Сыныптан тыс жұмыс "Біз тәуелсіз елдің болашағымыз" (1 сынып)

 «Біз Тәуелсіз елдің болашағымыз»

Сынып жетекшісі: Ауезханова А.Т

МАҚСАТЫ:

Оқушыларды Отанымызды сүйе білуге  және туған жеріне деген сүйіспеншілігін ояту. Елін, жерін, тарихын, тілін құрметтейтін жаны таза, адамгершілігі мол азаматты қалыптастыру. 
Көрнекілігі: ҚР рәміздері, суреттер, қанатты сөздер,  шарлар, слайд шоу
Халқымыздың жылдар бойы аңсаған ізгі армандары тәуелсіздігімізге қол жеткіздік.

Бүгін міне, тәуелсіздік мерекесіне орай өткізгелі отырған «Біз Тәуелсіз елдің болашағымыз» атты 1«Ғ»сынып оқушыларының сынып сағатына қош келдіңіздер!! 

Алаулаған алабынан нұр тамып,

Қазақ елін бүкіл дүние жүр танып.

Көк байрағың желбірейді төріңде,

Гимнің тұр көгіңде шырқалып.

(Қазақстан Республикасының Мемлекеттік Гимні орындалады)

Еліміздің егемендігіне ең алғаш қадам жасаған Желтоқсан оқиғасына, Тәуелсіздігімізге неше жыл толды?

25 жыл толыпты. Бүгінгі жарқын өміріміз сол ызғарлы күндердің жеңісті жемісі іспетті. 

Тәуелсіздіктің түп тамыры «Желтоқсан оқиғасына »тікелей байланысты екендігіне ешкім дау айта алмайды. «Түбін білмеген тексіз»деген қазақтың ғажап сөзі осындайдан шықса керек. Себебі, тәуелсіздіктің түп тамыры сонау бабалар ар намысынан туындап жатқан жоқпа? Бейбіт шеруге шығып,билік тарапынан кінәлі деп саналған жастарымыздың бір бөлігі қанды қырғында көз жұмса, аман қалғандары өздері аңсаған өздері аңсаған азаттықтың қызығын көруде.Уақыт емші деп өзімізді жұбатқанымызбен, қыршын кеткен аға-апайларымыз есімізге түскенде жан-жарасы жаңғырып, қайғының айықпас дертіне шалдыққанынды терең сезіне  түсесің.

Қайрат Рысқұлбеков, Ләззат Асанова, Сәбира Мұхамеджанова, Ербол Спатаев сынды қандастарымызды естен шығару мүмкін емес.

Осы аталған аға-әпкелеріміз  қазақ елін орыс ұлты басқарады дегенді естіп, жоқ, қазақ елін орыс емес, қазақ басқарсын деп,елім,жерім деп бейбіт шеруге шыққан.

Осы желтоқсан оқиғасы салдарынан қаза болған жазықсыз жазықсыз жастарымыздың рухына бас иіп, орнымыздан тұрып, бір минут еске алайық!

Бір минут үнсіздік.

1.Тәуелсіздік шежіресі
Слайд шоу арқылы жыл сандары мен видеодан үзінді көрсетіліп тұрады, әр бала жатқа ретімен айтады
1. 1991ж Тәуелсіздік алған жыл. 

2. 1992жылы Тәуелсіз Қазақстанға 1жыл толды. Осы жылды Тәуелсіз Қазақстан Республикасының Туы, Елтаңбасы, Әнұраны қабылданды.

3. 1993жылы 15қараша «Ұлттық валюта» күні деп аталып, алғашқы Қазақстан Республикасының теңгесі айналымға түсті. Оған атақты тұлғалар суреті басылып шықты.

4. 1995жылы 30 тамызда Қазақстан Республикасының «Ата Заңы» қабылданды. 

5. 1998жылы 6 мамыр Астана күні. Қазақстан Республикасының Астанасы бұрынғы Ақмола қаласына көшті. Бұл күнде Астана қаласы жаңа сәулетті, соңғы сәнмен көркейіп, өсіп келе жатыр. Астана қаласы еліміздің басты қаласына айналды. 

6.1999жылы 10 қаңтар Президент сайлауы өтті. Қазақстан Республикасының Президенті болып Н.Ә.Назарбаев сайланды. 

7. 2007жылы «Қазақ тілін қолдау» жылы. 

- 2016 жылы Тәуелсіздігімізге 25 жыл толды 

Мерекелеріңіз құтты болсын (барлығы бірге айқайлайды)

Балалар, енді осы тәуелсіз еліміз, туған жеріміз жайлы өлең жолдарын білеміз бе?

Қасиетті Қазақстаным мекенім,

Ақиқаттың алтын бесігі екенсің.

Елім, Жерім, Отаным, бақ-дәулетім,

Болашағым, өнер-білім, өркенім.

