7 сынып "Театр және кино өнерінің тарихынан"

Қазақ тілі                  Сынып: 7             Күні: 

Тақырып: Театр және кино өнерінің тарихынан
Сабақтың мақсаты: Оқушылардың білім деңгейін көтеру, ұжымдық түрде білім алуға баулу, сөздерді өзара байланыстырып, ойды жүйелеп айту дағдысын қалыптастыру, грамматикалық тақырыптармен ұштастыру.
Міндеттері:1. Білімділік: Жалпы театр, оның ішінде Қазақ театры туралы алған білімдерін жетілдіріп, алған білімдерін тәжірибеде қолдануға үйрету; Сөздік қорын молайту. (таныстыру; анықтама беру, түсіндіру, әр түрлі карталар мен сызбаларды түсініп оқуға үйрету; танымдық белсенділігін арттыру;)
2. Дамытушылық: Оқушылардың ауызекі сөйлеу тілдерін жаттықтырып, өз ойларын толық жеткізе білуге үйрету; сөйлеу әрекеті дағдыларын шыңдау; дүниетанымын кеңейту, сауатты жазуға, интерактивті тақтада белсенді жұмыс жасай алуға баулу.
3. Тәрбиелік: Қазақ театр өнерінің шеберлерін қадір тұтуға, өз заманымыздың озық ойлы, кең өрісті, мәдениетті азаматын тәрбиелеу.

Сабақтың типі: жаңа тақырыпты түсіндіру
Пәнаралық байланыс: әдебиет, орыс тілі, мәдениеттану, тарих.
Оқыту әдістері: шығармашылық ізденіс, сын тұрғысынан ойлау әдістері, баяндау, сұрақ – жауап. Сабақты толық меңгеру үшін дамыта оқыту, ақпараттық, модульдік технологияларды қолдану.(ауызша: әңгімелеу, хабарлау, дәріс, кітаппен жұмыс, пікірталас)

Көрнекілік: көрнекі құралдарды көрсету, көрнекі құралдарды дайындау әдісін, жұмыс істеу әдістерін көрсету және т. б.) тәжірибелік: тапсырмалар, жаттығулар орындау; тәжірибелік жұмыстар, жобалар жасау, орындау)
Сабақты жабдықтау: слайдтар, (дербес компьютер,)
Күтілетін нәтиже:
1. Жаңа сабақтың негізгі тақырыбын біліп, түсіну.
2. Алған білімдерін күнделікті өмірде қолдана алу.
3. Лексикалық тақырыптың мән - мазмұнынан ғибрат алу.
4. Грамматикалық тақырыпты түсіну арқылы сауатты жазу, ойын еркін жеткізе алу, тілдік қарым - қатынасқа түсу.
Сабақтың барысы:
І Ұйымдастыру кезеңі
- Амандасу;
- Оқушыны түгендеу;
- Кезекшінің рапорты;
- Сабақтың тақырыбын айқындау (сөздік жұмысы да осы арада жүргізіледі – жасырын сөздер: (театр киім ілгіштен басталады, театр ғимараты – здание театра, С. Сейфуллин атындағы қазақ драма театры, театр маусымы - театральный сезон);
1. Кіріспе сөз
- Сабақтың тақырыбын, мақсаты мен міндеттерін айқындап беру;
- Сабақ барысында атқарылатын жұмыстардың түрлері мен ретімен таныстыру;
ІІ. Негізгі кезең:
1. Үй тапсырмасын тексеру;
- Топ өткен тақырып бойынша өздері таңдаған Қазақстан жұлдыздары туралы мәлімет береді;
- Бір оқушы Қазақстан жұлдыздары туралы айтады;
- 1 - 2 оқушы сүйікті әнші жұлдызының өлеңін айтады.
Театр және кинотеатрлар туралы жалпы шолу: Оқытушы өткен сабақтың тақырыбымен жаңа сабақ тақырыбы арасындағы байланысты, жалпы театр туралы, оның ішінде қазақ театры жөнінде қысқаша мағлұмат беріледі. Сондай - ақ тақырыпты ашу барысында сұрақ - жауап, ой - түрткі әдістерін қолданылады. Жалпы театр әлемі туралы, кинотеатрлар туралы не білесіңдер?, не айта аласыңдар? - деген жалпылама сұрақтар болады.
Қосымша мәлімет ретінде мұғалім аудиотаспадан «Өнернама» бағдарламасынан алынған Асанәлі Әшімовпен жүргізілген сұхбаттан үзінді беріледі. Бұл аудиотаспа құлаққап арқылы тыңдалады. Тыңдалым арқылы студенттер түсінгендерін, есте сақтағандарын айтып беруі тиіс.
Сөздік:

