С.Сурун-оол
– төрээн черинин ыраажызы.
Сорулгалары:
1.С.Сурун-оолдуң төрээн чер темазынга
бижиттинген шүлүктерин сайгарар. 2.Синквейннин дузазы-биле чогаадыкчы бодалдыг
уругларны хевирлеп, торээн черинге ынакшылды оттуруп кижизидер.
3.Уругларнын боданыр чоруун, аас болгаш
бижимел чугаазын сайзырадыр.
Дерилгези:
чогаалчынын чуруу, номнары, проектор, таблица, сөзүглелдер.
Методтар: анализ, дилеп-тывар, синквейн
тургузар, башкынын сөзү.
Кичээлдин
чорудуу:
I.
Организастыг кезек.
Мотивация.
- Класс шагынче киреринин бертинде мындыг
психологтуг мергежилгеден кылыптаалынарам. Оон адын «Адыш часкаашкыны» дээр.
Ам чаа-ла силерге солун, хөглүг апарган болгаш шупту демниг апарган болгай бис.
Ынчангаш кичээливисти ол-ла солун, хөглүг байдалывыс-биле эгелээлиинер.
II.
Класс шагынын чорудуу:
1.Тыва улустун мерген угаадыглыг мындыг
үлегер домактары бар: «Кижи чурттуг, куш уялыг», «Өскен чери – төрээн ие,
Өскелернии – соңгу ие» силер сактыр-дыр силер бе, уруглар? Оларда чүнүң
дугайын чугаалап турар-дыр?
- Шын-дыр, чурт! Чер! Төрээн чурт!
Бо сөстерни катаптап, дыңнап, оон
утказынче сиңнигип көруңер даан. Шынап-ла, кандыг-даа тыва кижиге чурту,
төрээн чери дег эргим чүүл турбас.
- Бистин төрээн черивис кайыл? Чүү деп
кожуунда чурттап турар бис?
-Шын-дыр, Барыын-Хемчик. Барыын-Хемчик
чурттуг, ону алгап, мактап чоруур чогаалчыларны адап көрүнерем. Оларны эн-не
улуу кымыл?
Ынчангаш бөгүнгу
класс шагынын темазы «Салим Сурун-оол – төрээн черинин ыраажызы».
2.- Салим Сурун-оол-биле таныш силер
бе, уруглар? Ол кымыл?
- Оон дугайында
чуну билир силер? (Чогаалчы дугайында каксы айтырар).
- Оон кандыг чогаалдарын номчаан
силер?
Өөреникчинин дыннадыы:
- Чогаалчы, шүлүкчү, прозачы,
драматург,Күш-ажылдын хоочуну, Тыва АССР-нин алдарлыг чогаалчызы, Тыванын
Улустун чогаалчызы Салим Сазыгович Сурун-оол 1924 чылдын апрель 15-те
Барыын-Хемчиктин Акка төрүттүнген. Бодунун дугайында сактыышкында чогаалчы
мынчаар бижип турар: «Мен черле бир кылыр дээн чүвемнин эчизинге четпес
болзумза, сагыжым амыравас чанчылдыг кижи мен. Аалымче чагаа-даа бижий
бергенимде, ону ара кагбас мен. Ном-даа тудуп алганымда, база ындыг мен:
дүне-даа номчуп чыткаш, ам салыр…». Шак-ла ындыг кызымак чаны-биле чогаалчы
Кызылдын башкы техникумун, совет партия школазын, Кызылдын башкы институдун
дооскан. Коммунистиг партиянын обкомунга инструкторлап, ном үндүрер черге
редакторлап, Тыванын ангы-ангы школаларынга башкылап, ТДЛТЭШИ-ге эртем
ажылдакчызы бооп ажылдап чораан.
Салим Сазыгович 1946 чылда парлалгага
«Төрээн чуртум», «Ак» деп шүлүктери-биле көстүп келген. Оон бээр-ле
чогаалчынын чогаалдары удаа-дараа үнүп, массалыг номчукчуга «Дагын таныжылга»,
«Силиг-оолдун чагаалары», «Чолаачынын оглу» деп чечен чугаалары, «Чайгы
хүннер», «Авазынга дангырак», «Ынакшыл-дыр», «Озалааш хем», «Лейтенантынын
даалгазы» деп тоожулары-биле 1960-70 чылдарда билдингир апарган. Оон соонда
кезек үеде чогаалчы чиде берген. Чылдагааны – ол үеге дүүшпес арагалаар, контр
кижилернин салым-чолун чогаалчынын бижээни болган. Ном үндүрер чернин
директору, чогаалчылар үнелелээн-даа болза, парлалга хынакчызы эрттирбээн.
