Сыныптан тыс жұмыс "Қамқоршы болу қаншалықты қиын" әлеуметтік сағат

Тақырыбы: «Қамқоршы болу қаншалықты қиын»

Мақсаты:  Қамқорлықтағы оқушылардың Қамқоршыларымен мектеп арасындағы қарым – қатынасты нығайту;

Қамқорлықтағы оқушы мен Қамқоршы арасындағы қарама – қайшылық жағдайды шешуге мектеп тарапынан көмек көрсету;

Өтілу барысы:

1. Ұйымдастыру.

Сәлеметсіздер ме? Құрметті қонақтар, Аяулы ата – аналар, мейірімі мол Қамқоршылар, ұстаздар және де біздің оқушыларымыз! Бүгінгі «Қамқоршы болу қаншалықты қиын» тақырыбында қозғап отырған ток – шоуымызға қош келдіңіздер. Қонақтармен, шақырылған қамқоршылармен таныстыру.

Қонақтарымызға құрмет, қошемет көрсетейік.

Қазақтың жақсы  қасиеттерінің  асылы мейірбандық, жомарттық, кеңпейілділік, бауырмалдылық бойларыңыздан табылып, осынау балаларымызға қамқорлық көрсетіп, жас ұрпақтың бойына адамгершілік, ізгілік, қамқорлық, қайырымдылық сияқты  асыл қасиеттерді сіңіріп, тәрбие беріп отырғандарығыз үшін бас иеміз.

Сіздердің қамқорлықтарыңызда балалар бар, соған байланысты  кез –келген қамқорлық «Аялы алақан»нан басталады. Сіздер баланың бақытты болуына жәрдемдесесіздер. Кез келген бала бақытты болуға лайықты. Бақытқа қол жеткізу, балаға – қуаныш, мейірім сыйлау сіздерден бастау алады. «Бақытқа апарар жол неден басталады» тақырыбы аясында назарларыңызға слайд ұсынамын!

Қамқоршы болу аналық мейіріммен тең! Балаға күлімсірей қараңыз, ол сізден әр кезде жылулықты, мейірімді  сезінгісі келіп жүреді, сонда сіз де, бала да бақытқа бөленесіз.

Жақсылық жасайық!

Әр адам бір – біріне өз қамқорлықтарын, көмектерін көрсетіп жатса, олардың бақытқа бөленері сөзсіз!

Адамдармен көп араластырыңыз!

Бала бақытты болу үшін жетістігі мол жандармен өмірге құштар адамдармен араласқан тиімді. Оның қанша досы болса, соншалықты қайырымды болып өседі. Достасуға бірінші қол созсаңыз сіз бала бақытқа бөлейсіз!
Жүрек жылуы!

Өзіңізді қоршаған ортаға көбірек сүйіспеншілікті жүрек жылуыңызды таратыңыз, Қамқорлығыңыздағы балаға, жанұяңызға, табиғатқа және өзіңіз жақсы көретін адамдарға да жүрек жылуын беріңіз.

Мейірімге толы аялы алақан!!!

Барлық мейірімділік жанұядан басталады, береке бірлік болса, сонда бұл отбасы бақытқа қол жеткізеді.
Қуан, күл, шаттық сыйла!

Өмірдегі қолайсыз жағдайларға ренжімеңіз, ол да бір сізге берілген сынақ деп қабылдаңыз. Балаға бақытты балалық шақ сыйлап, оның өміріндегі әр бір сәтті кезеңдеріне қуаныш, шаттық күлкі, жақсы көңіл күй сыйлай біліңіз, сонда сіз

Баланы бақытқа бөлейсіз.

Бұл өмірде бәрі дұрыс!

Өзіңізбен болған нәрсеге ризашылықпен қараңыз. «Сабыр түбі сары алтын» кешірімді, сабырлы болыңыз. Күйбің тіршіліктің соңында жүріп, күнделікті бала өмірінде болған оқиғаларға көңіл бөлмей, қойған сұрақтарына жауап беруге уақыт таппай жататын кездеріміз болады. Сол себепті, бір уақыт көңіл бөліп, балаңызға мейірімді сөз айтып, аялы алақаныңызбен маңдайынан сипап, өмірге қуаттандырып отырсаңыз міндетті түрде балаңыз сіздің үмітіңізді ақтап, сіздердің берген үлгі өнегелеріңізбен жақсы қалаулы азамат болып өсері сөзсіз.

