Үштұғырлы тіл: Бәсекеге қабілетті ұлт болудың бірінші
сатысы
«Үштұғырлы
тіл» туралы идеяны мемлекет басшысы Қазақстан халқы ассамблеясының XII
құрылтайында жария етті.
Тілдердің үш
тұғырлылығы идеясына Елбасы нақты анықтамасын берді: қазақ тілі мемлекеттік
дәрежесінде мемлекет өмірінің бар саласында «бүкіл қоғамымызды біріктіруші»
қызметін атқарса, орыс тілі ұлттар арасындағы қарым-қатынастарға қызмет етеді,
ал ағылшын тілі әлемдік экономикаға, әлемдік қауымдастыққа кірігуімізге қызмет
етеді.
Тіл – халықтың
ең басты қазынасы. Үш тұғырлы тіл саясатын қолға алсақ та, өз еліміздің ішінде
қазақ тілін өгейсітуге болмайтынын естен шығаруға болмайды. Мұндайда Қадыр
Мырзалиевтың «Өзге тілдің бәрін біл, өз тіліңді құрметте» деген даналық сөзі
ойымызға орала кетеді. Қарап отырсақ, қазіргі кезде мемлекет тарапынан мемлекеттік
тілді оқып-үйренуге барлық жағынан жағдай жасалған. Әрбір қазақстандық үшін
қазақ тілін білу – патриоттық борыш.
Екінші жағынан,
отандастарымыздың орыс тілін меңгеру деңгейін сақтап қалуына да көңіл
аударуымыз керек. Өйткені, орыс тілі – ұлтаралық қарым-қатынас пен
интеграциялық қызметтердің діңгегі. Ақпараттық кеңістігімізде орыс тілі әлі де
маңызды рөл атқаратынына ешкім дау айта алмас. Сондай-ақ, әлемдік алты ресми
тілдің қатарына кіретін орыс тілін меңгеруге бәсекеге қабілетті ұлттың
кез-келген өкілі ұмтылуы тиіс.
Ал “Үштұғырлы
тіл” идеясының үшінші құрамдас бөлігі – ағылшын тілін үйрену. Жасыратыны жоқ,
бүгінгі таңда ағылшын тілін меңгеру дегеніміз – ғаламдық ақпараттар мен
инновациялардың ағынына ілесу деген сөз. Ең бастысы, ағылшын тілін білу – бұл
іскерлік қарым-қатынас және әлемнің кез-келген нүктесінде бизнеспен айналысу
үшін міндетті талап.
Тіл білу –
байлық. Әсіресе, өркениеттік өрелік алға шығып, жаһанданудың лебі есіп тұрғанда
көп тілді игергенге ешкімнің таласы бола қоймайтыны анық. Сондықтан қазақ, орыс
және ағылшын тілдерін жетік меңгерген тұлға қалыптастырып, бәсекеге қабілетті
болу – біздің мақсатымыз.
Оставьте свой комментарий
Авторизуйтесь, чтобы задавать вопросы.