Статья об ОСШ № 110 "Кружковые занятия"

Статья

 

Мектептегі үйірме жұмысының оқушы тәрбиесіндегі маңыздылығы

 Балалардың мектептен тыс бос уақытын тиімді ұйымдастыра отырып, тәрбие бағытында нақты қызмет жасайтын, қосымша түрлі салада білім беретін, кәсіби бағытта даярлай алатын бірден-бір білім мен тәрбие ордасы мектептен тыс ұйымдар болып табылады. Балалардың жеке басының дамуына жағдай жасау, шығармашылық еңбегіне қолдау көрсетіп, өздерінің қабілеттерін іске асыруларына жәрдемдесу, бір сөзбен айтқанда, қосымша білім мен тәрбие жұмыстарын жетілдіру – мектептен тыс ұйымдардың басты міндеті.

Қосымша білім беру саласы өзінше үлкен жүйе. Қосымша білім беру жүйесінің басты құнды басымдықтары: оқу-тәрбие үрдісін демократияландыру, салауатты өмір салтын қалыптастыру, жеке тұлғаның өзін-өзі билеуін, шығармашылығын дамыту. Сонымен қатар педагогикалық шығармашылық үшін қажетті жағдай жасау, оқу-бағдарламалық және әдістемелік қамтамасыз етудің жаңа технологияларын құру, балаларға қолдау көрсету және даралығын дамыту.Әдістемелік жұмыс - бұл әрбір қосымша білім педагогінің  кәсіптік шеберлігі мен біліктілігін жан-жақты арттыруға, оқу - тәрбие үдерісін жетілдіруге, нақты тәрбиеленушілердің білімін,  тәрбиесін және дамуын тиімді дәрежеге жеткізуге бағытталған өзара байланысты  іс-шаралардың  ғылым мен озық педагогика жетістіктеріне,  оқу-тәрбие үдерісінің нақты талдауына негізделген біртұтас жүйесі.Әдістемелік жұмыста оқу-тәрбие үдерісін жетілдіруге және қосымша білім беру педагогіне, білім беру ұйымына тәжірибелік көмек көрсетуге бағытталған алуан түрлі әдістемелік жұмысты дайындап,  өткізу және білім беру үдерісінің мониторингі маңызды орын алады.     

               

    Өскелең ұрпаққа қоғам талабына сай қосымша білім беріп, заман талабына сай   үйірмелерге тарту,  олардың  бос уақытын мазмұнды  ұйымдастыру, спорт секцияларына қызықтыру, қылмыс пен құқықбұзушылықтың алдын алу, тұрғылықты жері бойынша тәрбиелік процесті жүзеге асыру мақсатында  аула клубтары ашылып, үйірмелерге оқушылар тартылуда.