1 | Сыныбы, мұғалімі, күні | 9б, Сынып сағаты С.Мұстафаева |
2 | Сабақтың тақырыбы | «Ер жеткен уақытта әке-шешемізге қалай көңіл бөлеміз?» |
3 | Жалпы мақсаты: | Оқушылардың бойында ата-анаға деген ерекше жылы сезім қалыптастыру, ата-ананың бала өміріндегі ролін түсіндіру, ата-ананы құрметтей, сыйлай білуге тәрбиелеу.
|
4 | Сілтеме: | Баспасөз материалдары, интернет желісі |
5 | Әдіс-тәсілдері: | СТО, талдау, АКТ |
6 | Сабақтың нәтижесі: | Ата-ананың алдындағы жауапкершілікті түсінеді, құрметтеуге үйренеді.
|
7 | Іс-әрекеттің түрлері: | Мұғалімнің іс-әрекеті: Топқа бөлу Тапсырма түрлерін дұрыс ұйымдастыру Бақылаушы, бағалаушы қызметін атқару.
| Оқушы іс-әрекеті: 1.Топта бірлесіп жұмыс жасау 2.Берілген тапсырмаларды түгелдей қамтып орындайды. |
8 | Ұйымдастыру кезеңі: | Оқушыларды түс таңдау бойынша үш топқа бөлу, жүректен-жүрекке бір-біріне жақсы тілектер айтқызу. | Оқушылар топқа бөлінеді, бір-біріне сәттілік тілейді. |
9 | Білу: | Оқушыларға бүгінгі талданатын тақырыпты айту «Ер жеткен уақытта әке-шешемізге қалай көңіл бөлеміз?» Ата-ана - әрбір адамның қайтып соғар қазығы. Оған деген сүйіспеншілік тек жүректен шығу қажет. Әсіресе, тіршіліктің қайнар көзі, махаббаттың шуақ күні, мейірімнің кәусар бұлағы – Ана есіміне қатыссыз дүниеде ештеңе жоқ. Халқымыздың байырғы ұғымында баланың ата-ана алдындағы парызын өтеуі «Ана сүтін ақтау» деп аталады. «Әкеге бағыну – тәңірге бағыну» деп әкені одан бетер дәріптеген. Ендеше бүгінгі тәрбие сағатымызда адам өмірінің мәні мен сұлулығы, адамның келешегіне сенімділігі – баланың ата-анасын ардақ тұтып, өзінің перзенттік парызын бір сәтке де есінен шығармауына арналады..
| Оқушылар берілген тақырып бойынша жұмыс жасайды. |
10 | Түсіну: | Оқушыларға интербелсенді тақтада бейнеролик көрсету. Тапсырма: осы көрініс бойынша кім қандай ой түйгенін айтқызу.
Слайдтарда берілген сұрақтарға назар аудару. Оқушылардың осы сұрақтар төңірегінде ой түйіп отыруларын ескерту. | Бейнероликтен көрсетілген көрініс бойынша сөйлеуге дайындық жасайды. Оқушылар көріністі өмірмен байланыстыра отырып талдау жасайды.
|
11 | Қолдану: | Әр топтың осы тақырып бойынша дайындап келген тапсырмаларына кезек беру. Оқушыларға көрсетілген бейнероликтер бойынша ой толғау жаздыру. | Слайдтар, бейне көріністер бойынша тақырыпты талдайды.
|
12 | Талдау: | Оқушылардың ата-ана алдындағы парызы туралы пікірлерін айтқызу 1. «Баламның табанына кірген шөңге менің маңдайыма кірсін» - дегенді қалай түсінесіңдер? 2. «Анаңды Меккеге үш рет апарып келсең де ана сүтін ақтай алмайсың» - дегенді қалай түсінесіңдер? 3. Ата-ананың үміт – арманы баламен бірге жасайды дегенді қалай түсінесіңдер? | Берілген іс-тапсырмалар бойынша өз ойларын айтады.
|
13 | Жинақтау | Шын мәнінде, әлемдегі ең ұлы ақиқат – ата-ананың балаларына деген мейірімі. Бүкіл ғұмырларын балаларының бақыты үшін құштарлықпен пида еткен ата-ана қандай құрметке де ең лайық жандар. Олай болса ар-ожданы ояу әрбір перзент осындай өзіне адал берілген шынайы жанашырларға құрмет көрсетіп, сыйлап, қызмет жасап, олардың ризашылығын алуы керек. Ұлағат сөздермен таныстыра отырып, оқушылардан осы сөздердің мағынасын сұрау. Баланың жақсысы – қызық, жаман күйік.
Абай Ата-ананы ұмытқан жас – опасыздың опасызы, рақымсыздың рақымсызы.
Ғ. Мұстафин Ата-ананың қадірін білмеген – халық қадірін білмес.
Ғ. Мұстафин Ата-анаға ауыр сөз айтпа,
Атыңа ауыр жүк артпа Атасы тұрып ұлы сөйлегеннен без,
Анасы тұрып, қызы сөйлегеннен без
| Оқушылар ұлағатты сөздер бойынша өз ойларын білдіреді.
|
14 | Рефлексия | Сонымен балалар біз бүгін сендермен бірге үлкен тақырып аясында ой бөлістік.Білмеген- дерімізді бір-бірімізден үйреніп білдік.Ата-ана ардақтау хақында айтылған хадистерді оқып талдадық.Осының барлығы ата-аналардың арқасы. Ол үшін алдымен ата-анамызды ардақтап,құрметтеп,сыйлау біздің басты міндетіміз екенін ұмытпайық. Ұл-қыздың міндеті – ата-ананы риза қылып, үнемі батасын алуы. Сол кезде үлкендердің мерейі өсіп, ұл-қыздың мерейі өспек. Оқушылардың бүгінгі сабақ туралы пікірлерін айтқызу.
| Кері байланыс жасау
|
Оставьте свой комментарий
Авторизуйтесь, чтобы задавать вопросы.