6 сынып сабақ жоспары Денсаулық зор байлық тақырыбы

Өзін-өзі тану» сабағының жоспары

Мектеп: №2 Аманқарағай орта мектебі                            Мерзімі:24.02

Сабақтың тақырыбы: Денсаулық – зор байлық

Мұғалім: Мұхтарова Д.Д

Сынып: 6                      Оқушылар саны: 21

Құндылықтар: Ішкі тыныштық 

Қасиеттер: төзімділік, адалдық, пәктік

Мақсаты: - оқушыларға жан саулығының тән саулығына әсері туралы түсінік беру арқылы «ішкі тыныштық» құндылығының мәнін ашу. Міндеттері: - оқушыларға адам денсаулығына ой тазалығы мен таза ниеттің,төзімділіктің  әсері туралы түсінік беру; - оқушылардың жағымды ойлай білуіне, адалдық қасиеттерін дамытуға ықпал ету; -  оқушыларды  төзімділікке, адалдыққа, пәктікке  тәрбиелеу.	Ресурстар: Слайд, дәптер, дыбыс жазба, А4 қағазы, қарандаш
Сабақ барысы: Ұйымдастыру кезеңі.  Тыныштық сәті.Орманға саяхат Үй тапсырмасын тексеру
Дәйексөз «Сау дене, азат ақыл, адал көңіл – үшеуімен болады бақытты өмір». Әйтеке би Дәйексөзді қалай түсінесіңдер? Дәйексөзді барлығымыз бірге қайлап айтайық, содан соң дәптерге жазып алыңдар.
Әңгімелесу. Мұғалім сыйы Мына бір аңыз-әңгімеге құлақ салыңдар. Ертеде бір шаһарда мейірімді, дана қарт өмір сүріпті.Күндердің күнінде саудагерлер сату үшін шаһарға темекі алып келіпті. Шаһар тұрғындары бұрын көрмеген тауарды қызық көріп, саудагерлерді жапырлап қоршап алады.Саудагерлер: Керемет жапырақ! Құдіретті жапырақ! Барлық ауруға ем болады! Алған да арманда, алмаған да арманда! Келіңдер! Дәмін татып көріңдер! – деп жар салады. Дана қарт адам басын айналдыратын осы бір өсімдікті жақтырмай қалады. Ол жиналып қалған қауымға: Алыңдар! Бұл «құдіреттің» басқа да пайдалары бар: темекі шеккен адамның үйіне ұры түспейді, ит қаппайды және де ол ешқашан қартаймайды,- депті. Саудагерлер қуана кетіп: Айтқаныңыздың бәрі рас. Бірақ «құдіретті» жапырақтың мұндай қасиеттері бар екенін сіз қайдан біліп қойдыңыз?! – деп, таң қалады. Темекі шегетін адамның үйіне ұры түспейді, өйткені ұрылар түнде тыныш болғанын жақсы көреді. Ал темекі шегетін адам түнімен күркілдеп жөтеліп, ұйықтамайды. Көп ұзамай темекі адамның денсаулығын әлсіретеді де, адам тез қартайып, таяқпен жүруге мәжбүр болады. Таяқпен жүрген адамға қай ит жоласын?! Ол адам ешқашан қартаймайды, себебі жасына жетпей көз жұмады... Аңырап қалған жұрт ойланып қалады... Талдау сұрақтары: Өзгелерге зиянды заттарды ұсынатын адамдар үнемі шындықты айта ма? Кейбір адамдар неліктен темекіге,ішімдікке әуес болады? Зиянды нәрселерден қалай бас тартуға болады? Зиянды заттардың адам денсаулығына қаншалықты қауіпті екенін білесіңдер ме?
Шығармашылық жұмыс 1-тапсырма Нақыл сөздерді өз ойларыңмен толықтырыңдар: ·         Тәртіп пен еңбек - ... кепілі. ·         Жақсы күлкі - ... сенімді белгісі. ·         Әдемілік - ... жемісі. ·         Сергек әрі жайдарман көңіл-күй - ... ең жақсы шипалы дәрі. ·         Ден шынықтыру ойындары ... жәрдем етеді. 2-тапсырма 1.      Темекі зақымдайтын адам ағзасының мүшелерін жазып суретін салыңдар. Қорытынды бөлім. Түйіндеме Салауатты өмір салтын сақтап, ұзақ өмір сүргісі келетіндерге кеңес: ·         Ұстанымың – салауатты өмір салты болсын және оны бұлжытпай сақта; ·         Денсаулығыңды жастайыңнан сақта; ·         Әркез мейірімді, ұстамды, сабырлы, ақылды бол, мазасыздық пен әбіржу жүрекке күш түсіреді; ·         Жақындарыңды құрметте, ақыл-кеңестеріне құлақ сал, - олар сенің өміріңдегі басты құндылықтар; ·         Өзіңе қызықты, рухани жақтан қанағаттандыратын іс-әрекеттерді таңдап ал; ·         Таза ауада көбірек болуға тырысып, дене еңбегімен шұғылдан, ·         Уайым-қайғыға берілме, көңіл-күйіңді түсірме; ·         Қалыпты нәрсенің бәрі денсаулыққа пайдалы, ал шамадан тыс нәрсе – зиянды; ·         Жаның мен тәніңді мұқият тыңдай біл, оны сезін, зертте, сырына үңіл, үніне құлақ сал.
Топпен ән орындау «Бүгін қандай тамаша көңілді күн» әнін орындау
Үй тапсырмасы: Денсаулықтың он құпиясын талдау.
Соңғы тыныштық сәті Көзімізді жұмып,еркін отырайық. Енді бүгінгі өткен сабағымыздан нені түсіндік, қандай жақсы нәрселерді үйрендік, өзімізге нені алдық, сол жөнінде ойланайық. Осының барлығын жүрегімізге салып,көкейімізге түйіп алайық. Жайлап көзімізді ашайық.

Краткое описание документа:

Мақсаты: - оқушыларға жан саулығының тән саулығына әсері туралы

түсінік беру арқылы «ішкі тыныштық» құндылығының мәнін ашу.

Міндеттері:

- оқушыларға адам денсаулығына ой тазалығы мен таза ниеттің,төзімділіктің әсері туралы түсінік беру;

- оқушылардың жағымды ойлай білуіне, адалдық қасиеттерін дамытуға ықпал ету;

- оқушыларды төзімділікке, адалдыққа, пәктікке тәрбиелеу.