Солтүстік Қазақстан тақырыбына Ашық сабақ жоспары

№2 «Балдырған» ересек топ балаларына арналған ұйымдастырылған

оқу іс-әрекетінің технологиялық картасы

Күні: 13.03.2017

Тәрбиеші: Кенжебаева Н.К.

Білім беру саласы: «Әлеумет»

Бөлімі: «Қоршаған ортамен танысу»

Тақырыбы: «Солтүстік Қазақстан –Туған өлкем»!

Мақсаты:

1.     Білімдік:Балаларға өз туған өлкесі жайлы көлемді мәлімет беру.Еліміз төрт бөлікке бөлінетіндігі жайлы айтып ,көрсетіп түсіндіру.

2.     Дамытушылық:Өлкеміздің басты байлықтары жайлы сөз қозғап әр қайсына жеке –жеке тоқталу.

3.     Тәрбиелік,экологиялық: Туған жеріміздің табиғаты мен қаламыздың сырт келбетіне зиян келтіретін іс-әрекеттер жасамауға дағдыландыру және бағыттау.

Қажетті құрал-жабдықтар: : Қазақстан Республикасының картасы,тақырыпқа сай презентациялар,жануарлардың қуыршақтары.

Қолданылатын әдіс-тәсілдер:Интерактивті тақта арқылы саяхат,көрнекілік заттар және суреттермен жұмыс.Ойлау қабілеттерін дамытуға бағытталған ойындар.Дәстүрдентыс, «Силевон», «Граттаж» әдістерін қолдана отырып сурет салу.

     Сөздік жұмыс:Оңтүстік,Шығыс,Батыс,Солтүстік.

     Пәнаралық  байланыс: «Сурет салу», «Сөйлеуді дамыту».

Іс- әрекет кезеңдері	Тәрбиешінің іс-әрекеті	Балалардың іс- әрекеті
Мотивациялық- Қозғаушылық Ұйымдастырушылық-ізденістік	Шаттық шеңбері:    -Балалар кәне баршамыз шеңберге тұрып бір-бірімізге алақан жылуын сыйлайық.Алақанымызды қатты-қатты үйкелесек алақанымыз жылынады сол жылуды бір бірімізге сыйға тартамыз.Бұл дегеніміз бір- біріңе жылулық сыйлау деп аталады.  -Көп рахмет балалар! - Балалар біз қай елде өмір сүріп жатырмыз?  - Қазақстан.  - Бас қаламыз Елордамыз қалай аталады?  - Астана.  - Біздің ұлтымыз қандай?  - Қазақ  - Біз қандай тілде сөйлейміз?  - Қазақ тілінде. --Балалар тақтаға назар аударайық.Картамен жұмыс.Біздің еліміз төрт бөлікке бөлінеді Оңтүстік,Солтүстік,Батыс ,Шығыс болып.Бүгінгі біздің сабағымыз біз мекен ететін Солтүстік Қазақстанға арналады. -Балалар біздің өлкеміз өте бай өлке біз нан пісіретін Бидайы көп- Астықты өлкеміз.Төрт-түлігіміз сай өлкеміз,төрт-түлік беретін өнімдерге тоқталамыз.Көкеніс-жемістеріміз жайлы айтып өтеміз.Жер-кен қазба байлықтарымыз жайлы айтып өтеміз (Бұның бәрі көрнекілік құралдар арқылы көрсетіліп отырылады) Картадан Солтүстік Қазақстанның қалаларын көрсетіп ,әр қалаға саяхат жасаймыз, интерактивті тақта арқылы. Сөздік жұмысы:Солтүстік,Оңтүстік,Батыс,Шығыс. Көңілді әуен қосылып балалар пойызда жүріп бара жатқандай қимылдар жасайды шеңбер бойымен. Ең алғашқы аялдама:Слайд №1Қызылжар қаласы.Слайд бойынша қаламның көрікті ғимараттарымен таныстыру , бұл бөлімді пазл жинаумен аяқтау. Көңілді әуен қосылып балалар пойызда жүріп бара жатқандай қимылдар жасайды шеңбер бойымен. Келесі аялдама:Слайд№2Біздің туған қаламыз Көкшетау қаласы.Қысқаша айта кету,балалар өзідеріне таныс жерлер жайлы әңгімелейді.Бұл  бөлімді көңілді логоритмика жаттығуымен аяқтаймыз. Көңілді әуен қосылып балалар пойызда жүріп бара жатқандай қимылдар жасайды шеңбер бойымен. Келесі аялдама:Слайд №3 Бурабай қаласы Солтүстік Қазақстанның ең әдемі де әсем жерлерінің бірі.Слайдпен жұмыс.Бұл бөлімді «Жануарлар » ойынымен аяқтау. Көңілді әуен қосылып балалар пойызда жүріп бара жатқандай қимылдар жасайды шеңбер бойымен. Келесі аялдама:Слайд№4 Еліміздің бас қаласы Астана да Солтүстік Қазақстанда орналасқан.Слайдпен жұмыс. -Балалар біздің Астанадағы достарымыз ,сендер секілді кішкентай балалар бізге видео хат және тағы да бір сәлемдеме  жіберіпті соны тамашалайық.Видео хатты көру.Интерактивті тақтадан видео хатты көреді	Балалар алақандарын үйкелеп содан соң бір –бірінің қолдарын ұстау арқылы жылу сыйлайды. Балалар сұрақтарға жауап қайтарады -Балалалар жаңа сөздерді топпен бірнеше рет қайталайды. Балалар көңілді әуен ырғағымен қимылдар жасайды Балалар көңілді әуен ырғағымен қимылдар жасайды Балалар көңілді әуен ырғағымен қимылдар жасайды Астана қаласындағы таныс ғимараттар жайлы әңгімелейді. Балалар сәлемдемесін тамашалайды.
Рефлексиялық-түзетушілік	-Балалар біз бүгінгі саяхатымызда қандай қалаларға бардық? -Ол қалалар Қазақстанның қай бөлігінде орналасқан? -Солтүстік Қазақстанның ең әдемі жері,бөлігі қалай аталады? Сәлемдемемен келген сиқырлы қағаздарды балалар акварел бояуымен бояғанда қағаз бетінде суреттер пайда болады.Астана қаласының көріністері.Белсенді атсалысқан балаларды мадақтау. Шығармашылық жұмыстарынан ата-аналарға көрме жасау.	Астана,Көкшетау, Бурабай,Қызылжар Деген жауаптар айтылады. Шығармашылық жұмысты аса қызығушылықпен орындайды.

Күтілетін нәтиже.

Нені білді:Еліміздің төрт бөлігімен танысты.

Игереді: Солтүстік Қазақстанның қалаларымен танысты.

Меңгерді: «Граттаж» тәсілімен сурет салуды.