1 сыйныф, әдәби уку.

Тема	Саңгырау тартык [ч] авазы. Ч,ч хәрефләре.
Дәреснең максаты	[ч] авазы белән таныштыру, Ч,ч хәрефләренең график формасын үзләштерү; яңгырау пары [җ]тартыгы белән чагыштырырга өйрәтү; аваз кушылмалары, сүз, җөмлә уку күнекмәләрен формалаштыру
Дәреснең бурычлары	“Бердәрәҗәле” сүз модельләре нигезендә бу авазны аерып алып әйтергә өйрәтү; һәр укучының басма текстны орфоэпик нормалараг туры китереп укуына ирешү;  укучыларның сөйләмен, логик фикерләвен, фонематик ишетеп таный белүен, игътибарлылыкларын үстерү;  укуга кызыксыну, уку хезмәте культурасы тәрбияләү.
Дәреснең тибы	Яңа белем һәм күнекмәләр формалаштыру
Планлаштырылган нәтиҗәләр	Предмет нәтиҗәләре: Ч,ч хәрефләрен танып белү, тартык [ч] авазын фонематик таный белү, аны әйтә белү, Ч,ч хәрефләре  кергән сүзләрне укый белү. Метапредмет нәтиҗәләр: -танып-белү универсаль уку гамәлләре: аваз белән аны белдерүче хәреф арасындагы бәйләнешне аңлау. -регулятив универсаль уку гамәлләре:; укытучы белән берлектә уку максатын кую, күсәтмәләрне истә тотып гамәлләр кылу, үзеңә бәя кую. -коммуникатив универсаль уку гамәлләре: иптәшеңне, укытучыны ишетә һәм тыңлый бһ.б.елергә, үз фикереңне төгәл әйтә белергә өйрәнү. Шәхсиятле нәтиҗәләр: укуга кызыксыну уяту.
Предметара бәйләнеш	Әйләнә-тирә дөнья, сынлы сәгать
Эш формалары	Фронталь, парлап, индивидуаль
Ресурслар	И.Х.Мияссарова һ.б. “Әлифба”, 76-78 нче битләр, “әлифба” укытучылар өчен методик кулланма, 87 бит, 93 бит; “Дәресләргә методик эшкәртмәләр җыентыгы 241-246 битләр, компьютер, презентация, карточкалар, хәреф өлгеләре

Дәресне оештыру структурасы

I.Оештыру өлеше, мотивация.

Елмаеп карагыз дөньяга,

Рәхәт бит яшәве, шулаймы?!

Елмаеп яшәсәң көн саен

Укырга, уйларга бик җайлы! Әйдәгез, бер-беребезгә елмаеп карыйк та, дәресебезне башлап җибәрик.

II. Белемнәрне актуальләштерү.(1,2 слайд)

1. Кыш турында әңгәмә.

2. Кар бөртекләреннән М У З Е Й сүзен җыю.

III. Уку максатын кую

1.     Музей почмагына куелган экспонатлар белән танышу: ЧАБАГАЧ, ОРЧЫК, СОСКЫЧ, ҮЛЧӘҮ, ӨЧАЯК, ЧЫРА, ЧАБАТА.

2.     Әлеге сүзләрдән чыгып бүгенге дәрестә нинди хәреф һәм аваз белән танышачагыбызны әйттерү.

IV.Яңа белемнәр ачу (3слайд)

1.     Сүзләрдәге  [ч] авазын таптыру, урынын билгеләү, нечкә, калын әйтелешле сүз икәнен әйттерү

V. Ял минуты.

- татар халык җыры “Чабата- тула оек” җырына бию хәрәкәтләре ясау

          2. Ч, ч хәрефе, [ч] авазы белән таныштыру (4 слайд)

3.”Бу әйбер кайда?” уенын уйнау (5слайд)

VI. Өйрәнгәннәрне ныгыту  (6,7,8.9слайдлар)

-         сыйныф бүлмәсенә кайту;

-         дәреслек белән эшләү;

VII. Укучыларнын белемнәрен тикшерү (10,11 слайдлар)

1.     Саңгырау [ч] авазының яңгырау пары [җ] авазы барлыгын искә төшерү;

2.     Бирем: [ч],[җ] авазлары кергән предмет рәсемнәрен сайларга;

VIII. Дәресне йомгаклау. Рефлексия (12 слайд)