Әр
адам өз өмірінің иесі
Мен қандаймын?
Қарамын ба, ақпын ба?
Аңқаумын ба, пысықпын ба, сақпын ба?
Ойым да жоқ ақталатын алдында
Өзің білші, жақтырмасаң, жақтырма!...
...Расында
да «Мен қандаймын?» деген сауал әр жанның көкірегінде жүреді. Әр адам өзінше
жауап табуға тырысады, кейбірі өзінің шынайы болмысын танып білсе, кейбірі
жасандылық торынан шыға алмай, өзімшілдікпен өзіне жоғары баға беріп жатады.
Ол әр адамның өз таңдауы, алайда «өзіңді өзің танымай істің бәрі бос» десек,
бұл сауалға нақты әрі риясыз жауап берген дұрысырақ. Әр адам өз өмірінің иесі,
өмір уақыттан тұрады десек, демек, өз уақытының падишасы. Өміріңді жарқын
қылу, сәні мен салтанатын, мәні мен қадірін келтіру тек адамның қолындағы
нәрсе. Ол үшін қажеттісі- сенім! Сенім деген-сеңгір күш, ол алып тауды да
қозғайды демекші жасап жатқан ісіңнің тазалағына, таңдаған жолыңның дұрыстығына
көзің жетсе- жетістікке жетудегі алғышарттың орындалғаны деп ұғынуға болады.
Ағылшын
ғалымы Джон Локк: «Адам дүниеге келгенде оның санасы таза тақта сияқты, уақыт
өте келе оның тақтасы өмірлік тәжірибелермен толығады»,- деген екен, расында
да біз өмір сүру барысында ненің жақсы, ненің жаман екенін түсінеміз,
түйсігімізге қажеттісін алып, сана таразысынан өткіземіз. Сондықтан да,
қымбатты достым, ӨЗІҢЕ СЕН, ӨЗІҢДІ АЛЫП ШЫҒАР, АҚЫЛЫҢ МЕН ҚАЙРАТЫН ЕКІ ЖАҚТАП! Жасап
жатқан ісіңнің адалдығына, дұрыстығына сене отырып сен қайырымды істер
жасайсың, сол арқылы өзгелерді де бақытқа бөлей отырып алғыстың нұрына
шомыласың. Достық, адалдық ұғымдарымен етене таныса отырып қарым-қатынас
жарастығын түйсінесің, өз өмірлік ұстанымдарыңды құрастырасың. Ендеше, достым,
өмірің өз қолыңда екенін ешқашан ұмытпа! Сен өмірді қалай жақсы көрсең, өмір
де сені тура солай жақсы көреді. Кездескен қиындықтармен күрес, арпалыс,
өйткені өмір- ол тартыс. Әр адамның бойында екі қасқыр: бірі- ақ, екіншісі -
қара болады. Ағы- ол сенің жасаған жақсылықтарыңмен қоректенсе, қарасы- сен
жіберген қателіктерден күш алып өрбиді. Нәтижесінде тоқ қасқыр жеңіске жетіп,
адам болмысын жаулайды. Сондықтан да баршамыздың ақ қасқырымыз жеңіске жетіп,
өмірімізді игілікті істерге толтырып, қуана өмір сүрейік! Мен соған тілекшімін!
Оставьте свой комментарий
Авторизуйтесь, чтобы задавать вопросы.