Сочинение на тему "Кешелеклелек"

Кешелеклелек.

  Кеше туганда ук кеше булып туа. Ләкин кешелеклелек ул кешегә тумыштан ук бирелми. Башкаларга булышкан, явызлык эшләми торган, үзенең тирә - ягын яхшы якка үзгәртергә тырышкан, кешеләрне хөрмәт иткән кешене генә кешелекле дип атарга мөмкин. Кешелекленең кире сыйфатлары булып явызлык, яманлык, кешеләрне хөрмәт итмәү тора. Көнләшү дә шушында керә, чөнки көнләшү күп кенә бәхетсезлекләрнең чыганагы.

  Кешелексез кешеләр бу тормышта күпкә ирешә алмыйлар. Нинди генә әсәрне алсак та, анда төп герой итеп уңай сыйфатлы кеше алына һәм азакта, күп кенә киртәләр булуына карамастан, ул барыбер үзенекенә ирешә, явызлыкны җиңә. Мисал өчен “Кыйссаи Йосыф” поэмасын китетергә мөмкин. Бу поэмада Йосыф пәйгамбәр төп герой булып тора. Аның төп сыйфатлары булып тугрылык, сабырлык, гаделлек, шәфкатлелек. Агалары исә кире геройлар булып торалар. Аларның көнләшүе аркасында Йосыф коллыкка эләгә, төрмәдә утыра. Зирәклеге аркасында ул төрмәдән азат ителә, Мисыр хөкемдары була. Ул явызлык эшләүләренә карамастан, агаларын гафу итә, гөнаһларын кичерә. Шуның белән аның кешелеклелек сыйфатлары билгеләнә.

  Минем шуны әйтәсем килә: нинди генә ситуацияләргә очрасаң да, кешелекле булып калырга кирәк. Шуннан гына син аңардан чыга алырсың, кешеләрнең хөрмәтен яуларсың.                                                           

                                                              Гиздиханов Урал.

                                                                        9 класс.