Сыныптан тыс шара "Бастауыш қарлығаштары" 4-сынып

Бастауыш – қарлығаштары!

Мақсаты: Білімнің сара жолы мектептен басталатынын, білімнің кең дүниеде өмірге есік ашатынын сезіндіру. Білімге деген құштарлығын арттыру, оқуға, білімді болуға шақыру. Мектепті, яғни білім ордасын, ұстаздарын құрметтеп, еңбекті бағалай білуге тәрбиелеу. Ата - анасының, Отанының адал ұл - қызы болуына жетелеу, тәрбиелеу. Бастауыш сыныбымен, білімнің алғаш есігін ашқан ұстаздарымен қоштаса отырып, жоғары сынып мұғалімдеріне әр баланы өз ерекшелігімен таныту, сәт – сапар тілеп табыстау.
Түрі:ертеңгілік
Көрнекілігі: «Менің сыныбым» презентациясы, шарлар мен гүлдер т. б
Барысы:
Залда А. Еңсеповтің күйі «Балалық шақ» әуені ойнап тұрады.
1-жүр. Иляс:

- «Сәлем – сөздің анасы» - демекші, армысыздар, аяулы ұстаздар мен ақ жаулықты аналар, ардақты әкелер!

2-жүр. Дильназ:

 Армысыздар, мұғалімдер әз жандар
Білім іздеп, инемен құдық қазғандар!
Құшақ жая қарсы аламыз сіздерді
Би билеп, ән де бүгін шырқалар!

3-жүр. Аслан:

Қоштасу тойын тойлайық,

Ән мен биге басайық,

Құрметіне бұл тойдың

Ән мен шашу шашайық!

4-жүр. Нұрай:

- Сонымен, « Бастауышым - бақытты шағым» атты ертеңгілігімізді бастауға рұқсат етіңіздер!

Ән:

1-жүр. Иляс

-«Бір күн таныстыққа, қырық күн сәлем» демекші, біз осы қай мектепте оқимыз?
2-жүр.Дильназ:
- «Мектеп – ғылым патшасы» емес пе? Мен Бобровка орта мектебінде оқығаныма өте қуаныштымын. «Оқу білім – бұлағы, білім - өмір шырағы» - деген,  бұл мектеп талай жас бүлдіршіндерді білім нәрімен сусындатып, азамат қатарына қосып келеді.

Нұрай:
- Міне, біздің де осы киелі шаңырақтың табалдырығын аттағанымызға да 4 жыл болыпты.
Ән:                                         (Мектеп туралы)

1-жүр.Иляс:

Болмасаң да ұқсап бақ,

Бір ғалымды көрсеңіз.

Ондай болмақ қайда деп,

Айтпа ғылым сүйсеңіз,-деп Абай атамыз айтқандай ата-баба жолын қуып, Төле би, Қаз дауысты Қазыбек би, Әйтеке би, Абылай хан тағы басқа қазақтың шешендері мен хандарынан үлгі алып жүрген балаларыңыздың өнерін тамашалаңыздар!

Асылнұр:

-Е, жырауым қазына кімде?

Әлішер:

-Бізден сөз кетті ғой, өзің айта берсеңші!

Асылнұр:

-Мен айтсам қазына байда, басқа кімде болушы еді?

Әлішер:

-Е, е, білмедің! Үш рет жұт болса, байда қазына қалмайды, үш рет жау шапса, ханда қазына қалмайды. Қазына - білімнің  басында.

1-оқушы

Бастауышта түрлі пәндер оқыдық

Ойға білім тоқыдық

Көрсетеміз сіздерге

Не үйрендік? Не білдік?

2-оқушы:

Ойланып есеп шығарып

Төрт таңбаны білдірген

Ғылымдардың патшасы

Математиканы сүйдім мен.

3-оқушы:

Жер байлығы көп екен,

Меңгеруді қолдайды

Осының бәрін білдірген

Дүниетану сабағы

4-оқушы:

Адамдықты үйреткен

Жамандықты жиренткен

Тілімізді ширатқан

Ана тілі -сабағы
Жүргізушілер:

1-ж.  Ілияс   Иә, ғұлама білгіш, ғалымнан,
                    Оқушы жас жалыннан
2-ж.   Дильназ  Аса ірі ойшылдан,
                             Президент, ақыннан,
3-ж.  Аслан       Ғарышкер ұлы батырдан,
                           Өнері тасқан актерден,
                           Мың бұралған бишіден
4-ж. Нұрай      Ой тербеткен күйшіден,
                          Оқыған жас - кәріден,
                           Оқушының бәрінен
Хормен: «Ұстаздарға мың алғыс!»
Ән: Ардақты ұстазым

3-жүр. Аслан:

      Үлкенді сыйлау – қазақ халқының ата салты. Үлкенді сыйлау ең алдымен әке мен шешеңді сыйлаудан басталады.
4-жүр. Нұрай:
Бала ата - ана ісінен көпті үйреніп қана қоймай, олардың тәрбиесін де бойға сіңіре біледі. Сондықтан баланы оқытуда  ата - ананың да еңбегі мол. Енді кезекте ата-аналарымыздың өнерін тамашалайық!

Көрініс: «Есеп» Баласы: Әке, кешегі шығарып берген есебіңіз түп түгер қате  екен.

Әкесі: Не дейді? Мүмкін емес!

Баласы: Ашуланбай-ақ қойыңыз, өзге балалардың әкелері де сол есепті шығара алмапты.

«Ең қиын сұрақ» Баласы: Анашым мен бүгін бүкіл сынып жауап бере алмаған  сұраққа жауап бердім.

Анасы: Өте жақсы балам, ол қандай сұрақ? Баласы: Сынып бөлмесінің терезесін кім сындырды деген сұраққа...

Би: 4-сыныбы

Ілияс:
Есіңде болар, мектепке алғаш келгенің,
Үрке қарап, есігін білім ашқаның.
Сол білімнің бұлағына шомылтқан
Ұстаздарды ұмытпағын, достарым!

Дильназ:  Қарсы алыңыздар!  Мектебіміздің  түлегі  Чакенова Айдана бізде қонақта.

Ән:

Би: 8- сынып

Нұрай:
Жаным толқып, лүпілдейді жүрегім,
Бойым өсіп, ойым толып, түледім.
Бірі құрбы, бірі шын дос біз үшін
Боламыз енді жоғары сынып түлегі.
Қорытынды:   Әуен ойнап тұрады.  Оқушылар шар, гүл ұстап шығып,  қол бұлғап ән айтады.