Чүгле 1992 чылда үнгени чогаалчынын «Чогаалдар чыындызынга» долузу-биле
парлалгаже үнүп келген.
Сурун-оол – прозачы. Кижинин моральдыг
мөзү-шынарынын дугайында «Өске кадай», «Кымнын оглул?», «Адыжок» деп
тоол-шүлүглел, «Кижинин намдары», экология темазынга «Ак-Төш», «Ногаан
ортулук», тыва улустун анчы ёзулалдарынга хамаарыштыр «Тывалаар кускун» деп
романы бижээн.
Сурун-оол – драматург. Шии аймаанга бижээн
чогаалдарын театрнын сценазынга көргүспээн-даа болза, оларны адаваска,
чогаалчынын чогаадыкчы намдары четче эвес болур ийик. Оон «Чалатпаан аалчы»,
«Озалдаан-дыр силер, доктор», «Ол дугайын соонда», «Садка», «Инектер» деп
шиилери бар.
Сурун-оол – очулдурукчу. Салим
Сазыгович тыва дылче А.Пушкиннин «Шүлүглелдерин, тоолдарын», П.Ершовтун
«Конек-Горбуногун», А.Фадеевтин «Аныяк гвардиязын», В.Губаревтин «Павлик
Морозовун», С.Маршактын «Бүдүн чылын», Ш.Перронун «Кызыл бөртчүгежин»,
М.Лермонтовтун «Шүлүктер, шүлүглелдерин» мерген, чараш очулдурган.
Бөгүн чогаалчы Салим Сурун-оолдун дыка хөй
шүлүктери ырлар болуп хуула берип, кижилернин сагыш-хөңнүн часкарып чоруурлар.
Ол дээрге «Ак», «Үделге», «Амыракка», Колхозчу мен», «Барыын-Хемчиим», «Ырла,
Хемчик», «Тыва Республика», «Халдып ор, чолаачы», «Кара-кара карактар».. деп
ырлар-дыр.
3. Башкынын
сөзү:
- Тыва
ёзу-биле алырга, кижиниң төрээн чери беш: 1) адазының; 2) иезиниң чер-чурту; 3)
бодунуң төрүттүнген чери; 4) амгы үеде өг-бүлези-биле чурттап орар чери; 5)
соңгу назынында ие-черни кавай кылган чери. Бо черлерниң кайызы-даа кижиге бир
дөмей эргим, чоок. Чогаалчы Салим Сазыгович Сурун-оол төрээн чер темазынга
«Ак», «Барыын-Хемчиим», «Ырла, Хемчик», «Эрги-Барлык…», «Сенээ алдар, Тыва
республика», «Көк-көк даглар», «Өскен чер дугайында сөс» деп шүлүктерни
бижээн. Олар колдуу-ла ырлар апарган.
Ам
чогаалчынын «Көк-көк даглар» деп шүлүүн көрээлинер.
Кѳк-кѳк
даглар.
Хѳлегелиг, ылым-чылым, үн
чок ышкаш
Кѳк-кѳк
даглар аразынга тѳруттундүм.
Сарлык дозуп,ѳшкү
ай деп-кадарчылап,
Чалымнарга ,чуңма ышкаш , маңнап ѳстүм.
Кѳшкелерлиг,шип-ле
шимээн,ѳлүг ышкаш
Хѳлчок
кадыр шорааннарже үнүп чордум.
Кожагардан,эткен сыын дег, хереп алгаш,
Хостуг үнүм –чүрээм ырын салып чордум.
Хѳлүгүр
кѳк,шип-ле шимээн,ѳлүг
ышкаш,
Кѳк-кѳк
даглар, кѳѳрге-ле ,үн чок ышкаш
Ырлаптар сен,олар сеңээ улажыптар.
Ырак-чоокче ырың дораан тарадыптар.
Кара чаңгыс ыраажының хѳңнү
билир,
Кандыг хѳңнүн
сѳглексээн-дир оортан болур:
Хѳглүг
чорда,даглар база хѳглүг ырлаар.
Кѳксү-хѳрээң
хѳлзээн болза,сен дег хѳлзээр…
Оларда ыр,сенде ышкаш чеже-даа бар,
Омак-сергек,шала муңгак-кандыг-даа боор.
Ынак Тывам даглар-биле бүргеттинген,
Ырым-үнүм хаялардан дыңзып үнген.
Ам ол шүлүктү
М.Лермонтовтун чогаалы-биле деннеп корээлинер.
Синие
горы Кавказа, приветствую вас!
Вы взлелеяли детство мое;
Вы носили меня на своих одичалых хребтах;
Облаками меня одевали, вы к небу меня приучили,
И я с той поры все мечтаю о вас, да о небе.
-Кавказ
Лермонтовту чүнүң-биле кайгатканыл?
Эртинелиг
чараш ,катаптаттынмас бойдузу ону кайгаткан. Кавказ – меңги баштарлыг
бедик дагларның,хаяларның,куйларның,кадыр дѳңнерниң
чурту. Агаар-бойдус хенертен ѳскерли бээр,үргүлчү
«ыыт-дааштыг»шуурганнар болгулаар.Ында дыка хѳй хемнер
,шапкын агымныг дамырактар бар.
- Ийи чогаалчы көк
өннерни чүге ажыглап турарыл?
Кѳк ѳң-эң-не
бедик черлерде туманга ораашкан харның болгаш дээрниң ѳңү. Лермонтов
ѳңнерге
дыка ынак чораан:«Шүлүкчү ашкан кызыл хүнге,ак булутка,кѳк дээрге,ѳкпең-сарыг
ховуларга,ак-кѳк
карактарга,алдынналчак чашка ынак чораан.Ылаңгыя кѳк ѳңге дендии
ынак чораан.Дээрниң кѳк ѳңү болгаш кѳк даглар
Лермонтовтуң бодалдарын ,ооң чогаалдарының маадырларын «үстүкү ѳртемчейже»аппаар
турган.
С.Сурун-оолдуу-биле
–кѳк ѳң дээрге
сагыш сеткилдиң хайныгыышкыны, арыг сеткил,арыг харылзаалар,кижиге хүннүң чидиг
херелдеринден дыштанырының ѳңү.Дээрниң,доштуң,харлыг
сыннарның,дошталган хемнерниң ѳңү.Кѳк ѳң-бүзүрелдиң
болгаш кезээ мѳңгеде оожургалдың
символу.
4. Ам чогаалчынын сөзүнге бижээни
ырларны дыннаптаалынар.
А)Ыры «Сенээ алдар, Тыва республика».
Ырыны дыннаары.
Б) Ыры «Барыын-Хемчиим». Ырыны дыннаары.
5. Шүлүк «Ак» - өөреникчинин аянныг
номчулгазы.
6. Тургузуун сайгарары.
«Ак» - 3 строфалыг, строфалар 9
одуруглуг, одуруглар 2 стопалыг.
«Сенээ алдар, Тыва республика» - 3
строфадан тургустунган, строфалар 8 -9 одуруглуг, одуруглар 2 стопалыг.
5. Бистин суурувус дугайында кандыг
шүлүктер билир силер? Чогаалчы Салим Сазыговичинин 1984 чылда бижээни
«Эрги-Барлык…» деп шүлүүн дыннаан силер бе? Кым номчуптарыл?
6. Айтыргыларга харыылар:
- Чогаалчы торээн черин канчаар бижип
коргускен-дир?
- Оон шүлүктеринин темазы чүү деп бодаар
силер?
-Кандыг эпитет, метафора, деннелге, диригжидилгелер
бар-дыр?
-
Силер төрээн Тыванарга, суурунарга, черинерге ынак силер бе? А ол силерге ынак
бе, чүү деп бодап турар силер?
7.Синквейнден төрээн чуртка хамаарыштыр чогаадыптаалынар
(проектордан көргүзер).
Черим.
Унелиг, чоок.
Манап, холзеп,
мунчулбушаан.
Ынак хевээр.
Эргим. (2-3 оореникчинин
чижээн алгаш, номчудар).
8.Мергежилге «Харжыгаш». (чер бүрүзү ангы
деп чүүлдү билиндирер).
9.Таблица-биле ажыл.
Ак хем
|
Тыва
республика
|
Дүне-даа
дүшке кирер, көк-көк дагларлыг, хөлбен шыктыг, аржаан-эмниг, арга-арыы безин
айдыс чыттыг, байлак, чараш, чурттаксанчыг, туруксанчыг, өскен, төрээн эргим
чер.
|
Сайзанак
дег чараш, төөгүзү узун-даа бол, боду ам-даа чалыы, өңнүктери хөй.
|
10. Улегер домактар тывар (чер-чурт
дугайында).
IV. Туннел. (проекторда
рефлексияны ажыглаар).
-Уруглар, силер бо кичээлден чуну билип
алдынар?
- кичээл эгезинде салган проблемавысты
чедип алган-дыр бис бе?
VI. Демдектер салыры.
VII. Онаалга бээри.
1.Чогаадыг «Тыва чуртум».
2. Эрги-Барлык суурну долгандыр турар черлернин
слайдызын кылыр.
Башкы: Ынчангаш кичээливисти туннеп тура,
С.Сурун-оолдун одуруглары-биле тондурер-дир мен, уруглар.
«Сагыжымдан
төрээн черим кайын үнер».
Оставьте свой комментарий
Авторизуйтесь, чтобы задавать вопросы.