Енді, «Қамқоршы болу қаншалықты қиын» тақырыбымыз төңірегінде әңгіме қозғасақ. Айталық,

1. Сізбен балаңыздың арасында қандай қарым – қатынас қалыптасқан? Сіздің балаңыз үмітіңізді қазіргі күнде ақтап жүр ме? Араларыңызда қандай қиыншылықтар бар?

2. Ана орнына ана болып отырған жандарсыздар, балалар әр түрлі жас кезеңдеріне байланысты түрлі дағдарысты өткеріп жатыр. Сондықтан бала мінезінің қалыптасуы сіздермен қаншалықты қиыншылықтарға әкеп соқтырады?

3. көбінесе ата – ана ретінде бала тәрбиелеуде сіздің қолданып жүрген әдіс – тәсілдеріңіз қандай? ( мадақтау, жазалау, жарыс)

Осы айтылған мәселелер төңірегінде мектептің педагог – психологінің ойын тыңдасақ. Бізге қандай ұсыныстар мен кеңестер айтатынына құлақ түрейік.

Ән:  «Әже»

Ортамызда сіздердің қамқорлықтарыңызда жүрген балаларыңыз отыр. Олармен бірге жандарына жақын сыныптас достары да отыр. Бала көп уақытын мектепте өткізгендіктен оның араласатын ортасы оның қалыптасуына тікелей әсер етеді. Досыңа қарап, өзіңді танисың демекші, сыныптастарың мен достарың туралы ойларыңды тыңдасақ. Қамқорлықтағы оқушылардың достарымен қарым –қатынасы туралы ой қозғау.

Ән: «Аяулы Ана»  

Жүргізуші: Бала өмірінде ең басты тәрбие көзі отбасынан басталса, мектеп тарапынан да бала тәрбиесіне көп ықпал жасалады. Мектеп пен отбасы ынтымақтастығы бала тәрбиесіне негізделген, сол себепті, мектеп тарапынан қатысып отырған қонақтарға  сөз кезегін берсек.

 Жүргізуші: Құрметті қамқоршы апалар, сіздердің балаларыңыздың білім алып отырған ордасы әрқашанда сіздердің балаларыңызға сапалы білім, саналы тәрбие беріп келеді. Бала болашағы үшін бір жақты қызмет ету аздық етеді. Сондықтанда сол балаларға отбасылық тәрбие беріп, қамқорлық жасап отырған сіздердің де еңбектеріңіз зор. Балаларымыз еліміздің қалаулы азаматтарs мен азаматшыларs болып өсуі үшін бірлесіп, ынтымақтасып жұмыс жасайық. Ендігі кезекті оқушыларымыздың сіздерге арнаған жүректерінен шыққан жылы лебіздерін қабыл алыңыздар!(Слайд пен музыка қосу)

Қорытындылау: Міне, сіздерге балаларыңыздың Аты жазылған күн бейнесіндегі парақшалар таратылады, осы күн сәулесіне балаларыңыздың бойындағы қасиеттерді, бала бойынан көргіңіз келетін арман тілектеріңізді жазып көк аспанымызға ілулеріңізді сұраймын. Ал енді, жазған ойларыңызбен бөліссек.

Осы бүгінгі іс – шарамызды қорыта келе, Бала біздің болашағымыз демекші, сіздер мен біз екі жақты байланысты үзбей, бала болашағы үшін бойымыздағы барлық жақсы қасиеттерімізді бала бойына  дарыта отырып, жұмыла іс жасайық. Дендеріңізге саулық, отбасыларыңызға бақыт тілей отырып, бүгінгі кешімізді аяқтаймыз. Балаларыңыз үміттеріңізді ақтайтын азамат пен азаматшалар болып өсуіне тілектеспіз!