Статья на тему "Как здорово, что все мы здесь сегодня собрались!"

Файҙалы осрашыу.

Мәктәп тормошо,мәктәп йылдары,балалыҡ,йәшлек йылдары кеше ғүмерендә,хәтерендә иң тәрән эҙ ҡалдырған ваҡыт арауығы.Ниндәй генә реформалар,үҙгәртеп ҡороу, имтихандарҙың ҡатмарлашыуы барыһы ла уҡыусы,уҡытыусы иңенән үтә.Ә шулай ҙа мәктәп йылдары хәтирәләргә,шатлыҡ-ҡыуанысҡа бай осор.Ошоно дәлилләп Ҡалдар мәктәбендә көрсөк,грипп тип тормай файҙалы һәм ҡыуаныслы осрашыу үтте.

Талип халҡы күңелсәк,бирешеп барғандарҙан түгеллегенә тағы инандыҡ был көндө.Ҡалдар мәктәбендә уҡып хәҙер талип булып йөрөүселәр бихисап. Төрлө уҡыу йорттарында белем алалар улар.Шуларҙың етәүһе үҙҙәренең уҡыу йорттары,ятаҡтағы тормош шарттары менән ентекләп таныштырҙылар.Стәрлетамаҡ ҡалаһы БДУ филиалының башҡорт теле һәм әҙәбиәте факультеты талиптары(улар Мораҡ һәм Ейәнсура районынан конференциянан юл ыңғайы) Үҙәнбаев Земфир(4 курс) һәм Мәхмүтова Зөлфиәнән(3 курс) факультеттарында дуҫлыҡ һәм ярҙамсыллыҡ,таҙалыҡ һәм бөхтәлек иң тәүге урында тороуын һәм тәртиптең ныҡлылылығына белем алыу,файҙалы ял итеүҙәргә ваҡыттың етеүлеген һыҙыҡ өҫтөнә алдылар.Туған телгә һөйөү,ҡалала яңлыш юлдан китеүҙе ҡурсалау кеүек урынлы кәңәштәр бирҙеләр. Салауат ҡалаһы ӨДНТУ филиалында уҡыусы Хәсәнов Булат(4 курс),Өфө ҡалаһында шул уҡ университетта белем алыусы Юскаева Гүзәлиә (4 курс) йәмғиәттә кәрәкле тип тапҡан һөнәр һайлауҙарын,мәктәп база белеменең ныҡлығынан уҡыу йортонда уҡыуҙа ҙур роль уйнауын билдәләнеләр.”Бөтә фәндәр ҙә кәрәкле-күп уҡығыҙ,туған телде онотмағыҙ,һәр ваҡытта алдынғы ҡарашлы булығыҙ”-тигән кәңәштәр бирҙеләр.Уҡытыусыларға оло рәхмәттәрен еткерҙеләр.Йыраҡ Мәскәү тарафтарында белем алыусы Халиков Ильнур(2 курс) МДУ-Геолого разведователь һөнәрен үҙләштерә.”Йыраҡ әлбиттә,һағындыра.Үҙемә оҡшаған уҡыу йорто булғас тиҙ өйрәндем.Башҡортостандан  дуҫтарым күп.Уҡыу еңел түгел,тырышырға кәрәк,спорт менән шөғөлләнегеҙ,Мәскәү йыраҡ тип ҡурмағыҙ,ялҡауланмаһаң бөтә ергә өлгөрөргә була”Ишембай ҡалаһы нефть колледжының беренсе курсында белем алыусы Йосопов Рөстәм үҙ сиратында уҡыу йортоноң факультеттары,торлағы тураһында бәйән итте,уҡыусыларҙы ныҡлы белем алыуға әйҙәне.Ғөмүмән талиптарҙың төплө фекер йөрөтөүҙәре,дөрөҫ мөғәләмә итә белеүҙәре уларҙың аң-белем тәрәнлеген күрергә мөмкин ине.  Инде күп йылдар мәктәптә уҡытҡан Юскаева Р.Ф.,Вәлитова С.И,Нарбикова Т.М.,Йосопова Ә.Ҡ,Хәсәнова Ф.Х үҙҙәре белем биргән элекке уҡыусыларына ғорурланып,рәхмәт һүҙҙәре ишетеп ҡыуанды,уңыштар,маҡсаттарына ирешеүҙәрен теләне.Яңыраҡ ҡына уҡыу йорттарын тамамлап мәктәпкә килгән йәштәребеҙ Бикбулатов Р.Г.,Юскаева С.Ш.,Баймурзин Д.Д уҡытыусы һөнәренең ҙур рәхмәткә лайыҡ ҡына түгел,ә һәр бер баланың һаулығы,ғүмере  өсөн яуаплылыҡ икәненә тағы бер төшөнгәндәрҙер. Шуныһы ҡыуандыра мәктәпте тамамлап китеп әлеге көндә талип булып йөрөргә тейешлеләр барыһы ла уҡыу йорттарында иҫән-һау,тырышып уҡып йөрөйҙәр.Шундай фекергә килдем,йырҙа әйтелгәнсә “Был донъяға беҙ килгәнбеҙ икән юҡҡа түгел,юҡҡа түгелдер”,маҡсатлы,яңылыҡҡа ынтылған йәштәребеҙҙең күңелдәрендәге осҡондары һүнмәһен,йәмғиәтебеҙ дөрөҫ юлдан барып һөнәргә эйә буласаҡ балаларын юғалтмаһа икән.Тырышлыҡ бер,тырышып тырышып та эш табалмайынса,үҙҙәрен юғалтҡандары булыуға юл ҡуйылмаһа икән.

Мәктәптең тәрбиә буйынса директор урынбаҫары Хәсәнова Ф.Х

Ҡалдар ауылы.