Қазағымның өркендеді елдігі,

Құрбан болған Тәуелсіздік жолында

Ағалардың ұмытылмас ерлігі

Ұлан-байтақ жеріңді

Бөтен ел таптамасын!

Ешқандай жау аттамасын!

Ие болып өзің туған жеріңе,

Жер-ана қызмет етсін еліңе.

Атом жарылмасын төріне

Ие болып қорғасақ,

Жетер анық, өзіңдікі өзіңе

Біздің жаққа жеткен екен жылы ағыс,

Егемендік-ел бақыты, ертеңі,

О, халайық құтты болсын қуаныш!

Далада думан, қалада думан, жыр бүгін,

Ғасыр бойы аңсап күткен бұл күнім,

Жасай бер, жаса

Қалдырған бақыт, бұлбұлым.

Тәуелсіздік тұғыры ғой бұл елдің,

25 жасың құтты болсын нұр елім.

25 жылда шықтың талай белеске,

Қазақстан жасай берші гүл елім.

Әрқашанда мақтанамын жеріме,

Кең байтақ еліме.

Ешбір қала тең келе алмас өзіңе

Тілеймін мен бейбітшілік еліме.

Туған жерді сүю-парыз,

Сүю үшін білу-парыз.

Қасиетін ұғу-парыз

Күзетіне тұру-парыз.

Құтты болсын тәуелсіздік мерекесі,

Мықты болсын елімнің мерекесі.

Тату-тәтті боп халқымыз әрқашан,

Кетпесін туған жердің берекесі.

Атыңнан айналайын егемен ел,

Тәуелсіз күнін бүгін кенеле бер.

Мейрамың құтты болсын тәуелсіздік,

Ғасырдың тойы болшы келе берер.

Өзіңдікі-Елің де

Өзіңдікі-Жерің де.

Өзіңдікі өзің еткен Бақ-Тәуелсіздік төріңде.

Тәуелсіздік елдеміз

Қуанамыз күнде біз.

Ата-бабам қалдырған,

Қазақтың біз батырымыз сенсеңіз.

Тәуелсіздік еліміз,

Мәңгі жасар еліміз.

Тәуелсіздік жасаған,

Аға, әпкелеріміз.

Бабамның да арманы,

Осы еді ғой аңсаған.

Тәуелсіздік таңдары,

Бақ береді баршаға.

Көк туымды қолыма,

Бүгін бері кұстадым.

Түсті бақыт жолыма,

Менің Қазақстаным.

Аралаймын алаңды,

Тәуелсіздік күнімен.

Батыр Қайрат ағамның

Суретіңе үнілем

Он алтыншы желтоқсан

Тәуелсіздік алған күн.

Мерекеге ел тосқан.

Шырқатып, ән салған күн.

Мерекеге шығады

Бүкіл халық біліп қой

Отандастар ұғады

Тәуелсізді кұлық той.

Тәуелсіздік биік болсын тұғырың

Тарылмасын терең алған тынысың.

Бұдан алған күндеріміз құрсын

Ұзақ болсын, ұзақ болсын ғұмырың.

Тұрағым Қазақстан елді мекенім,

Сүймеймін, сүйе алмаймын жерді бөтен.

Танытқан бар әлемге қазақ атын,

Туымды асқақтата желбіретем.

Әділ іс әрқашанда ақталады,

Ел үшін жанын қиған асыл жандар

Ел есіңде мәңгілік сақталады.

Қазағымның өркендеді елдігі,

Құрбан болған Тәуелсіздік жолында

Ағалардың ұмытылмас ерлігі

Көк туымды қолыма,

Бүгін бері кұстадым.

Түсті бақыт жолыма,

Менің Қазақстаным.

Отан дегеніміз не?
Ендеше барлығымыз «Отан» әнін  шырқайықшы

Ән «Отан»

1. Дүйсенбек Төреханның орындауында ән «Жүрегім қазақ»

2. «Қара жорға»биі

3. ән «Жас дәуірдің түлегіміз»

4. «Мектеп вальсі» би

5. Постермен жұмыс

Тәуелсіздік  деген сөзді қалай түсінеміз?

Еркіндік

Тәуелсіз ел

25 жыл

Өз байлығын өзі басқарады

Ешкімге тәуелді емес

Қорытындылау Міне, балалар бүгін өздеріңді Тәуелсіз елдің болашағы, нағыз азамат екендіктеріңді көрсете білдіңдер. Белгілі ақын: Жұбан Молдағалиев: 
Өткеніңді еске алсаң, 
Өскеніңнің белгісі. 
Өткеніңді ұмытсаң, 
Өшкеніңнің белгісі.-деген екен. 

Ендеше балалар,туған жерімізді ұмытпай, сүйіспеншілігімізді жоғалтпай, әрқашанда тәуелсіл елімізді мақтан етіп жүрейік
Тәуелсіздік мерекесі құтты болсын!!!
Құрметті ата-аналар, келіп тамашалағандарыңызға көп-көп рахмет.