Ұйымдастырыла бастады-стал организовываться

Жасөспірімдер театры-театр юного зрителя

Сазды-музыкальный

Сахна-сцена

Етістік райлары:  Ашық, Бұйрық, Шартты, Қалау

Жекеше түрі                                                                Көпше түрі

Дауысты	Дауыссыз	Дауысты	Дауыссыз
І.-йын, йін ІІ. 0 ІІ.ңыз, ңіз ІІІ. сыз, сіз	айын, ейін 0 ыңыз, іңіз сын, сін	йық, йік ңдар, ңдер ңыздар, ңіздер сын, сін	айық, ейік ыңдар, іңдер ңыздар, іңіздер сын, сін

1-тапсырма. Мәтінмен жұмыс («Қазақ тілінен жұмыс дәптері» - 150 бет):
     1926-1930 жылдары Алматыда, Ақмолада, Семейде, Петропавлда, Оралда, Қостанайда, бақса да қалаларда клубтар, халық театрлары ұйымдаса бастады. 1926 жылы қазақтың тұңғыш ұлттық театры ашылды. Театрды дарынды режиссер және артист Жұмат Шанин басқарды.

    1933 жылы Алматыда тұңғыш ұйғыр музыкалық драма театры, 1937 жылы Қызылордада корей театры ашылды.

    1930 жылы Қазақстан кино өнерінің де негізі салынды. «Ленфильм» студиясы арқылы 1938 жылы «Амангелді» киносы жасалды.

Сұрақтарға жауап бер:

Қай жылдары халық театрлары құрылды?

Қазақтың тұңғыш ұлттық театры қашан ашылды?

Ол театрды кім басқарды?

Ұйғыр драма театры және корей театры қашан және қайда ашылды?

Қазақ кино өнерінің негізі қашан салынды?

2-тапсырма:  Диалог бойынша өзара жалғастырып сөйлесіңдер.
Ұйымдастыру, білу етістіктерін бұйрық, қалау, шартты райларда жіктеңдер.

Бұйрық рай	Қалау рай	Шартты рай
І ІІ ІІ ІІІ

4-тапсырма. Сөз тіркестерінен сөйлемдер құраңдар.

    Қазақ өнері, театр сахнасы, өнер қайраткері, үлес қосу, есімі берілді.
5-тапсырма. Сөйлемдерді түсініп оқып, қарамен жазылған етістіктерді үш райға қойып жазыңдар.   Ашты

ІІІ. Қорытындылау:
1. Өнер туралы мақалдарды оқып, түсіндіру.
1. Ақыл көпке жеткізер,
Өнер көкке жеткізер.
2. Өнерлінің өрісі ұзақ.
3. Өнерлі жігіт өрде озар,
Өнерсіз жігіт жер соғар.
2. Пысықтау сұрақтары:
1. Балалар, бүгін біз қандай тақырып бойынша сабақ өттік?
2. Өздеріңе қандай әсер қалдырды бұл сабақ?
3. Сендерге сабақ ұнады ма?
4. Несімен ұнады?
5. Несімен ұнаған жоқ?
6. Келесі сабағымыздың қалай өтетінін қалар едіңдер?
ІV. Үй тапсырмасы:
Сөздікті, ережені жаттап алу. 6-тапсырма бет 82
V. Бағалау