"Құстардың ұя салуы" (3 сынып)

Бекітемін:                             ОІМ: А.Е.Кулекеева

Пәні:  Әдебиеттік оқу.

Уақыты:  10.02.2017ж

Сыныбы: 3

Сабақтың тақырыбы:  Құстардың ұя салуы (ертегі)

Сабақтың  мақсаты:   

а\ Білімділігі: Мәтінді түсініп оқып, құстардың тіршілігі туралы білімдерін одан әрі жетілдіру.

ә\ Дамытушылығы: Өз ойларын толықтай жеткізе білуге, байланыстыра  сөйлеу қабілеттерін дамыту.

б\ Тәрбиелілігі: Еліміздің байлығын,табиғатын бағалай білуге, құстарға қамқор

болуға тәрбиелеу.

Пәнаралық байланыс: дүниетану.

Түрі:аралас.

Сабақтың барысы:

І. Ұйымдастыру бөлімі.

Сабаққа назарларын аудару.

ІІ. Үй тапсырмасын сұрау.

ІІІ.Жаңа сабақ.

            Жұмбақтар шешу

Туысы дейді құстардың

Інісі дейді тышқанның

Тышқан да емес,құс та емес

Екеуінен де тыс қалдым

(Жапалақ)

Қызығып әр адам

Ұстап ап даладан

Жүнімен жұлып ап

Бесікке қадаған

Бұл қай құс?

(үкі)

Қашаудай мықты тұмсығым

Бәсеке тігем бұл шыным

Құрт,қоңыз,аулап жарысам

Орман дәрігері боп табылам

(Тоқылдақ)

Түсі қара мақпалдай

Төсі ақ сыр жаққандай

Ұшса оқтай зулайды

Көктен жұлдыз аққандай

(Қарлығаш)

Биікке салған ағаш үй

Сол ғой оның мекені

Жаздай сайран салып ап

Қыста алысқа кетеді

(Қараторғай)

Он екі айдың біреуі

Сірә оның атында

Өзге ұяға із тастап

Мен деп жар сап жүреді

(Көкек)

Жапалақ, үкі, тоқылдақ, қарлығаш, қараторғай, көкек жалпы атаулары? (құстар)

Олай болса, бүгінгі жаңа тақырыбымыз «Құстардың ұя салуы»

       Қарлығаш ұясын саз балшықтан сілекейімен араластырып бекем етіп жартас қуыстарына, жағалаудағы жарға, үй ішіне, кейде ағаш басына да салады. Ұясы жарты ай немесе түбі кең, аузы тар құмыра пішінді. Ұясының түбіне қауырсыннан, т.б. заттардан жұмсақ төсеніш жасайды.

Құстар табиғатқа сән береді. Олардың әуені табиғатты құлпыртып, адамдардың көңіл-күйін көтереді. Сонымен қатар көктемде күн жылынып, жер беті жасыл көрпе жамылып, көзге ыстық, көңілге жақын жауқазын гүлден алқа тағады. Сол кезде көкек келеді. Халық «Көкек келді, көктем келді» дейді. Сәуір айы көкек айы деп аталуы осында.

«Құстар»сөзіне топтастыру құру.

                                                       сан алуан

            пайдалы                                                                     әдемі

 

                

                        дос                                                                        қорғаушы     

      Мәтінмен жұмыс.

а) Ертегіні оқушыларға оқыту.

ә) Жалғастыра отырып мазмұнын айту.

5.Сұрақтар мен тапсырмалар:

-Ертедегі күллі құстар атауы қалай тіршілік етіпті?

-Құс патшасы құстарға қандай өсиет айтты?

6.Сөздік жұмыс.

-          Балалар, қандай үй құстарын білесіз?

-          Тауық, әтеш, балапан, қаз, үйрек

-           

Билингвальді  бөлім:  үй құстары –домашние птицы; тауық –курица;  балапан –цыпленок; әтеш –петух; қаз –гусь; үйрек – утка; жем - корм.

               «Қызықты мәлімет»

Халқымыз құстардың келуіне,кетуіне қарап болжамдар жасаған.Енді солардың біразына тоқтала кетейік.

Қарлығаш жоғары ұшса,күн жылы болады, ал төмен ұшса жаңбыр жауады.

Жаңбыр жауарда қарғалар у-да шу болады.

Шымшық ұя салса,қыс қатты болады.

Шағала келсе сең бұзылады.

Жыл құсы қаптап келсе, көктем ерте келеді.

IV. Сабақты бекіту.

     «Оқушы шығармашылығы» Бір құстың суретін салу

(Оқушылардың салған суреттері)

«Ақ көгершін» әнін орындау

V. Үйге тапсырма.

Мәтінді оқу

VI. Бағалау.