«Шуағын шашқан - аялы алақан»
Жүргізуші:
Шуақты көктем келді гүлін алып
Көктемнің мерекесі бүгін анық.
Өмірдің көктемі де, гүлі – Аналар
Ана деп бас иеді күллі халық.
Біз ғана емес, қадір тұтқан бабалар
Аналардан туған небір даналар.
Ана деген тіршіліктің тірегі,
Армысыздар, қасиетті аналар!
Қош, келдіңіздер! Аяулы аналар,әжелер,қызғалдақ
қыздар, қадірлі ұстаздар! Көңілдеріңізге көктем шуағындай сезім мен нұр құйып,
8 – наурыз Халықаралық әйелдер мерекесі де келіп жетті. Көктемнің шуақты
күндерімен қатар келіп жатқан төл мерекелеріңіз құтты болсын! Осынау көркем
мерекесін қай кезде де орны бөлек. Олай болатыны, аналарға ыстық сезім, алғыс
пен құрмет ешқашан сөнбек емес. Олар - өмірдің гүлі, көңілдің жыры, әр
отбасының алтын діңгегі. «Шуағын шашқан - аялы алақан"» атты
ертеңгілігімізге қош келдіңіздер!
Көңілің Алатаудың ақ қарындай,
Мейірімің күннің шуақ шақтарындай.
Қалайша аяулы ана тына алармын,
Ән болып сағыныштан ақтарылмай.
Енді алдарыңызда балаларыңыздың өнерлерін
қабыл алыңыздар.
Санжар
Біз доспыз гүлдермен,
Текке оны жұлмаймыз.
Той күні бір - бірден
Аналарға сыйлаймыз.
Дарина
Сенен өскен балалар,
Батырлар мен даналар
Құттықтаймыз мейраммен
Құрметті біздің аналар.
Құралай
Ақ анашым, аппағым,
Өзің жайлы тақпағым
Өзің жайлы әнім де,
Арнадым саған бәрін де.
Мадиана
Шашымды өріп тараған,
Қабағыма қараған
Үлкен кіші демейді
Сыйлайды оны бар адам.
Альбина
Ана– жұмақ, мен – шуақ, саябағы
Ана – шырақ, мен – сұрақ санадағы.
Ана – теңіз, мен – қайық тербетілген,
Ана – бұлақ, мен – құрақ жағадағы.
Қайсар
Ана біздің күніміз,
Ана біздің гүліміз.
Ұланды ана қуантып,
Ұзақ өмір сүріңіз.
Аяулым
Ақыл құйған санама
Күннен артық расында
Күн алыста, ал анам
Ылғи менің қасымда.
Жүргізуші:
– Жарайсыңдар балалар, бүгінгі
тақырыбымызға байланысты мен сендерге жұмбақ жасырғым келіп тұр. Шешуін таба
аламыз ба?
Бала,бала,бала деп
Түнде шошып оянған
Түн ұйқысын төрт бөліп
Түнде бесік таянған
Бүл кім?
Балалар: Ана,ана,ана.
Жүргізуші:
Тамаша, өнерлі екенсіңдер.Ал балалар
сендер үйде ата-аналарыңа көмек тесесіңдер ме? Шындарыңды айтыңдар ! Қазір мен
аналарыңнан сұраймын.
1. Күні бойы ойнай беретін, ойнап болған
соң ойыншықтарын жинауға ерінетін, дым істемейтін, жалқау бала бар ма сіздерде?
Аналары: Жоқ, жоқ!
2. Ал, тәңертең ерте тұрып, мектепке өзі
киінетін, үйде анасына көмектесетін әдепті, тәртіпті бала бар ма сіздерде?
Аналары : Бар,бар!
Жүргізуші:Жарайсыңдар
балалар, Осы біздің ардақты аналарымызға ән орындап берейік.
«Ақ мамам»
Жүргізуші:
Бүгін біздер құрметті де ардақты әжелерімізді ерекше атап құттықтаймыз!
