

ü Шындық деген өтірік айтпау

ü Досыңды алдамау

ü Шыншыл болған жақсы

ü Өтірікшімен дос болмас едім

ü Абай ата да өтірік- бес дұшпанның бірі деген

3.Оқулықпен жұмыс

                                   Шыншылдық

   Естай екінші сыныпқа көшті.Бойы кіп-кішкентай,білетін адам болмаса,оны оқушы деп ешкім ойламайды.Жазғы каникулда олар басқа қалаға бармақ боп келісті.Естай:

  -Әке,мен де барайын, -деді.Әкесі анасына көзін қысып қойып:

-Бұрын саған билет алмаушы едік.Сен енді есейдің.Саған билет алуға ақша жоқ .Сен бармайтын шығарсың,-деді.

- Әкесі,Естайды әлі мектепке барған жоқ деп билет алмасақ қайтеді,-деді анасы.

- Жоқ. Ұшқыштарды алдауға болмайды.Ешқашан өтірік айтпа деуші едіңіздер ғой,-деді Естай.

- Ендеше, үйде қал,-деді әкесі.

- Бармасам, бармаймын,-деді Естай өкпелеп.

  Келесі күні ата-анасы жол жүруге дайындалып жатты.Естайда үн жоқ.

-         Естай,бізбен бірге жүрсеңші,-деді әкесі.

-         Билетсіз бармаймын ,-деді Естай.

Әкесі көк қағазды көрсеткенде Естайдың қуаныштан жүзі жайнап сала берді.Олар әуежайға келді.Ұшаққа отыру басталған екен.Естай билетін жолсерікке ұсынды.

-         Сенде де билет бар ма?-деп таңданды жолсерік.

-         Әрине.Мен 2 -сыныпта оқимын ғой,-деді Естай.

-         Бізге қоярда қоймай өзі алғызды,-деді анасы.

-         Балаңыз шыншыл екен.Бұл жақсы қасиет қой. «Жаным арымнан қымбат» деген бар емес пе?-деді жолсерік.

Естай аяғын адымдай басып,жоғары көтеріліп бара жатты.

Ø Әңгіме сендерге ұнады ма?

Ø Әңгіме кім туралы?

Ø Естай қандай бала?

Ø Егер сен Естайдың орнында болсаң, не істер едің?

Ø Осы әңгімеден қандай ой түйдің?

Ø Өтірік айтқан кездерің болды ма?

Балалардың жауаптары:

ü Өтірік айту- ең жаман әдет.

ü Мен де Естай сияқты билет алғызар едім.

ü Естай сияқты балалар көп болса екен.

ü Шыншыл болған жақсы.

ü Өтірік өрге баспайды.

ü Шыншылдық-адалдықтың белгісі.

4.Дәптермен жұмыс

Ø Әр жүрекшеге өзіңе ұнайтын жақсы қасиеттерді жазып шық.

 

 

5.«Шын ба,әлде өтірік пе?» ойынының шарты мынадай.Мұғалім әр сөйлем айтқан сайын «шын ба,әлде өтірік пе?» деп сұрайды.Балалар оның шын-өтірігін тез айтуы керек.

Ø Жазда қар жауды.

Ø Асан дәптерге бормен жазды.

Ø Сәуле он деген баға алды.

Ø Көктемде малдар төлдейді.

Ø Тазша бала тек шындықты айтады.

Ø Біздің сыныпта он екі қыз бар...

   6. Дәйексөз

        Шындықтың шырағы сөнбейді.

         Өтірік өрге баспайды.

   7.Жүректен жүрекке

-  Екі көз не үшін керек?

-  Жақсыларды көру үшін.

-  Екі құлақ не үшін керек?

-  Ақыл-кеңес алу үшін

-  Екі қол не үшін керек?

-  Елге көмек беру үшін

-  Қызыл тіл не үшін керек?

- Тек шындықты айту үшін керек.

Ø Олай болса, шындықпен дос болайық,балалар.

Краткое описание документа:

Тақырыбы:Шыншылдық-адалдықтың белгісі

     Мақсаты:

-оқушылардың бойында адалдық және шыншылдық ұғымы жөнінде түсінік қалыптастыру;

-балалардың бойындағы адамгершілік қасиеттерді ынталандыру;

-оқушыларды өз-өзіне және айналасындағыларға жақсылық жасап жүруге үйрету арқылы адал болуға тәрбиелеу.

-ой белсенділігін,өз ойын еркін жеткізе білу дағдысын арттыру.

      Әдіс-тәсілдері:әңгімелесу,түсіндіру,оқулықпен жұмыс,ойын,сұрақ-жауап,интерактивті әдіс.

      Қажетті оқу құралдары:оқулық,дәптер,түрлі суреттер.

Сабақ барысы:

1.Көңілашар

ØБалалар,мен сендерді ортаға шақырамын.Мына өлеңді айтып үйренейік.

        Шындықты сақтаймыз,                            Өрге баспас өтірік,

        Шыншылды жақтаймыз.                          Шындықты тек айтамын.

        Достықты дәріптеп,                                  Өз бойымнан бүгін мен

        Шығарып мақтаймыз.                              Шыншылдықты байқадым