Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Классному руководителю / Другие методич. материалы / Сынып сағаты " Білім көзі - кітапта"

Сынып сағаты " Білім көзі - кітапта"


  • Классному руководителю

Поделитесь материалом с коллегами:

Өзiн-өзi тану сабағының жоспары


Мектеп: Өзін-өзі тану гимназиясы Мерзiм: 26.02.15ж

Тақырып: Жүрек жылуы

Құндылық: Сүйіспеншілік

Қасиеттер: Қайырымдылық,мейірімділік,қамқорлық

Мұғалiм:Ауезаитова Ж. Т. Сынып: 2 «Ә» Оқушылар саны: 16

Сабақтың мақсаты: Оқушылардың «қайырымдылық», «мейірімділік» құндылықтары туралы түсініктерін кеңейту.

Міндеттері:

  • қуаныш сезімінің адам өміріндегі мәнін түсіндіру;

  • өзара жағымды қарым-қатынас жасау іскерліктерін дамыту;

  • мейірімділікке тәрбиелеу.

Сабақ барысы:

І. Ұйымдастыру кезеңi.


Тыныштық сәті

СУ АСТЫ ПАТШАЛЫҒЫНА ОЙША САЯХАТ.

Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр.

Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет.

Жан - жағыңызға қараңыз: мұнда кемпірқосақ тәрізді арлы - берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз. (Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

ІІ. Үй тапсырмасын тексеру. Мәтіннің суретін көрсету.

«Жай ғана әжей» мәтінін әңгімелеу.

В. Осеева

1. Сендердің осындай оқиғаға кездесулерің мүмкін бе?

2. Бұл оқиғадан не үйрендің?

3. Жақсылықты біз тек таныстары мызға ғана жасауымыз керек пе?

4. Абзал мен Айнұрдың ой-пікірлері туралы не айтасыңдар?

ІІІ. Әңгiмелеу:

Жақсы ата

Е. Шайқыұлы

Ерасыл биыл төртке толады. Оның туған күніне атасы мен әжесі әдемі шана сыйлады. Бірақ ол өздігінен жүре бермейді. Міндетті түрде бір адам сүйреу қажет. Ал ондай адам көбіне-көп табыла бермейді.

Міне, бүгін де шанасын сүйретіп, өзін ойнататын адам таппай әлекке түсті. Мамасына айтып көріп еді. Ол:

-Қолым тимей жатыр, - дегеннен аса алмады.

Әкесі:

-Өзің ойнасаңшы, - деп сылап-сипап шығарып салды. Ендігі үміті әжесінде болатын. Әшейінде айналып-толғанып отыратын әжесі есеп-қисап шығарып өз бөлмесінен шықпай қойды. Ерасыл ызасы келіп, жыларман болды. Мұның бәрін сырттай бақылап отырған атасы:

-Ерасыл, жүре ғой, құлыным. Мен сені шанаға сүйретіп, мұзға сырғанатып, аққала жасатып ойнатып келейін, - деді .

Ерасыл мұндай қуанбас. Сол күні атасы екеуі әбден құмары қанғанша ойнады. Сырғанақ тепті, аққала соқты, шанаға мініп қырдан оқша зулады. Үйге қайтып келе жатып атасына:

-Ата, бұл дүниеде сізден өткен жақсы ата жоқ, - деді көңіліндегі қуанышын жасыра алмай. -Құлыным, мен де әлемді жеті айналсам да сендей балдан тәтті немере таба алмаспын, - деді мейірленіп.

Сұраққа жауап:

1.Атасы мен әжесі немересіне не сыйлады?

2.Ерасылдың неліктен ызасы келді?

3.Атасы Ерасылға қандай ұсыныс жасады?

4. Немересі атасына ризашылығын қалай білдірді?

5. Атасының немересіне деген жылы жүрегі қалай байқалды?

6. Мейірімділік деген не?

7. Қалай мейірімді болуға болады?

G:\Жанат Турсыновна фото өөт\SAM_0848.JPGG:\Жанат Турсыновна фото өөт\SAM_0776.JPG

ІV. Дәйексөз.

Қайырымды іс жасасаң, қайырлы болар әр ісің.

Халық нақылы

Бұл сөзді қалай түсінесіңдер?




V. Шығармашылық жұмыс, топтық жұмыс, дәптермен жұмыс


Мұғалім оқушыларды екі топқа бөледі. / Мейірімділік және сүйіспеншілік /

1-тапсырма / 2 минут /

1-топқа: Дәптердегі 28-беттегі тапсырма.

2-топқа: Дәптердегі 29-беттегі тапсырма.

2-тапсырма / 2 минут /

Алдарындағы суретке өздерінің жақсы тілек, жылы лебіздерін жазу.

Суреттерін тақтаға іліп қорғау. Әр топтан бір оқушы шығып қорғайды.

3-тапсырма Жағдаяттарды шешу.

а/ Сені сыныптасың ауырып сабаққа бірнеше күн келе алмады. Сендер не істейсіңдер?

ә/ Сенің досың сурет сабағына керекті түсті қарындаштарын үйде ұмытып кетті. Сен оған қалай көмектесесің?

б/ Бір кішкентай қыз құлап аяғын жарақаттап алды.Ол қыз үшін сен не істей аласың?

в/ Көршіңнің күшігі жоғалып кетті. Сен қол ұшыңды қалай бересің?

G:\Жанат Турсыновна фото өөт\SAM_0824.JPGG:\Жанат Турсыновна фото өөт\SAM_0843.JPG


VІ. Топпен ән айту.

Балдырған

Сөзін жазған: Р. Архабаева

Әнін жазған: А. Асанов

Біз кішкентай балдырған,

Қылығымен таң қылған.

Біздің орта көңілді,

Отты үрлеп жандырған.

Қуыр-қуыр, қуырмаш,

Балдырғанға құлақ ас.

Секір, жүгір, тоқтама,

Ой болмасын жасырмас.

Балдай тәтті балдырған,

Құмарыңды қандырған.

Өнер тамған саусақтан,

Жоқ нәрсені бар қылған.


Біз бақытты балдырған,

Ыршып аяқ талдырған.

Сөздің сырын түсінбей,

Не бір сұрақ жандырған.

VІІ. Үйге тапсырма.

М. Сүндетовтың «Қайырымдылық» әңгімесін оқып, әңгімелеп келу. 91-94-беттер.

VІІІ. Соңғы тыныштық сәтi. Үнтаспадан тыңдау.

Жүрек жылуы

Ж. Әділжанқызы

Жан-жағына нұр шашып

Арайлап жарқын таң атса,

Жер бетінде жайқалып,

Көгеріп өссе көк майса,

Жүрегім жыли бастайды.


Оралғанда сапардан

Алдымнан жақын жан шықса,

Кездескенде достарым

Құшағын маған кең ашса,

Жүрегім жыли бастайды.

Сабақ аяқталды. Сау болыңыздар!

Бағалау.Сабаққа қатысқандарыңыз үшін рахмет!

G:\Жанат Турсыновна фото өөт\SAM_0832.JPGG:\Жанат Турсыновна фото өөт\SAM_0800.JPG

G:\Жанат Турсыновна фото өөт\SAM_0863.JPG




Автор
Дата добавления 04.01.2016
Раздел Классному руководителю
Подраздел Другие методич. материалы
Просмотров150
Номер материала ДВ-304784
Получить свидетельство о публикации

Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх