"Құстар "/Мектепалды даярлық тобы/

    Білім беру саласы : Шығармашылық.

    Оқу іс-әрекеті: Мүсіндеу.

    Тақырыбы: Табиғи материалдармен жұмыс.Құстар.

    Мақсаты: Балаларды табиғи материалдармен таныстыру,олармен жұмыс жасаудың алғашқы дағдыларын қалыптастыру.  Ермексазды  пайдалану,оны табиғи материалдармен.толықтыру,құстардың бейнесін жасату.Жұмыс орнын таза ұстау,ұқыптылыққа тәрбиелеу.Еңбек дағдыларын қалыптастыру.

     Керекті  құралдыр:  Табиғи материалдар:  үйеңкі жапырақтары,бұтақтар,шырша  бүрлері,жаңғақтар,т.б. Ермексаз (сазбалшық), тақтайша,құстар бейнесінің үлгісі (торғай,қораз) т.б.

     Әдіс тәсілдер: Ермексазбен табиғи материалдарды біріктіру жолдарын көрсету,түсіндіру.Әңгімелесу,табиғи материалдардан жасалған үлгіге талдау жасап,құстардың денесінің жолдарын көрсету.Сұрақ-жауап.

   Шаттық шеңбері:

          Қуан шаттан,алақай,

          Қуанатын келді күн,

          Қайырлы таң,қайырлы күн!

          Күліп шықты күн бүгін!

 Тәрбиеші:

          - Қазір жылдың қай мезгілі?

          Балалардың жауабы.

          - Бір жылда неше жыл мезгілі бар?

          Балалардың жауабы.

          -Күз екенің қалай білуге болады?

          Балалардың жауабы.

          -Күздің қандай белгілерін байқадыңдар?

          Балалардың жауабы.

          -Қандай айлар күз мезгіліне жатады?

          Балалардың жауабы.

  Тәрбиеші:

        - Балалар,мен сендерге жұмбақ жасырайын,шешуін табыңдар.

                           Балалармен достасып,                                                                                     

                           Жазда бақты қорғайды.

                           Күзде кетер қоштасып,

                           Кім біледі. (торғайды)

                           Бұрап қойған сағаттай,

                          Айқайлайды таң атпай.

                                         (Әтеш)

    Сергіту сәті:

                        Таң атты,күн шықты

                        Аспанды бұлт жапты

                        Жаңбыр жауды

                        Найзағай сарт-сұрт етті,

                        Біз бұға қалдық.

Тәрбиеші:

           Балалар біз бүгін алдымыздағы табиғи материалдардан құс жасап үйренеміз.Үлгіні таңдай отырып үй құстарынан әтештің,түз құстарынан торғайдың жасалу жолдарын түсіндеремін.

      - ермексазды үлкен және кіші екі бөлікке бөліп ал;

      - денесін,басын ермексаздан алақан арасына салып домалақтап,оны сопақша пішінге   келтіру,басын домалақтау;

      - бір-біріне екі бөлікті біріктіру;

      - тұмсығын шымшып созып шығару;

      -қанаттарының орнын стекамен сызып белгілеп алу;

      - қанаттарына жұқа жапырақтар сызық бойымен денесіне батырып кіргізу арқылы орналастырамыз.

      - құйырығын сүйірленген ұшына жапырақтарды шаншу арқылы жасаймыз (4-5 жапырақ);

     - аяқтарына бұтақтарды пайдаланып,оны ермексазбен біріктіреміз;

     - ермексаздан тұғыр жасап орналастырамыз;

     - әтештің айырмашылығы: айдары шымшып созу арқылы жасалады немесе жапырақтан, жапсыруға да болады:

     - екі құстың бірін таңдау,балалардың еркінде.

                                                         
     Іс-әрекеттің бағалау кезені.

- Балалар бұл құстарға қандай қамқорлық жасауға болады?

- Жем шашамыз,су береміз.

- Қандай тиім сөздер білесіңдер?

- «Құстың ұясын бұзба».

      Қорытынды:

 Балалардың жұмысын мадақтау.

     Күтілетін нәтиже:

     Нені біледі? Табиғи материалдардан құстардың бейнесін жасай алады.

     Жасай алуы. Өз бетімен іс-әрекет жасай алу.