«Көгеріс - құтты мекенім»
Кең өріс, Көгеріс
Мекені сен елдің
Гүл толы айналаң,
Өзіңе жетер кім?
Көгеріс, құтты мекенім!
ия, ия дәл осылай елін сағынып, бес
жылдығын тойлаған 1975 жылғы түлектердің салған әні еді. Бұл жәй ғана ән емес,
шындығы бар түлектерінің Көгеріске арнаған алғыс сезімі болатын. Одан бері де
міне сырғып, тағы да 16 жыл өтті.
Жымпиты ауданы, Бұлдырты совхозының екінші
бөлімшесінде дәл өлеңде айтылғандай кең өрісті «Көгеріс» елді мекені бар. Елді
мекенде неберы 60 шақты тұрғын үй, 9 жылдық негізгі мектебі, 1 шағын орталық,
ауылдық кітапхана, медициналық бөлім халыққа қызмет етеді.
Жерінің кең, әрі көк өрісіне байланысты
«Көгеріс» деген атау берілген. Көгеріс елінің ерекшелігі сонда, әр азаматы сол
жердің игілігі үшін қызмет етуден аянған емес. Дәл қазіргі заманда сусыз,
газсыз отырған ел кемде- кем. Ал, бұл жерде не су, не газ жүйесі өтілмеген.
Халық ешқашанда қиындықтан қашқан емес, бұлар үшін ең бірінші орында адам
тағдыры тұрады. Сонау соғыс жылдары да халық бір адамдай, майдангерлерге
жүннен тоқылған қолғап, ет, жұмыртқа, май беру жұмыстарын ұйымшылдықпен
жасаған. Елде сонау сақ заманының мәйіттері қаз қалпында сақтаулы тұр. Елде
қиыншылық кезінде халық жолсыз ат арбамен талай жұмыстар атқарды. Өгіз арбамен
шөп тасыды, қол шанамен хат жеткізді. Бүгінде сол елді мекенде бұдан 25 жыл
бұрын 60 шақты үй болатын, әлі де өзгеріссіз, бір босаған шаңырақ көрмейсің.
Халықтың еңбекқорлығы туралы айтсам, таңғы төрттен, кешкі он екіге дейін жас,
кәрісі демей қызмет қылады. Әр мерекелерде әсіресе, 1- мамыр, 9- мамырда көшеге
шеруге шықса, наурыз тойын өз жерінде ат жарыс, қыз қуу ойындары бастап,
палуандар күресімен аяқтайды. Жүлдені ауылдың белді ағалары өз еркімен
тағайындайды. Мұндай мерекелерде жеңешелер көже таратып, ас пісірілді. Ауылда
өтілген жиналыстарға, әр сайлау кезінде өз еріктерімен 100 пайыз дауыс береді.
Халықтың ұйымшылдығы бір төбе, таң
қаласың. 2014 жылдың жазында менің әкем Сапаров Абылай дүниеден озды. Басымызға
түскен ауыр қазаны, қалай және қайтып көтеретінімізді білмедік, дәл осы сәтте
Көгеріс елінің халқы, ер адамдар отынды шауып әкеліп (оған рұқсат қағаз алу
керексің), оны отап, қазанға жағуға дайындаса, әйел адамдар қонақ дастарханын
жасау, еттің нанын жаяу, дастарханның орнын жинау жұмыстарын 7 күн бойы
ешқандай шақырусыз, ешқандай мәжбүрлеусіз өз еріктерімен қызмет қылды. Қалай
риза болмайсың. Мұндай, тату ел қайда бар?. Елі үшін адамдардың адамгершілігі
маңызды. Жерінің кеңдігі мен көк өрісі әр адамына қуат сыйлайтындай, осы
өлкеден бірнеше түлектер ұшып шықты, мысалы: Құрманғазы оркестрінің директоры
Нұрғиса Дәуешов. Жыл сайын еліне келіп, алғысын айтып, ақысыз концерт
ұйымдастырады. Алматы қаласының тарих ғылымдар докторанты Ғалым Құбашта Көгеріс
орта мектебінде білім алды. Бірнеше түлегіміз облыс көлемінде әртүрлі
салаларда қызмет етеді. Сонымен қатар осы мектептің түлектері Рима Сапарова,
Мөлдір Қажығалиева, Нұрсұлтан Сарбөпеев, Асылбек Маратов сынды жастарымыз
дипломмен ауылға бағдарламасымен елге оралды. Осы елдің көркеюі үшін әр отбасы
өз үлестерін қосады. Апта сайын ауланы, айына бір рет көшені тазалау жұмыстары
да жолға қойылған.
Малына шүйгін шөбін, адамына өмірлік азық
сыйлаған Көгеріс еліне алғыс айтамын. Мен осы елде өстім, оқыдым, түледім.
Алыста отырсам да елімнің гүлденіп, машинаға арналған асфальт жол төселіп,
суы мен газы өтіп, қазіргі заманға сай өркендеуіне тілекшімін.
Гаухар Аблайқызы
Орал қаласынан 87776463721
Оставьте свой комментарий
Авторизуйтесь, чтобы задавать вопросы.