«Қариясы бар үйдің қазынасы бар» – деп халқымыз текке айтпаған,балаларымыздың
әжелеріне арналған тақпақтарына кезек берсек
Мадиана
Өзің мені өсірген
Айналайын ақ әжем
Тентек болсам кешірген
Ауырмашы ,ай әжем
Санжар
Әже деген көп шығар
Әжемдей менің жоқ шығар
Мейірімді бұл кісі
Қандай ғажап күлкісі
Құралай
Немересін жанындай
Әжем жақсы көреді
Қонаққа барса ұмытпай
Кәмпит әкеп береді
Альбина
Тірегі болып жанында
Бірге еріп жүремін
Жанашырым жанымда
Тек әжем деп білемін
Дарина
Ақ әжемді арқашан
Сыйлап жақсы көремін
Қуантайын деп оны
Өлең айтып беремін
Аяулым
Аналарды сүйеміз,
Сөзін ойға түйеміз.
Әжені де ардақтап,
Әдеппен бас иеміз.
Қайсар
Әжемді мейрамымен құттықтаймын,
Айтатын ән, беретін гүлім дайын.
«Әжетай сені жақсы көремін» деп .
Ақырын құлағыңа сыбырлаймын.
Ал құрметті әжелермен,аналар сіздер үшін
балалардың орындауында Вальс биі.
Жүргізуші:Жарайсыңдар,ал
келесі тамашалайтындарыңыз Құралайдың орындауында Ертегілер әні.
Енді біз құрметті аналар сіздермен ойын
ойнайық
Тосын сый ата - аналарға арналған. (ойын)
2 шарт орындалады.
1. 5 ата - ананы шығарып 5 шарды жарып
ішіндегі сұраққа жауап береді.
2. Ата - аналардың сипап сезу мүшелеріне
сүйеніп, өз балаларын тауып алсын.
Келесі сыйлығымыз Гамгамстайл биі қабыл
алыңыздар.
Жүргізуші: Жарайсыңдар
балалар, енді біз ән қонақтарымызға орындап берейік.
Ойын: Ананың даусын тану.
Жүргізуші қатысушыларға альбом парағына
алақанын салып, оған жан бітіру керектігін ұсынады. Алақанға ауыз, көз.....
салу. Саусақтарын бояу. Әрбір саусаққа ерекше есімдер ойлап тауып жазу. Соңында
неге олай аттағандықтары туралы айтып беру.
Жүргізуші:Құрметті
әжелермен,аналар сіздер үшін балалардың орындауында би.
Жүргізуші:
Жарайсыңдар балалар,керемет өнер көрсетіңіздер.
Ана –барлық қиындықты жеңетін сарқылмайтын
күш,тіршіліктің қайнар бұлағы.Қазақ әйелінің дастарханы тоқ,қонағы ырза,дүниесі
түгел. Олар үшін бірінші орында отбасының берекесі тұрады.Бөбегін бесікке
бөлеп,әлдилеп аялаған ана бақыт құшағында емес пе?!
Бір өзіңнен бастап өмір жолдарын,
Жүрегіңе,жүрегімді жалғадым.
Өзің мына сыйға берген өмірде
Ақ сүтіңді ақтап өту-арманым.
Барша ана,құтты болсын мерекеңіз
Әрқашанда ана сізбен берекеміз.
Ақтасақ ақ сүтіңді,асыл анам.
Сонда біз кісілікке теңесеміз.
Құрметті қонақтар ,біздің «Шуағын шашқан -
аялы алақан» атты мерекелік кешімізді көңіл қойып тамашалағандарыңызға көп-көп
рахмет.
Демеңіз біз өнерді аяп қалды,
Мезгіл де біраз жерге таяп қалды.
Қош болып тұрыңыздар көріскенше,
Осымен концертіміз аяқталды.
Ал енді сөз кезегі мектеп директоры
Темірлан Нұрлановичке беріледі.
Оставьте свой комментарий
Авторизуйтесь, чтобы задавать вопросы.